اِفِسیوں 4:31 - کِتاب مُقدّس سرائیکی ترجمہ

³¹ ہر قِسم دی نفرت، قہر، تکرار، بدگوئی تے بُرائی کُوں آپنڑے ءچوں کڈھ ڈیؤ۔

اِفِسیوں 4:31 Referans Kwoze

کلُسِّیوں 3:8

پر ہُنڑ تُساں اِنہاں ساریاں کُوں چھوڑ ڈیؤ یعنی کاوڑ، ناراضگی، بُغض، بدگوئی، تے آپنڑے مُنہ کنُوں مندھے کڈھنڑ۔

1 پطرس 2:1

اِیں واسطے ہر قِسم دی بُرائی، فریب، منافقت، حسد تے بدگوئی کُوں چھوڑ ڈیؤ۔

یعقُوب 1:19

میڈے پیارے بِھراؤ، یاد رکھو جو ہر بندہ سُنڑݨ ءچ تیز، بولنڑ ءچ اتاولا نہ ہووے تے جلدی کوڑیجنڑ آلا نہ ہووے۔

کلُسِّیوں 3:19

پایو، آپنڑیاں ذالاں نال محبت رکھو تے اُنہاں نال سختی نال پیش نہ آؤ۔

یعقُوب 3:14

پر جے تُہاڈے دل ءچ سخت حسد تے خود غرضی ہے تاں شیخی نہ مارو تے نہ ای سچائی دے خلاف کُوڑ مارو۔

اِفِسیوں 4:26

غُصے ءچ آ تے گُناہ نہ کرو تے تُہاڈا غُصہ سِجھ لہوݨ تئیں نہ راہوے۔

1 یُوحنّا 3:12

قائن وانگُوں نہ بنڑو جیہڑا ابلیس دا بندہ ہا تے جئیں آپنڑے بِھرا کُوں قتل کیتا۔ اُوں کیوں اُونکُوں قتل کیتا؟ اِیں واسطے جو اُوندے کم بُرے ہَن پر اُوندے بِھرا دے نیک۔

یعقُوب 4:11

بِھراؤ، تُساں آپس ءچ ہِک ڈُوجھے دی بدگوئی نہ کرو۔ جیہڑا آپنڑے بِھرا دی بدگوئی کریندے یا اُوندے اُتے اِلزام لیندے، او شریعت دی بدگوئی کریندے تے اُوندے اُتے اِلزام لیندے۔ تے جے تُوں شریعت اُتے اِلزام لیندیں تاں تُوں شریعت اُتے عمل کرݨ دی بجائے اُوندی عدالت کریندیں۔

طِطُس 1:7

نگہبان کُوں خُدا دے لوکاں دا مُختار ہووݨ دے سببّوں بے اِلزام ہوونڑا چاہیدے۔ او ضِدی تے کوڑیل نہ ہووے، شرابی تے مار کُٹ کرݨ آلا نہ ہووے تے نہ ای پیسے دا لالچی ہووے۔

1 تِیمُتھِیُس 3:11

اُنہاں دی ذالاں کُوں وی چاہیدے جو او سنجیدہ ہووݨ، ڈُوجھیاں کُوں بدنام کرݨ آلیاں نہ ہووݨ بلکہ پرہیز گار تے ہر گالھ ءچ اِیماندار ہووݨ۔

2کُرِنتھِیوں 12:20

کیوں جو میکُوں ڈر ہے جو کِتھائیں اِینویں نہ تھیوے جو جڈاں مَیں آواں تاں جِینویں مَیں چاہندا ہاں تُہاکُوں اُونویں نہ پاواں، تے جِینویں تُساں چاہندے ہیوے میں اُونویں نہ ہوواں۔ میکُوں ڈر ہے جو تُہاڈے ءچ جھیڑے، حسد، کاوڑ، خود غرضی، بدزبانی، چُغل خوری، شیخی تے فساد ہوسن۔

1کُرِنتھِیوں 14:20

بِھراؤ! تُساں سمجھ ءچ بال آلی کار نہ بنڑو۔ بُرائی ءچ تاں بالاں وانگُوں بنڑو پر سمجھ ءچ بالغ بنڑو۔

1 تِیمُتھِیُس 5:13

اِیندے علاوہ او گھر گھر بیکار پِھردیاں ہِن تے نہ صرف بیکار راہندیاں ہِن بلکہ فضول گالھیں کر تے ڈُوجھیاں دے معاملیاں ءچ دخل اندازی وی کریندیاں ہِن تے غیرمناسب گالھیں آدھیاں ہِن۔

گلتِیوں 5:20

بُت پرستی، جادُوگری، دُشمنڑی، جھیڑے، حسد، کاوڑ، خود غرضی، نا اتفاقی، پارٹی بازی،

1کُرِنتھِیوں 5:8

بس آؤ اساں عید مناؤں پر پُرانڑی خمیری روٹی نال نئیں جیہڑی گُناہ تے بدی دی روٹی ہے بلکہ بے خمیری روٹی نال جیہڑی خالص دِلی تے سچائی دی روٹی ہے۔

رومیوں 3:14

اُنہاں دا مُنہ لعنت تے کڑواہٹ کنُوں بھریا ہے۔

مُکاشفہ 12:10

وَل مَیں اسمان کنُوں ہِک اُچی اواز سُنڑی جیہڑی ایہ آدھی پئی ہئی جو ”ہُنڑ ساڈے خُدا دی نجات، قُدرت تے بادشاہی تے اُوندے مسیح دا اِختیار ظاہر تھئے کیوں جو ساڈے بِھرانواں اُتے اِلزام لاوݨ آلا جیہڑا ڈینہہ رات خُدا دے حضُور اُنہاں اُتے اِلزام لیندا راہندے، تلے سَٹ ڈِتا گئے۔

1 یُوحنّا 3:15

جیہڑا کوئی آپنڑے بِھرا نال دُشمنڑی رکھیندے، او خونی ہے۔ تے تُساں جانڑدے ہیوے جو کہیں خونی ءچ ہمیشاں دی زندگی نئیں ہوندی۔

طِطُس 2:3

اِینویں ای بزُرگ عورتاں کُوں سِکھا جو او خُدا پرست زندگی گُزارݨ۔ او تُہمت لاوݨ آلیاں تے شرابی نہ ہووݨ بلکہ نیک گالھیں سِکھاوݨ آلیاں ہووݨ،

2 تِیمُتھِیُس 2:23

بیوقُوفی تے جہالت دی بحث تُوں دُور رہ کیوں جو تُوں جانڑدیں جو اِنہاں نال جھیڑے تھیندن،

1 تِیمُتھِیُس 3:3

او شرابی تے مار کُٹائی کرݨ آلا نہ ہووے بلکہ نرم دل ہووے۔ او بحث کرݨ آلا تے پیسیاں دا لالچی نہ ہووے۔

اعمال 21:30

سارے شہر ءچ ہلچل مچ گئی تے لوک بھج بھج تے کٹھے تھیوݨ لگے۔ اُنہاں پولُس کُوں پکڑ گِھدا تے ہیکل ءچوں گِھیل تے باہر کڈھ آئے تے دروازے بند کر ڈِتے۔

2 تِیمُتھِیُس 3:3

محبت تُوں خالی، سخت دل، بدنام کرݨ آلے، آپنڑے نفس اُتے قابو نہ رکھنڑ آلے، ظالم، نیکی دے دُشمنڑ،

اِفِسیوں 4:22

آپنڑی پُرانڑی فطرت کُوں اُوندے پہلے چال چلنڑ سمیت لہا سٹو جیہڑی دوکھے باز خواہشاں دے سببّوں وِگڑدی ویندی ہے،

اِفِسیوں 4:25

اِیں واسطے کُوڑ مارݨ چھوڑ تے ہر بندہ آپنڑے ہمسائے نال سچ بولے کیوں جو اساں سارے ہِک بدن دے اَنگ ہیں۔