گلتِیوں 1:21 - کِتاب مُقدّس سرائیکی ترجمہ

²¹ اِیندے بعد مَیں سُوریہ تے کلکیہ دے علاقیاں ءچ گِیا۔

گلتِیوں 1:21 Referans Kwoze

اعمال 15:41

پولُس سُوریہ تے کلکیہ ءچوں تھیندا ہویا کلیسیاواں کُوں مضبوط کریندا گِیا۔

اعمال 9:30

جِیں ویلے بِھرانواں کُوں ایہ پتہ لگیا تاں اُونکُوں قیصریہ ءچ گِھن گئے تے تَرسُس کُوں روانہ کر ڈِتا۔

اعمال 6:9

کُرینی، اِسکندرِیہ، کلکیہ تے آسِیہ دے کُجھ لوک اُوں عبادت خانہ دے ہَن جیہڑا آزاد کیتے گئے غُلاماں دا اکھویندے۔ او ستِفُنس نال بحث کرݨ لگے۔

اعمال 15:23

تے اُنہاں دے ہتھ ایہ خط بھیجیا جو رسُولاں تے بزُرگ بِھرانواں دی طرفوں انطاکِیہ، سُوریہ تے کلکیہ دے اُنہاں مسیحی بِھرانواں کُوں جیہڑے غیر قوماں ءچوں ہِن، سلام پُجے۔

اعمال 13:1

انطاکِیہ دی کلیسیا ءچ کئی نبی تے اُستاد ہَن یعنی برنباس تے شمعون جیہڑا کالا اکھویندے تے لُوکِیُس کُرینی تے مناہیم جیہڑا چوتھائی مُلک دے حاکم ہیرودیس دے نال پلیا ہا تے ساؤل۔

اعمال 23:34

گورنر خط پڑھ تے پُچھیا، ”ایہ کیہڑے صوبے دا ہے؟“ تے ایہ معلوم کر تے جو کلکیہ دا ہے

اعمال 22:3

”مَیں یہُودی ہاں تے کلکیہ دے شہر تَرسُس ءچ پیدا تھیّا، پر میڈی تربیت اِیں شہر ءچ گملی ایل دے پیراں ءچ تھئی۔ مَیں پِیُو ڈاڈا دی شریعت اُتے پابندی نال عمل کرݨ دی تعلیم گِھدی۔ مَیں خُدا کیتے ایجھا جوشیلا ہم جِینویں اَج تُساں ہیوے۔

اعمال 21:39

پولُس آکھیا، ”مَیں یہُودی ہاں تے کلکیہ دے مشہور شہر تَرسُس دا راہنڑ آلا ہاں۔ مَیں تُہاڈی مِنت کریندا ہاں جو میکُوں لوکاں نال گالھ کرݨ دی اِجازت ڈیؤ۔“

اعمال 21:3

جِیں ویلے کُپرُس جزیرہ نظریا تاں اساں اُونکُوں کھبے ہتھ چھوڑ تے سُوریہ کیتے روانہ تھئے تے صور ءچ لتھے کیوں جو اُتھاں ساڈے جہاز کُوں مال لہاونڑا ہا۔

اعمال 18:18

بس پولُس بہُوں ڈینہاں تئیں کُرِنتُھس ءچ ریہا، وَل او بِھرانواں کنُوں رُخصت تھی تے جہاز اُتے سُوریہ دو چلیا گِیا۔ پرسکِلہ تے اَکوِلہ وی اُوندے نال ہَن۔ روانہ تھیوݨ تُوں پہلے پولُس آپنڑی مَنت پُوری تھیوݨ پارُوں کِنخریہ ءچ آپنڑا سر مُنوایا۔

متّی 4:24

یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔