اِفِسیوں 4:3 - کِتاب مُقدّس سرائیکی ترجمہ

³ رُوح القُدس تُہاکُوں ہِک کر ڈِتے، اِیں واسطے ہِک ڈُوجھے نال صُلح ءچ بدھے رہ تے اِینکُوں قائم رکھنڑ دی کوشش کرو۔

اِفِسیوں 4:3 Referans Kwoze

1کُرِنتھِیوں 1:10

بِھراؤ! مَیں آپنڑے خُداوند یسُوع المسیح دے ناں کنُوں تُہاڈی مِنت کریندا ہاں جو تُساں ہِک ڈُوجھے نال اِتفاق رکھو، تے تُہاڈے ءچ پارٹی بازی نہ ہووے، بلکہ تُساں سارے ہِک دل تے ہِک سوچ تھی تے ہِک مُٹھ راہو۔

عبرانیوں 12:14

ہِک ڈُوجھے نال صُلح سلامتی نال راہو تے اُوں پاکیزگی دے طالب راہو، جیندے بغیر کوئی خُداوند کُوں نہ ڈیکھسی۔

یُوحنّا 13:34

مَیں تُہاکُوں ہِک نواں حُکم ڈیندا ہاں جو تُساں ہِک ڈُوجھے نال محبت رکھو۔ جِینویں مَیں تُہاڈے نال محبت رکھی تُساں وی ہِک ڈُوجھے نال محبت رکھو۔

2کُرِنتھِیوں 13:11

غرض بِھراؤ! خوش راہو، کامِل بنڑدے ونجو، حوصلہ رکھو، ہِک سوچ رکھو، میل مِلاپ رکھو، وَل خُدا جیہڑا محبت تے سلامتی دا سرچشمہ ہے تُہاڈے نال راہسی۔

1تھِسّلُنیکیوں 5:13

اُنہاں دی خدمت دی وجہ تُوں محبت نال اُنہاں دی بہُوں عزت کرو۔ تے آپس ءچ میل مِلاپ رکھو۔

اِفِسیوں 4:4

ہِک ای بدن ہے تے ہِک ای رُوح القُدس، تے اِینویں ای جِیں ویلے تُساں سڈے گئے ہَوے تاں ہِک ای اُمید رکھنڑ کیتے سڈے گئے ہَوے،

اِفِسیوں 4:13

جئیں تئیں اساں سارے اِیمان تے خُدا دے پوتر دی پچھاݨ ءچ ہِک تھی تے بالغ نہ بنڑ ونجُوں، یعنی مسیح دی پُوری کاملیت تئیں پُج نہ ونجُوں۔

مرقس 3:24

تے جے کہیں بادشاہی ءچ پُھٹ پے ونجے تاں او قائم نئیں رہ سگدی۔