اِفِسیوں 4:17 - کِتاب مُقدّس سرائیکی ترجمہ

¹⁷ اِیں واسطے مَیں آدھا ہاں بلکہ خُداوند یسُوع ءچ چتیندا ہاں جو اگُوں تُوں تُساں غیر قوماں وانگُوں جیہڑیاں آپنڑے بےکار خیالاں دے مطابق چلدیاں ہِن، زندگی نہ گُزارو۔

اِفِسیوں 4:17 Referans Kwoze

رومیوں 1:21

بے شک او خُدا دے بارے ءچ جانڑدے تاں ہَن پر اُنہاں اُوندی خُدائی دے لائق اُوندی تمجید تے شُکرگزاری نہ کیتی بلکہ او فضول سوچاں ءچ پے گئے تے اُنہاں دے ناسمجھ دِلاں اُتے اندھارا چھا گِیا۔

2 پطرس 2:18

ایہ لوک غرور دیاں فضول گالھیں کریندے ہِن، تے بے ہُودہ جسمانی خواہشاں نال ایجھے لوکاں کُوں ورغلیندے ہِن جیہڑے گُمراہی ءچ راہوݨ آلیاں ءچوں ہُنڑیں ہُنڑیں بچ نِکلے ہِن۔

کلُسِّیوں 2:4

ایہ مَیں اِیں واسطے آدھا ہاں جو کوئی تُہاکُوں مِٹھے مِٹھے پر کُوڑے دلیلاں نال گُمراہ نہ کر ڈیوے۔

1 پطرس 1:18

کیوں جو تُساں جانڑدے ہیوے جو خُدا تُہاکُوں اُوں بے کار چال چلنڑ کنُوں مخلصی ڈِتی ہے جیہڑا تُہاکُوں پِیُو ڈاڈے تُوں مِلیا ہا۔ تے او مخلصی فانی چیزاں یعنی سونے چاندی دی قیمت نال نئیں تھئی،

اعمال 20:21

مَیں یہُودیاں تے یُونانیاں ڈوہائیں دے سامنڑے گواہی ڈیندا ریہا ہاں جو او خُدا دو رجُوع کر تے توبہ کرݨ تے ساڈے خُداوند یسُوع المسیح اُتے اِیمان گِھن آوݨ۔

اعمال 18:5

جِیں ویلے سِیلاس تے تِیمُتِھیُس مَکِدُنیہ تُوں آئے تاں پولُس آپنڑا سارا وقت کلام دی تبلیغ کرݨ ءچ گُزارݨ لگا۔ او یہُودیاں دے سامنڑے گواہی ڈیندا ہا جو یسُوع ای المسیح ہے۔

اعمال 14:15

آکھنڑ لگے جو ”لوکو! تُساں ایہ کیا کریندے ہیوے؟ اساں وی تُہاڈے آلی کار اِنسان ہیں تے تُہاکُوں خوشخبری سُنڑیندے ہیں تاں جو تُساں اِنہاں بے کار چیزاں کُوں چھوڑ تے زندہ خُدا دو رجُوع گِھن آؤ جئیں زمین تے اسمان تے سمندر تے جیہڑا کُجھ اُنہاں ءچ ہے، پیدا کیتے۔

2 تِیمُتھِیُس 4:1

مَیں خُدا تے یسُوع مسیح کُوں جیہڑا زندیاں تے مُردیاں دی عدالت کریسی، گواہ بنڑا تے مسیح دے ظہور تے بادشاہی دی یاد ڈیوا تے تیکُوں تاکید کریندا ہاں،

1 تِیمُتھِیُس 6:13

مَیں خُدا کُوں جیہڑا ہر چیز کُوں زندگی ڈیندے تے مسیح یسُوع کُوں جئیں پنطیُس پِیلاطُس دے سامنڑے چنگا اِقرار کیتا ہا، گواہ بنڑا تے تیکُوں تاکید کریندا ہاں،

1 تِیمُتھِیُس 5:21

مَیں خُدا، مسیح یسُوع تے چُنڑے ہوئے فرشتیاں کُوں گواہ بنڑا تے تیکُوں تاکید کریندا ہاں جو اِنہاں گالھیں اُتے بغیر تعصب تے بغیر طرفداری دے عمل کر۔

1تھِسّلُنیکیوں 4:6

تے اِیں معاملے ءچ کوئی وی آپنڑے بِھرا کُوں دوکھا نہ ڈیوے یا اُوندے نال زیادتی نہ کرے۔ خُداوند ایجھے کم کرݨ آلیاں کُوں سزا ڈیسی جِینویں جو اساں تُہاکُوں پہلے ای ڈسا تے خبردار کر ڈِتے۔

کلُسِّیوں 2:18

کوئی بندہ ظاہری پرہیزگاری تے فرشتیاں دی عبادت کرݨ نال تُہاکُوں اِنعام کنُوں محروم نہ کر ڈیوے۔ ایجھا بندہ رویا ڈیکھنڑ دے بارے ءچ گالھیں کریندا راہندے تے آپنڑی جِسمانی سوچ نال بِلاوجہ پُھلیا ہوندے۔

اِفِسیوں 4:22

آپنڑی پُرانڑی فطرت کُوں اُوندے پہلے چال چلنڑ سمیت لہا سٹو جیہڑی دوکھے باز خواہشاں دے سببّوں وِگڑدی ویندی ہے،

اِفِسیوں 1:22

خُدا سبھ کُجھ اُوندے پیراں تلے کر ڈِتے تے اُونکُوں کلیسیا دی خاطر یکے چیزاں دا سردار بنڑایا۔

گلتِیوں 5:3

بلکہ مَیں ہر اُوں بندے کُوں جیہڑا ختنہ کرویندے وَل آدھا ہاں جو اُونکُوں ساری شریعت اُتے عمل کرݨ فرض ہے۔

گلتِیوں 3:17

میڈا مطلب ایہ ہے جو او عہد جیندی تصدیق خُدا پہلے ای کر ڈِتی ہئی، اُونکُوں شریعت جیہڑی چار سو ترِیح سال بعد آئی، ختم نئیں کر سگدی تے نہ اُوں وعدے کُوں منسوخ کر سگدی ہے۔

2کُرِنتھِیوں 9:6

یاد رکھو جو جیہڑا تھوڑا رہیندے او تھوڑا کپیسی تے جیہڑا زیادہ رہیندے او زیادہ کپیسی۔

1کُرِنتھِیوں 15:50

بِھراؤ! میڈا مطلب ایہ ہے جو خون تے گوشت خُدا دی بادشاہی دے وارث نئیں تھی سگدے تے نہ جیہڑا فانی ہے، غیرفانی دا وارث تھی سگدے۔

1کُرِنتھِیوں 1:12

میڈا مطلب ایہ ہے جو تُہاڈے ءچوں کوئی آپنڑے آپ کُوں ”پولُس دا شاگرد“ آدھے، کوئی ”اپُلّوس دا“ کوئی ”کیفا دا“ تے کوئی ”مسیح دا۔“

اعمال 2:40

تے پطرس مزید بہُوں سارے گالھیں کیتیاں تے اُنہاں کُوں ایہ نصیحت کیتی جو ”آپنڑے آپ کُوں اِیں بدکار قوم کنُوں بچائی رکھو۔“

لُوقا 16:28

کیوں جو میڈے پنج بِھرا ہِن تاں جو او اُنہاں دے سامنڑے اِنہاں گالھیں دی گواہی ڈیوے، اِینویں نہ تھیوے جو او وی اِیں عذاب آلی جاہ ءچ آ ونجنڑ۔‘