اِفِسیوں 6:18 - کِتاب مُقدّس سرائیکی ترجمہ

¹⁸ ہر ویلے رُوح القُدس ءچ ہر طرحاں نال دُعا تے مِنت کریندے راہو۔ تے اِیں مقصد کیتے جاگدے راہو تے سارے مُقدّساں کیتے ہر ویلے دُعا کریندے راہو۔

اِفِسیوں 6:18 Referans Kwoze

1تھِسّلُنیکیوں 5:17

بلاناغہ دُعا کرو۔

کلُسِّیوں 4:2

شُکرگزاری تے بیداری نال دُعا کرݨ ءچ مصروف راہو۔

فِلِپّیوں 4:6

کہیں گالھ دی فِکر نہ کرو، بلکہ ہر حالت ءچ دُعا تے مِنت دے ذریعے تُہاڈیاں درخاستاں خُدا دے سامنڑے شُکرگزاری نال پیش کیتیاں ونجنڑ۔

1 تِیمُتھِیُس 2:1

سبھ تُوں پہلے مَیں ایہ نصیحت کریندا ہاں جو سبھ لوکاں کیتے درخاستاں، دُعاواں، مِنتاں تے شُکر گُزاریاں کیتیاں ونجنڑ،

یہُوداہ 1:20

پر عزیزو! تُساں آپنڑے پاک اِیمان ءچ ترقی کر تے رُوح القُدس دی مدد نال دُعا کریندے راہو۔

مرقس 14:38

جاگدے تے دُعا کریندے راہو تاں جو ازمائش ءچ نہ پوو۔ رُوح تاں تیار ہے پر جِسم کمزور ہے۔“

لُوقا 21:36

بس ہر ویلے جاگدے تے دُعا کریندے راہو تاں جو تُہاکُوں اِنہاں سارے گالھیں کنُوں جیہڑیاں تھیوݨ آلیاں ہِن، بچنڑ تے اِبنِ آدم دے حضُور ءچ کھڑے تھیوݨ دی قُدرت ہووے۔“

متّی 26:41

جاگدے تے دُعا کریندے راہو تاں جو ازمائش ءچ نہ پوو۔ رُوح تاں تیار ہے پر جِسم کمزور ہے۔“

اِفِسیوں 1:16

تُہاڈے کیتے خُدا دا شُکر کرݨ کنُوں باز نئیں آندا تے آپنڑیاں دُعاواں ءچ تُہاکُوں یاد کریندا ہاں۔

رومیوں 12:12

اُمید ءچ خوش، مُصیبت ءچ صابر، دُعا کرݨ ءچ لگے راہو۔

مرقس 13:33

خبردار! جاگدے تے دُعا کریندے راہو کیوں جو تُساں نئیں جانڑدے جو او وقت کِیں ویلے آسی۔

1 پطرس 4:7

سبھ چیزاں دے خاتمے دا وقت نیڑے ہے۔ اِیں واسطے دُعا کرݨ کیتے سنجیدہ تے ہوشیار راہو۔

اعمال 1:14

ایہ سارے اُنہاں عورتاں تے یسُوع دی ماء مریم تے اُوندے بِھرانواں نال کٹھے تھی تے دُعا کریندے ریہے۔

لُوقا 22:46

تے اُنہاں کُوں آکھیا، ”تُساں کیوں سُتے پئے ہیوے؟ اُٹھی تے دُعا کرو تاں جو ازمائش ءچ نہ پوو۔“

عبرانیوں 5:7

جِیں ویلے یسُوع اِیں دُنیا ءچ ہا، اُوں خُدا کنُوں جیہڑا اُونکُوں موت کنُوں بچا سگدا ہا، اُچی اواز ءچ تے ہنجُو وہا وہا تے دُعاواں تے مِنتاں کیتیاں، تے اُوندی سُنڑی گئی کیوں جو اُوں آپنڑے آپ کُوں خُدا کیتے وقف کیتا ہا۔

2 تِیمُتھِیُس 1:3

مَیں خُدا دا شُکر ادا کریندا ہاں جیندی عبادت مَیں آپنڑے پِیُو ڈاڈے دی طرحاں نیک نیّتی نال کریندا ہاں، تے تیکُوں ڈینہہ رات آپنڑیاں دُعاواں ءچ یاد کریندا ہاں۔

فِلِپّیوں 1:4

تُہاڈے کیتے آپنڑی ہر دُعا ءچ مَیں بہُوں خوشی نال دُعا کریندا ہاں،

اِفِسیوں 6:19

میڈے کیتے وی دُعا کرو تاں جو جڈاں کڈھائیں میکُوں بولنڑ دا موقع مِلے تاں خُدا میکُوں ایجھے الفاظ ڈیوے جو خوشخبری دے راز کُوں دلیری نال ظاہر کر سگاں،

اعمال 12:5

بس پطرس تاں پہرے ءچ ہا پر ساری کلیسیا اُوندے کیتے خُدا کنُوں دل و جان نال دُعا کریندی پئی ہئی۔

فِلیمون 1:5

کیوں جو میں سُنڑدا ہاں جو تُوں خُداوند یسُوع مسیح اُتے اِیمان رکھیندیں تے خُدا دے سارے مُقدّساں کیتے محبت رکھیندیں۔

اعمال 10:2

او بہُوں دیندار ہا تے آپنڑے گھرانڑے سمیت خُدا کنُوں ڈردا ہا، تے یہُودیاں کُوں بہُوں خیرات ڈیندا تے ہر ویلے خُدا کنُوں دُعا کریندا ہا۔

اعمال 6:4

پر اساں تاں دُعا ءچ تے کلام دی خدمت ءچ مصروف راہسوں۔“

اِفِسیوں 3:18

سارے مُقدّساں دے نال چنگی طرحاں جاݨ سگو جو اُوندی محبت دی لمبائی، چوڑائی، اُچائی تے گہرائی کِتی ہے،

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،

رومیوں 8:15

کیوں جو تُہاکُوں ایجھی رُوح نئیں مِلی جیہڑی تُہاکُوں ڈرݨ آلے غُلام بنڑیندی ہے بلکہ خُدا دی رُوح مِلی ہے جیہڑی تُہاکُوں لےپالک بنڑیندی ہے جیندے وسیلے نال اساں ”ابّا“ یعنی ”باپ“ آکھ تے سڈیندے ہیں۔

اِفِسیوں 2:22

تے تُساں وی خُداوند ءچ دُوجھیاں نال تعمیر تھیندے ویندے ہیوے تاں جو ایجھا گھر بنڑے جیندے ءچ خُدا آپنڑے رُوح القُدس دے وسیلے راہوے۔

لُوقا 3:37

تے او متوسِلح دا تے او حنُوک دا تے او یارِد دا تے او مہلل ایل دا تے او قِینان دا،

کلُسِّیوں 1:4

کیوں جو اساں سُنڑیا ہے جو تُساں مسیح یسُوع اُتے اِیمان رکھیندے ہیوے تے سارے مُقدّساں نال محبت کریندے ہیوے۔

گلتِیوں 4:6

کیوں جو تُساں پوتر ہیوے اِیں واسطے خُدا آپنڑے پوتر دا رُوح القُدس ساڈے دِلاں ءچ بھیجیا تے او ”ابّا“ یعنی ”باپ“ آکھ تے سڈیندا راہندے۔

لُوقا 3:26

تے او ماعَت دا تے او متِّتیاہ دا تے او شمِعی دا تے او یوسیخ دا تے او یوداہ دا،

کلُسِّیوں 1:3

اساں جِیں ویلے وی تُہاڈے کیتے دُعا کریندے ہیں تاں ہمیشاں آپنڑے خُداوند یسُوع المسیح دے باپ، یعنی خُدا دا شُکر ادا کریندے ہیں

متّی 17:21

[پر ایہ قِسم دُعا تے روزہ دے بغیر نئیں نِکل سگدی۔“]