گلتِیوں 1:14 - کِتاب مُقدّس سرائیکی ترجمہ

¹⁴ مَیں یہُودی طور طریقے ءچ آپنڑے ہم عُمر یہُودیاں کنُوں زیادہ ودھدا ویندا ہم تے بزُرگاں دیاں روایتاں اُتے غیرت نال عمل کریندا ہم۔

گلتِیوں 1:14 Referans Kwoze

کلُسِّیوں 2:8

خبردار! کوئی بندہ تُہاکُوں اُنہاں فلسفیانہ تے بے فائدہ دوکھے آلے گالھیں دا شکار نہ کر گِھنے، جیہڑیاں اِنسانی روایتاں تے دُنیاوی اصُولاں دے مطابق ہِن نہ جو مسیح دے مطابق۔

اعمال 26:5

او شروع کنُوں میکُوں جانڑدے ہِن تے جے چاہوݨ تاں میڈے حق ءچ گواہی ڈے سگدے ہِن جو مَیں فریسی ہوندے ہوئے آپنڑے مذہب دے سبھ کنُوں پابند فرقہ دے مطابق زندگی گُزریندا ہم۔

1 پطرس 1:8

تُساں یسُوع کُوں نئیں ڈِٹھا وَل وی اُوندے نال محبت کریندے ہیوے۔ بھانویں تُساں اِیں وقت اُونکُوں نئیں ڈیدھے، وَل وی اُوندے اُتے اِیمان رکھیندے ہوئے ایجھی خوشی منیندے ہیوے جیہڑی بیان تُوں باہر تے جلال آلی ہے۔

اعمال 22:3

”مَیں یہُودی ہاں تے کلکیہ دے شہر تَرسُس ءچ پیدا تھیّا، پر میڈی تربیت اِیں شہر ءچ گملی ایل دے پیراں ءچ تھئی۔ مَیں پِیُو ڈاڈا دی شریعت اُتے پابندی نال عمل کرݨ دی تعلیم گِھدی۔ مَیں خُدا کیتے ایجھا جوشیلا ہم جِینویں اَج تُساں ہیوے۔

متّی 15:6

تاں او اُوں چیز نال آپنڑے ماء پِیُو دی خدمت بےشک نہ کرے۔ بس تُساں آپنڑی رسم نال خُدا دے کلام کُوں بے اثر کر ڈِتے۔

اعمال 26:9

ہِک وقت ہا جڈاں مَیں یسُوع ناصری دے ناں دی ہر طرحاں مخالفت کرݨ آپنڑا فرض سمجھدا ہم۔

اعمال 21:20

ایہ سُنڑ تے اُنہاں خُدا دی حمد کیتی تے وَل اُونکُوں آکھیا، ”بِھرا! تُوں آپ ڈیدھیں جو ہزاراں یہُودی اِیمان گِھن آئے ہِن تے او سارے شریعت اُتے عمل کرݨ ءچ بہُوں جوشیلے ہِن۔