گلتِیوں 1:17 - کِتاب مُقدّس سرائیکی ترجمہ

¹⁷ تے نہ یروشلیم ءچ اُنہاں دے کولھ گِیا جیہڑے مَیں کنُوں پہلے رسُول مقرر کیتے گئے ہَن، بلکہ سِدھا عرب دو چلیا گِیا تے بعد ءچ دمشق وَل آیا۔

گلتِیوں 1:17 Referans Kwoze

گلتِیوں 1:18

ترے سال بعد میں پطرس نال مُلاقات کرݨ کیتے یروشلیم گِیا تے پندھراں ڈینہہ تئیں اُوندے کولھ ریہا۔

اعمال 9:2

تے اُوں دمشق دے عبادت خانیاں کیتے خط منگے تاں جو جیہڑا وی مسیح دی راہ اُتے ٹُرݨ آلا مِلے بھانویں او مرد ہووے یا عورت، اُونکُوں گرفتار کر تے یروشلیم گِھن آوے۔

اعمال 9:8

ساؤل زمین تُوں اُٹھی کھڑا تھیّا پر جِیں ویلے اکھیں کھولیاں تاں اُونکُوں کُجھ ڈِکھالی نہ ڈِتا۔ اِیں واسطے لوک اُوندا ہتھ پکڑ تے دمشق ءچ گِھن گئے۔

اعمال 9:10

دمشق ءچ حننیاہ ناں دا ہِک شاگرد ہا۔ خُداوند اُونکُوں رویا ءچ آکھیا جو ”حننیاہ!“ اُوں آکھیا ”خُداوند! مَیں حاضر ہاں۔“

اعمال 9:19

وَل کُجھ کھا تے طاقت پائی۔ ساؤل کئی ڈینہہ اُنہاں شاگرداں نال ریہا جیہڑے دمشق ءچ ہَن۔