گلتِیوں 1:4 - کِتاب مُقدّس سرائیکی ترجمہ

⁴ یسُوع آپنڑے آپ کُوں ساڈے گُناہاں کیتے قُربان کر ڈِتا تاں جو او ساکُوں ساڈے خُدا تے باپ دی مرضی دے مطابق اِیں موجودہ بُرے زمانے کنُوں بچا گِھنے۔

گلتِیوں 1:4 Referans Kwoze

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

رومیوں 4:25

او ساڈے گُناہاں کیتے موت دے حوالے کیتا گِیا تے ساکُوں راستباز بنڑاوݨ کیتے زندہ کیتا گِیا۔

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

1 تِیمُتھِیُس 2:6

جئیں آپنڑے آپ کُوں ساریاں دی مخلصی کیتے فِدیہ دے طور تے ڈے ڈِتا۔ اِینویں اُوں مقرر وقت اُتے اِیں گالھ دی گواہی ڈِتی۔

اِفِسیوں 2:2

تے دُنیا دے طور طریقے اُتے چلدے تے ہوائی طاقتاں دے سردار یعنی ابلیس دی پیروی کریندے ہَوے۔ ایہ رُوح ہُنڑ تئیں نافرمان لوکاں ءچ تاثیر رکھیندی ہے۔

1تھِسّلُنیکیوں 3:13

او تُہاڈے دِلاں کُوں ایجھا مضبوط کرے جو جِیں ویلے ساڈا خُداوند یسُوع آپنڑے سارے مُقدّساں نال آوے تاں تُہاڈے دل ساڈے خُدا تے باپ دے سامنڑے پاک تے بے عیب ہووݨ۔

رومیوں 12:2

اِیں دُنیا دے طور طریقے اِختیار نہ کرو بلکہ سوچ نوِیں تھی ونجنڑ دے سببّوں تُساں وی بدل ونجو، تاں جو تُساں خُدا دی نیک، پسندیدہ تے کامِل مرضی کُوں تجربے نال جاݨ سگو۔

فِلِپّیوں 4:20

ساڈے خُدا تے باپ دی تمجید ہمیشاں تئیں تھیندی راہوے۔ آمین۔

اِفِسیوں 5:2

تے تُساں وی محبت نال زندگی گُزارو جِینویں مسیح ساڈے نال محبت کیتی تے ساڈے کیتے آپنڑے آپ کُوں خوشبو دار نذرانہ تے قُربانی دے طور تے خُدا کُوں ڈے ڈِتا۔

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،

مُکاشفہ 5:9

تے او ایہ نواں گیت گاوݨ لگے جو ”تُوں ای اِیں لائق ہیں جو طُومار کُوں گِھن تے اُوندیاں مُہراں کھولیں، کیوں جو تَیں ذبح تھی تے آپنڑے خون نال ہر قبیلہ، ہر زبان، ہر اُمت تے ہر قوم ءچوں لوکاں کُوں خُدا دے واسطے مُل گِھن گِھدے۔

1 یُوحنّا 3:16

اساں محبت کُوں اِیں تُوں جانڑیا ہے جو یسُوع مسیح ساڈے کیتے آپنڑی جان قُربان کر ڈِتی۔ تے ساڈے اُتے وی ایہ فرض ہے جو اساں آپنڑے بِھرانواں کیتے آپنڑی جان قُربان کرُوں۔

1 یُوحنّا 2:2

اُوہو ساڈے گُناہاں دا کفارہ ڈیوݨ آلا ہے تے نہ صرف ساڈے گُناہاں دا بلکہ ساری دُنیا دے گُناہاں دا وی۔

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

یعقُوب 4:4

خُدا نال بے وفائی کرݨ آلیو! کیا تُہاکُوں پتہ نئیں جو دُنیا نال دوستی رکھنڑ خُدا نال دُشمنڑی کرݨ ہے؟ اِیں واسطے جیہڑا کوئی دُنیا دا دوست بنڑݨ چاہندے او خُدا دا دُشمنڑ بنڑ ویندے۔

عبرانیوں 6:5

جِنہاں خُدا دے کلام دی چنگائی تے آوݨ آلے جہان دیاں قوتاں دا تجربہ کیتا ہا،

2تھِسّلُنیکیوں 2:16

ہُنڑ ساڈا خُداوند یسُوع مسیح خود تے ساڈا باپ خُدا جئیں ساڈے نال محبت رکھی تے آپنڑے فضل نال ابدی تسلی تے چنگی اُمید بخشی،

یُوحنّا 12:31

ہُنڑ دُنیا دی عدالت کیتی ویندی ہے۔ ہُنڑ دُنیا دا سردار باہر کڈھ ڈِتا ویسی

متّی 26:28

کیوں جو ایہ میڈا خون ہے، عہد دا او خون جیہڑا بہُوں ساریاں دے گُناہاں دی معافی کیتے وہایا ویندے۔

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

عبرانیوں 2:5

خُدا اُوں آوݨ آلی دُنیا کُوں جِیندا ذِکر اساں کریندے ہیں، فرشتیاں دے تابع نئیں کیتا۔

1تھِسّلُنیکیوں 3:11

ہُنڑ ساڈا خُدا تے باپ خود، تے ساڈا خُداوند یسُوع تُہاڈے دو ساڈی راہنمائی کرے۔

اِفِسیوں 6:12

کیوں جو ساکُوں خون تے گوشت دے خلاف نئیں بلکہ حُکمراناں، اِختیار آلیاں، اِیں اندھاری دُنیا دے حاکماں تے شریر رُوحانی طاقتاں دے خلاف جنگ کرنڑی ہے جیہڑیاں اسمانی جاہیں ءچ ہِن۔

اِفِسیوں 1:11

مسیح ءچ ساکُوں وی وراثت مِل گئی ہے کیوں جو خُدا جیہڑا سبھ کُجھ آپنڑی مرضی تے مقصد دے مطابق کریندے، اُوں آپنڑے اِرادہ دے مطابق ساڈے کیتے ایہ پہلے کنُوں ای مقرر کیتے۔

گلتِیوں 6:14

پر خُدا نہ کرے جو مَیں کہیں چیز اُتے فخر کراں سوائے آپنڑے خُداوند یسُوع مسیح دی صلیب اُتے، جیندے ذریعے دُنیا دی اہمیت میڈے کیتے صلیب اُتے چڑھ گئی ہے تے میڈی اہمیت دُنیا کیتے۔

رومیوں 8:32

جئیں آپنڑے پوتر کُوں قُربان کرݨ تُوں وی دریغ نہ کیتا بلکہ ساڈے ساریاں کیتے اُونکُوں موت دے حوالے کر ڈِتا تاں او اُوندے نال ساکُوں بئیاں ساریاں چیزاں وی کیوں نہ ڈیسی؟

رومیوں 8:3

ساڈی اِنسانی فطرت دی کمزوری دے سببّوں شریعت ساکُوں نہ بچا سگی پر خُدا ایہ کیتے۔ اُوں آپنڑے پوتر کُوں گُنہگاراں جِیہے جِسم ءچ بھیجیا تاں جو او گُناہ کیتے قُربان تھیوے۔ اِیں طرحاں خُدا جِسم ءچ ای گُناہ کُوں سزا ڈِتی،

رومیوں 1:7

ایہ خط اُنہاں سارے خُدا دے پیاریاں دے ناں ہے جیہڑے روم ءچ ہِن تے مُقدّس تھیوݨ کیتے سڈے گئے ہِن۔ ساڈے باپ خُدا تے خُداوند یسُوع المسیح دی طرفوں تُہاکُوں فضل تے اِطمینان حاصل تھیندا راہوے۔

یُوحنّا 10:11

چنگا آجڑی مَیں ہاں۔ چنگا آجڑی آپنڑیاں بھیڈاں کیتے جان ڈیندے۔

یُوحنّا 6:38

کیوں جو مَیں اسمان کنُوں اِیں واسطے نئیں لتھا جو آپنڑی مرضی پُوری کراں بلکہ اِیں واسطے جو آپنڑے بھیجنڑ آلے دی مرضی پُوری کراں۔

یُوحنّا 5:30

مَیں آپنڑے آپ کنُوں کُجھ نئیں کر سگدا۔ مَیں جِینویں سُنڑدا ہاں عدالت کریندا ہاں، تے میڈی عدالت سچی ہے کیوں جو مَیں آپنڑی مرضی نئیں بلکہ آپنڑے بھیجنڑ آلے دی مرضی چاہندا ہاں۔

لُوقا 22:42

”باپ! جے تُوں راضی ہوویں تاں ڈُکھ دا ایہ پیالہ مَیں کنُوں ہٹا گِھن وَل وی میڈی نئیں بلکہ تیڈی ای مرضی پُوری تھیوے۔“

مرقس 10:45

کیوں جو اِبنِ آدم وی اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

متّی 26:42

وَل او چلیا گِیا تے ایہ آکھ تے دُعا کیتی، ”میڈے باپ! جے ایہ پیالہ میڈے پیتے بغیر ٹَل نئیں سگدا تاں تیڈی مرضی پُوری تھیوے۔“

متّی 6:9

بس تُساں اِینویں دُعا کیتا کرو جو ساڈے باپ، تُوں جیہڑا اسمان اُتے ہیں تیڈا ناں پاک منیا ونجے۔

مُکاشفہ 7:9

اِیندے بعد جِیں ویلے مَیں نِگاہ کیتی تاں ڈِٹھا جو ہر قوم، قبیلہ، اُمت تے اہل زبان دی ہِک ایجھی وڈی بِھیڑ ہے جِیندا شمار کرݨ ممکن نئیں۔ او چِٹے کپڑے پا تے تخت تے لیلے دے سامنڑے کھڑی ہئی۔ تے او ہتھاں ءچ کھجور دیاں لڑیاں گِھدے ہوئے

رومیوں 8:27

تے او جیہڑا ساڈے دِلاں کُوں پرکھدا ہے رُوح القُدس دی سوچ کُوں جانڑدے کیوں جو رُوح القُدس خُدا دی مرضی دے مطابق مُقدّساں دی شفاعت کریندے۔

لُوقا 22:19

وَل اُوں روٹی گِھدی تے شُکر کر تے تروڑی تے شاگرداں کُوں ایہ آکھ تے ڈِتی جو ”ایہ میڈا بدن ہے جیہڑا تُہاڈے کیتے ڈِتا ویندے۔ میڈی یادگاری کیتے اِیہو کیتا کرو۔“

متّی 13:22

تے جھاڑیاں ءچ رہایا گِیا بیج اُوندی مثال ہے جیہڑا کلام کُوں سُنڑدا تاں ہے پر دُنیا دی فِکر تے دولت دا فریب اُونکُوں دبا ڈیندے تے اُونکُوں پھل نئیں لگدا۔

1کُرِنتھِیوں 15:3

کیوں جو مَیں تُہاکُوں سبھ تُوں زیادہ ضروری گالھ پُچا ڈِتی ہے جیہڑی میکُوں وی پُجی ہئی، جو مسیح خُدا دے کلام دے مطابق ساڈے گُناہاں کیتے مویا،

اِفِسیوں 5:16

تے وقت کُوں چنگی طرحاں استعمال کرو کیوں جو ڈینہہ بُرے ہِن۔

1تھِسّلُنیکیوں 1:3

اساں تُہاڈے کم جیہڑے اِیمان دی وجہ کنُوں ہِن، تے تُہاڈی محنت جیہڑی محبت دا نتیجہ ہے، تے تُہاڈے صبر کُوں جیہڑا ساڈے خُداوند یسُوع المسیح اُتے اُمید رکھنڑ دے سببّوں تُہاڈے ءچ پیدا تھئے، آپنڑے خُدا تے باپ دی حضُوری ءچ یاد کریندے ہیں۔