اِفِسیوں 5:4 - کِتاب مُقدّس سرائیکی ترجمہ

⁴ تے نہ ای شرم آلے گالھیں، بَک بَک یا گندے گالھیں ہووݨ، کیوں جو ایہ مناسب نئیں بلکہ تُہاڈی زبان اُتے شُکرگزاری ہووے۔

اِفِسیوں 5:4 Referans Kwoze

کلُسِّیوں 3:8

پر ہُنڑ تُساں اِنہاں ساریاں کُوں چھوڑ ڈیؤ یعنی کاوڑ، ناراضگی، بُغض، بدگوئی، تے آپنڑے مُنہ کنُوں مندھے کڈھنڑ۔

اِفِسیوں 4:29

تُہاڈے مُنہ ءچوں کوئی گندی گالھ نہ نِکلے بلکہ صرف اُوہو گالھ نِکلے جیہڑی چنگی تے فائدہ مند ہووے تاں جو سُنڑݨ آلیاں کُوں وی اُوندے تُوں برکت مِلے۔

1تھِسّلُنیکیوں 5:18

ہر گالھ ءچ شُکرگزاری کرو کیوں جو مسیح یسُوع ءچ تُہاڈے کیتے خُدا دی اِیہو مرضی ہے۔

2 پطرس 2:18

ایہ لوک غرور دیاں فضول گالھیں کریندے ہِن، تے بے ہُودہ جسمانی خواہشاں نال ایجھے لوکاں کُوں ورغلیندے ہِن جیہڑے گُمراہی ءچ راہوݨ آلیاں ءچوں ہُنڑیں ہُنڑیں بچ نِکلے ہِن۔

عبرانیوں 13:15

اِیں واسطے اساں یسُوع دے وسیلے نال آپنڑی حمد دی قُربانی خُدا دے حضُور پیش کریندے راہوں یعنی خُدا دے ناں دا اِقرار کریندے راہوں۔ ایہ ساڈے ہونٹاں دا مناسب پھل ہے۔

فِلِپّیوں 4:6

کہیں گالھ دی فِکر نہ کرو، بلکہ ہر حالت ءچ دُعا تے مِنت دے ذریعے تُہاڈیاں درخاستاں خُدا دے سامنڑے شُکرگزاری نال پیش کیتیاں ونجنڑ۔

یہُوداہ 1:10

پر ایہ لوک اُنہاں گالھیں دے بارے ءچ توہین کریندے ہِن جِنہاں دے بارے ءچ سمجھ نئیں رکھیندے۔ تے جِنہاں گالھیں کُوں او بے سمجھ جانوراں آلی کار آپنڑی فطرت نال سمجھدے ہِن، اُوہو اُنہاں کُوں برباد کر ڈیندیاں ہِن۔

2کُرِنتھِیوں 9:15

خُدا دا شُکر اُوندی اُوں بخشش کیتے جِیندا بیان لفظاں ءچ ممکن نئیں۔

مرقس 7:22

زِنا کاریاں، لالچ، بدکاری، مکر، شہوت پرستی، بدنظری، بدگوئی، شیخی تے حماقت نِکلدے ہِن۔

یہُوداہ 1:13

ایہ سمندر دیاں بے قابو چھلاں ہِن جیہڑیاں آپنڑی بے شرمی دی جَھگ مریندیاں ہِن۔ ایہ او اوارہ تارے ہِن جِنہاں کیتے اندھاری جاہ ہمیشاں کیتے مقرر کر ڈِتی گئی ہے۔

2کُرِنتھِیوں 1:11

تُساں وی دُعا دے ذریعے ساڈی مدد کرو تاں جو او فضل جیہڑا بہُوں سارے لوکاں دی دُعا دے وسیلے ساڈے اُتے تھیّا ہے، اُوندے کیتے بہُوں سارے لوک ساڈے بارے ءچ خُدا دا شُکر کرݨ۔

رومیوں 1:28

تے جِینویں اُنہاں خُدا کُوں جاننڑاں پسند نہ کیتا، اِینویں ای خُدا وی اُنہاں کُوں گندے خیالاں دے حوالے کر ڈِتا جو نامناسب کم کرݨ۔

2 پطرس 2:7

پر راستباز لُوط کُوں بچایا جیہڑا بدکاراں دے گندے چال چلنڑ تُوں تنگ ہا۔

فِلیمون 1:8

اِیں واسطے، بھانویں جو مسیح دا بندہ ہوندے ہوئے میکُوں ایجھی دلیری تاں ہے جو تیکُوں او کم کرݨ دا حُکم ڈیواں جیہڑا تیکُوں کرݨ چاہیدے۔

1تھِسّلُنیکیوں 3:9

جیہڑی خوشی تُہاڈی وجہ تُوں ساکُوں خُدا دے حضُور حاصل تھئی ہے، اُوندے بدلے ءچ اساں خُدا دا جِتنا وی شُکر ادا کرُوں گھٹ ہوسی۔

اِفِسیوں 1:16

تُہاڈے کیتے خُدا دا شُکر کرݨ کنُوں باز نئیں آندا تے آپنڑیاں دُعاواں ءچ تُہاکُوں یاد کریندا ہاں۔

یُوحنّا 6:23

وَل کُجھ چھوٹیاں کشتیاں تِبریاس تُوں اُوں جاہ دے نیڑے آئیاں جِتھاں اُنہاں یسُوع مالک دے شُکر کرݨ دے بعد روٹی کھادی ہئی۔