گلتِیوں 1:10 - کِتاب مُقدّس سرائیکی ترجمہ

¹⁰ کیا مَیں ایہ کوشش کریندا پِیا ہاں جو لوک میکُوں پسند کرݨ یا خُدا میکُوں پسند کرے؟ کیا مَیں آدمیاں کُوں خوش کرݨ چاہندا ہاں؟ جے ہُنڑ تئیں آدمیاں کُوں خوش کرݨ دی کوشش ءچ لگا راہندا تاں مسیح دا خادم نہ ہوندا۔

گلتِیوں 1:10 Referans Kwoze

1تھِسّلُنیکیوں 2:4

بلکہ جِینویں خُدا ساکُوں مقبول بندے سمجھ تے خوشخبری ساڈے سپُرد کیتی ہے، اُونویں ای اساں خوشخبری بیان کریندے ہیں۔ اساں آدمیاں کُوں نئیں بلکہ خُدا کُوں خوش کرݨ چاہندے ہیں جیہڑا ساڈے دِلاں کُوں پرکھدے۔

اعمال 5:29

پطرس تے رسُولاں جواب ءچ آکھیا جو ”ساڈے اُتے اِنسان دے حُکم دی بجائے خُدا دا حُکم مننڑ زیادہ فرض ہے۔

اِفِسیوں 6:6

آدمیاں کُوں خوش کرݨ آلیاں آلی کار صرف ڈِکھاوے کیتے خدمت نہ کرو بلکہ مسیح دے خدمت گُزار ہوندے ہوئے دل نال خُدا دی مرضی پُوری کرو۔

یعقُوب 4:4

خُدا نال بے وفائی کرݨ آلیو! کیا تُہاکُوں پتہ نئیں جو دُنیا نال دوستی رکھنڑ خُدا نال دُشمنڑی کرݨ ہے؟ اِیں واسطے جیہڑا کوئی دُنیا دا دوست بنڑݨ چاہندے او خُدا دا دُشمنڑ بنڑ ویندے۔

متّی 22:16

بس اُنہاں آپنڑے شاگرداں کُوں ہیرودیس دے پیروکاراں نال اُوندے کولھ بھیجیا تے اُنہاں آکھیا، ”اُستاد! اساں جانڑدے ہیں جو تُساں سچے ہیوے تے سچائی نال خُدا دی راہ دی تعلیم ڈیندے ہیوے، تے کہیں دی پرواہ نئیں کریندے کیوں جو تُساں کہیں بندے دے طرفدار نئیں۔

کلُسِّیوں 3:22

نوکرو، آپنڑے دُنیاوی مالکاں دے ہر گالھ ءچ فرمانبردار راہو، لوکاں کُوں خوش کرݨ آلیاں آلی کار صرف ڈِکھاوے کیتے نئیں بلکہ خلوص دِلی تے خُدا دے خوف نال۔

رومیوں 2:29

بلکہ یہُودی اُوہو ہے جیہڑا دِلی طور تے یہُودی ہے تے ختنہ اُوہو ہے جیہڑا دل دا تے رُوحانی ہے نہ جو لِکھے ہوئے حُکم دا۔ ایجھے اِنسان دی تعریف آدمیاں دی طرفوں نئیں بلکہ خُدا دی طرفوں ہوندی ہے۔

1 یُوحنّا 3:9

جیہڑا کوئی خُدا تُوں پیدا تھئے، او گُناہ نئیں کریندا راہندا کیوں جو اُوندے ءچ خُدا دی فطرت راہندی ہے۔ اُوندے کیتے گُناہ کرݨ ناممکن ہے کیوں جو او خُدا دا پوتر ہے۔

2کُرِنتھِیوں 12:19

کیا تُساں ہُنڑ تئیں اِیہو سمجھدے ہیوے جو اساں تُہاڈے سامنڑے آپنڑا دفاع پیش کریندے ہیں؟ اساں تاں مسیح دے بندے ہوندے ہوئے خُدا کُوں حاضر جاݨ تے بُولیندے ہیں تے عزیزو، اساں جیہڑا کُجھ وی کریندے ہیں او تُہاڈی ترقی کیتے کریندے ہیں۔

رومیوں 2:8

پر جیہڑے خود غرض ہِن تے سچائی کُوں چھوڑ تے بُرائی دے پِچُھوں چلدے ہِن اُنہاں اُتے قہر تے عذاب نازل تھیسی۔

رومیوں 1:1

ایہ خط میں پولُس دی طرفوں ہے جیہڑا یسُوع مسیح دا خادم ہاں۔ میں رسُول ہووݨ کیتے سڈیا گِیا ہاں تے خُدا دی خوشخبری سُناوݨ کیتے مقرر کیتا گِیا ہاں۔

1کُرِنتھِیوں 10:33

اِینویں ای مَیں وی سبھ گالھیں ءچ ساریاں کُوں خوش کرݨ دی کوشش کریندا ہاں۔ مَیں آپنڑا نئیں بلکہ ڈُوجھیاں دا فائدہ گولھیندا ہاں تاں جو او نجات پاوݨ۔

متّی 28:14

تے جے ایہ گالھ گورنر دے کَن تئیں پُجی تاں اساں اُونکُوں سمجھا تے تُہاکُوں خطرے تُوں بچا گِھنسوں۔“

اعمال 12:20

ہُنڑ ہیرودیس صور تے صیدا دے لوکاں تُوں بہُوں ناخوش ہا۔ بس او لوک کٹھے تھی تے اُوندے کولھ آئے تے محل دے ناظم بلَستُس کُوں آپنڑا حامی بنڑا تے بادشاہ کُوں صُلح دی درخاست کیتی، اِیں واسطے جو اُنہاں دے مُلک کُوں بادشاہ دے مُلک کنُوں رَسد پُجدی ہئی۔

متّی 6:24

کوئی بندہ ڈُو مالکاں دی خدمت نئیں کر سگدا، کیوں جو یا او ہِک کنُوں نفرت کریسی تے ڈُوجھے نال محبت، یا ہِک نال وفا کریسی تے ڈُوجھے کُوں حقیر جانڑسی۔ تُساں خُدا تے دولت ڈوہائیں دی خدمت نئیں کر سگدے۔

فِلِپّیوں 1:1

ایہ خط مسیح یسُوع دے خادماں پولُس تے تِیمُتِھیُس دی طرفوں، نگہباناں تے کلیسیا دے اِنتظام کرݨ آلیاں سمیت فِلپی دے سارے مُقدّساں دے ناں ہے جیہڑے یسُوع المسیح دے ہِن۔