اِفِسیوں 6:14 - کِتاب مُقدّس سرائیکی ترجمہ

¹⁴ بس اِینویں قائم راہو یعنی سچائی دا پٹکا آپنڑی چیل نال بَدھ گِھنو، راستبازی دا سینہ بند بَدھ گِھنو،

اِفِسیوں 6:14 Referans Kwoze

1تھِسّلُنیکیوں 5:8

پر اساں ڈینہہ دے فرزند ہیں، اِیں واسطے ساکُوں چاہیدے جو اِیمان تے محبت دا سینہ بند لا تے، تے نجات دی اُمید دا جنگی ٹوپ پا تے ہوشیار راہوں۔

لُوقا 12:35

تُہاڈی تیاری تھئی ہووے تے تُہاڈے ڈیوے بلدے راہوݨ۔

1 پطرس 1:13

اِیں واسطے ذہنی طور تے تیار تے ہوشیار تھی ونجو تے اُوں فضل اُتے پُوری اُمید رکھو جیہڑا یسُوع مسیح دے ظہور ویلے تُہاڈے اُتے تھیسی۔

2کُرِنتھِیوں 6:7

سچے کلام، خُدا دی قُدرت دے ذریعے تے راستبازی دے ہتھیاراں دے ذریعے جیہڑے ساڈے سجے کھبے ہتھاں ءچ ہِن،

اِفِسیوں 5:9

کیوں جو نُور دا پھل ہر طرحاں دی نیکی، پرہیزگاری تے سچائی ہے۔

مُکاشفہ 9:17

او گھوڑے تے اُنہاں دے سوار جِنہاں کُوں مَیں آپنڑی رویا ءچ ڈِٹھا ہا، ایجھے سینے بند پاتی ودے ہَن جیہڑے بھاہ وانگُوں رتّے، سُنبل وانگُوں نیلے تے گندھک وانگُوں پِیلے ہَن۔ تے اُنہاں گھوڑیاں دے سر ببرشیر وانگُوں ہَن۔ اُنہاں دے مُنہ کنُوں بھاہ، دُھوواں تے گندھک نِکلدی پئی ہئی۔

مُکاشفہ 9:9

اُنہاں دے سینے اُتے لُوہے آلی کار سینے بند ہَن، تے اُنہاں دے کھمباں دی اواز ایجھی ہئی جِینویں جنگ دے میدان ءچ بے شمار گھوڑیاں تے رتھاں دے بھجنڑ نال تھیندی ہے۔

رومیوں 13:12

رات تقریباً لنگھ گئی ہے تے ڈینہہ نِکلنڑ آلا ہے، اِیں واسطے اساں اندھارے دے کماں کُوں چھوڑ تے نُور دے ہتھیار بَدھ گِھنوں۔

اِفِسیوں 6:13

اِیں واسطے تُساں خُدا دے ڈِتے ہوئے سارے ہتھیار تے حفاظتی لباس پا گِھنو تاں جو جڈاں بدی دا ڈینہہ آوے تاں تُساں دُشمنڑ دا مُقابلہ کر سگو تے سبھ کُجھ پُورا کر تے قائم رہ سگو۔