اِفِسیوں 5:11 - کِتاب مُقدّس سرائیکی ترجمہ

¹¹ اندھارے دے بے پھل کماں ءچ شریک نہ تھیؤ بلکہ اُنہاں اُتے ملامت کرو۔

اِفِسیوں 5:11 Referans Kwoze

رومیوں 13:12

رات تقریباً لنگھ گئی ہے تے ڈینہہ نِکلنڑ آلا ہے، اِیں واسطے اساں اندھارے دے کماں کُوں چھوڑ تے نُور دے ہتھیار بَدھ گِھنوں۔

1 تِیمُتھِیُس 5:20

پر گُناہ کرݨ آلیاں کُوں ساریاں دے سامنڑے ملامت کر تاں جو ڈُوجھیاں کیتے وی عِبرت ہووے۔

2تھِسّلُنیکیوں 3:6

بِھراؤ! اساں آپنڑے خُداوند یسُوع مسیح دے ناں ءچ تُہاکُوں حُکم ڈیندے ہیں جو اُنہاں سبھ بِھرانواں کنُوں دُور راہو جیہڑے آلسی ہووݨ تے اُوں تعلیم دے مطابق نئیں چلدے جیہڑی اُنہاں کُوں ساڈی طرفوں مِلی۔

رومیوں 16:17

ہُنڑ بِھراؤ! مَیں تُہاڈی مِنت کریندا ہاں جو اُنہاں لوکاں تُوں خبردار راہو جیہڑے پارٹی بازی کرویندن تے اُوں تعلیم دے خلاف جیہڑی تُہاکُوں مِلی ہے، تعلیم ڈے تے تُھڈا کھواوݨ دا سبب ہِن۔ اُنہاں تُوں دُور راہو۔

مُکاشفہ 18:4

وَل مَیں اسمان کنُوں ہِک بئی اواز ایہ آدھے سُنڑی جو ”میڈی اُمت دے لوکو، اُوندے ءچوں نِکل آؤ تاں جو تُساں اُوندے گُناہاں ءچ شریک نہ تھیؤ تے اُوندیاں آفتاں تُہاڈے اُتے نہ آوݨ۔

طِطُس 2:15

تُوں ایہ گالھیں سِکھا، تے پُورے اِختیار نال نصیحت تے تنبیہ کریندا رہ۔ کوئی وی تیکُوں حقیر نہ سمجھے۔

2تھِسّلُنیکیوں 3:14

جے کوئی ساڈے اِیں خط ءچ لِکھی ہوئی نصیحت اُتے عمل نہ کرے تاں اُوندے اُتے نظر رکھو تے اُوندے نال تعلق چھوڑ ڈیؤ تاں جو او شرمسار تھیوے۔

رومیوں 6:21

پر جیہڑے گالھیں کنُوں تُساں ہُنڑ شرمندہ ہیوے، اُنہاں کنُوں تُہاکُوں کیا مِلیا؟ کیوں جو اُنہاں دا انجام موت ہے۔

2 تِیمُتھِیُس 4:2

جو تُوں کلام دی تبلیغ کر، تے اِیندے کیتے چنگے ماڑے ویلے تیار رہ، بہُوں صبر نال تے تعلیم ڈیندے ہوئے لوکاں کُوں سمجھا، ملامت کر، تے نصیحت کر۔

2 تِیمُتھِیُس 3:5

او دیندار تاں لگسن پر زندگی ءچ دینداری دا کوئی اثر قبول نہ کریسن۔ ایجھیاں کنُوں دُور ای راہویں۔

گلتِیوں 6:8

جیہڑا کوئی آپنڑیاں بُریاں خواہشاں کیتے رہیندے، او ہلاکت دی فصل کپیسی۔ تے جیہڑا کوئی رُوح القُدس کُوں خوش کرݨ کیتے رہیندے، او رُوح القُدس دی طرفوں ہمیشاں دی زندگی دی فصل کپیسی۔

1تھِسّلُنیکیوں 5:7

کیوں جو جیہڑے سَمدے ہِن او رات کُوں ای سَمدے ہِن تے جیہڑے پی تے مست تھیندے ہِن او وی رات کُوں ای تھیندے ہِن۔

لُوقا 3:19

پر اِیندے بعد یُوحنّا چوتھائی مُلک دے حاکم ہیرودیس کُوں ملامت کیتی، کیوں جو ہیرودیس آپنڑے بِھرا فِلپُس دی ذال ہیرودیاس نال شادی کیتی ہئی، تے اِیندے علاوہ بہُوں بئے بُرائیاں وی کیتیاں ہَن۔

اِفِسیوں 5:7

اِیں واسطے ایجھے لوکاں دے کماں ءچ شریک نہ تھیؤ۔

اِفِسیوں 4:22

آپنڑی پُرانڑی فطرت کُوں اُوندے پہلے چال چلنڑ سمیت لہا سٹو جیہڑی دوکھے باز خواہشاں دے سببّوں وِگڑدی ویندی ہے،

متّی 18:15

جے تیڈا بِھرا تیڈے خلاف گُناہ کرے تاں وَنج تے کلھیپے ءچ اُونکُوں سمجھا۔ جے او تیڈی سُنڑے تاں سمجھ گِھن جو تَیں آپنڑے بِھرا کُوں پا گِھدے۔

1 تِیمُتھِیُس 6:5

تے اُنہاں لوکاں ءچ جِنہاں دی عقل وِگڑ گئی ہے، جھیڑے پیدا تھیندے ہِن۔ سچائی اُنہاں کنُوں چِھک گِھدی گئی ہے تے او دینداری کُوں نفع دا ذریعہ سمجھدے ہِن۔

اعمال 26:18

جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘

اِفِسیوں 5:12

کیوں جو لوکاں دے لُک چُھپ تے کیتے ہوئے کماں دا ذِکر کرݨ وی شرم دی گالھ ہے۔

کلُسِّیوں 1:12

تے باپ دا شُکر کریندے راہو جئیں تُہاکُوں اِیں لائق بنڑائے جو نُور ءچ مُقدّساں دی میراث ءچ شریک تھیؤ۔

1 تِیمُتھِیُس 5:22

کہیں بندے اُتے ہتھ رکھ تے اُونکُوں خدمت کیتے مقرر کرݨ ءچ جلدی نہ کر، تے نہ ڈُوجھیاں دے گُناہاں ءچ شریک تھی۔ آپنڑے آپ کُوں پاک رکھ۔