اِفِسیوں 4:16 - کِتاب مُقدّس سرائیکی ترجمہ

¹⁶ اُوندے وسیلے پُورا بدن آپنڑے ہر جوڑ دی مدد نال آپس ءچ جُڑ تے قائم راہندے تے ہر اَنگ دے آپنڑا آپنڑا کم کرݨ نال پُورا بدن محبت ءچ ودھدے تے ترقی کریندے۔

اِفِسیوں 4:16 Referans Kwoze

کلُسِّیوں 2:19

او مسیح کُوں جیہڑا بدن دا سر ہے پکڑی نئیں رکھیا، جیندے نال سارا بدن پرورش پا تے، تے جوڑاں تے پٹھیاں دے ذریعے آپس ءچ جُڑ تے خُدا دی مدد نال ودھدا ویندے۔

یُوحنّا 15:5

مَیں انگُور دی ویل ہاں تے تُساں ٹاہنڑیاں ہیوے۔ جیہڑا میڈے ءچ قائم راہندے تے مَیں اُوندے ءچ، اُوہو بہُوں پھل ڈیندے کیوں جو مَیں کنُوں اَنج تھی تے تُساں کُجھ نئیں کر سگدے۔

کلُسِّیوں 2:2

تاں جو اُنہاں دے دِلاں کُوں حوصلہ تھیوے تے او آپس دی محبت ءچ ہِک ڈُوجھے نال بدھے راہوݨ، تے اعتماد دی ساری دولت کُوں پاوݨ جیہڑی پُوری سمجھ نال مِلدی ہے، تے خُدا دے راز کُوں پچھاݨ گِھننڑ جیہڑا مسیح خود ہے۔

اِفِسیوں 4:12

تاں جو مُقدّس لوک خدمت دے کم کرݨ دے قابل بنڑݨ تے اِینویں مسیح دے بدن دی ترقی تھیوے،

1کُرِنتھِیوں 13:13

بس اِیمان، اُمید تے محبت ایہ ترِیحو ہمیشاں قائم راہندن پر محبت اِنہاں ءچوں افضل ہے۔

اِفِسیوں 4:15

بلکہ اساں محبت نال سچائی اُتے قائم رہ تے ہر گالھ ءچ مسیح آلی کار بنڑدے ونجُوں، جیہڑا سر ہے۔

1 تِیمُتھِیُس 1:5

میڈی اِیں نصیحت دا مقصد او محبت ہے جیہڑی پاک دِلی، نیک نیّتی تے حقیقی اِیمان نال پیدا تھیندی ہے۔

1تھِسّلُنیکیوں 2:13

اساں ہمیشاں اِیں واسطے وی خُدا دا شُکر ادا کریندے ہیں جو جِیں ویلے تُساں خُدا دے پیغام کُوں ساڈی زبانی سُنڑیا تاں اُونکُوں آدمیاں دا کلام سمجھ تے نئیں بلکہ جِینویں او حقیقت ءچ ہے اُونکُوں خُدا دا کلام سمجھ تے قبول کیتا۔ تے او کلام تُساں اِیمان گِھن آوݨ آلیاں ءچ اثر وی کریندا پِیا ہے۔

فِلِپّیوں 1:9

میڈی دُعا ہے جو تُہاڈی محبت ودھدی ونجے تے تُساں علم تے ہر طرحاں دی سمجھ ءچ ودھدے ونجو،

اِفِسیوں 3:17

تے تُہاڈے اِیمان دے وسیلے نال مسیح تُہاڈے دِلاں ءچ راہوے۔ مَیں ایہ وی دُعا کریندا ہاں جو تُساں محبت ءچ جڑھ پکڑ تے، تے محبت دی بنیاد اُتے قائم تھی تے

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

اِفِسیوں 3:7

خُدا دے فضل دی برکت دے وسیلے جیہڑی اُوندی قُدرت دے اثر نال میکُوں مِلی، مَیں اِیں خوشخبری دا خادم بنڑیا۔

اِفِسیوں 1:4

اُوں دُنیا بنڑاوݨ کنُوں پہلے ای ساکُوں مسیح ءچ چُنڑ گِھدا تاں جو اساں اُوندے حضُور پاک تے بے عیب تھیؤں۔ محبت ءچ

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

1 یُوحنّا 4:16

جیہڑی محبت خُدا کُوں ساڈے نال ہے، اساں اُونکُوں جاݨ گئے ہیں تے ساکُوں اُوندا یقین ہے۔ خُدا محبت ہے تے جیہڑا محبت ءچ قائم راہندے، او خُدا ءچ قائم راہندے تے خُدا اُوندے ءچ۔

2تھِسّلُنیکیوں 1:3

بِھراؤ! ساڈے اُتے فرض ہے جو ہر ویلے تُہاڈے کیتے خُدا دا شُکر کریندے راہوں۔ تے ایہ مناسب وی ہے کیوں جو تُساں اِیمان ءچ بہُوں ترقی کریندے پئے ہیوے تے تُہاڈی آپس دی محبت وی ودھدی ویندی ہے۔

1تھِسّلُنیکیوں 3:12

خُداوند کرے جو جِینویں ساکُوں تُہاڈے نال محبت ہے اُونویں ای تُہاڈی محبت وی آپس ءچ تے سبھ لوکاں نال ودھدی ونجے۔

1تھِسّلُنیکیوں 1:3

اساں تُہاڈے کم جیہڑے اِیمان دی وجہ کنُوں ہِن، تے تُہاڈی محنت جیہڑی محبت دا نتیجہ ہے، تے تُہاڈے صبر کُوں جیہڑا ساڈے خُداوند یسُوع المسیح اُتے اُمید رکھنڑ دے سببّوں تُہاڈے ءچ پیدا تھئے، آپنڑے خُدا تے باپ دی حضُوری ءچ یاد کریندے ہیں۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

1کُرِنتھِیوں 8:1

بُتاں کُوں پیش کیتیاں ونجنڑ آلیاں قُربانیاں دے بارے ءچ ایہ ہے: اساں جانڑدے ہیں جو ”اساں سارا علم رکھیندے ہیں“ پر علم غرور پیدا کریندے جڈاں جو محبت ترقی بخشیندی ہے۔

رومیوں 12:4

جِینویں ساڈے ہِک جِسم ءچ بہُوں سارے اَنگ ہِن تے اُنہاں سارے انگاں دا کم ہِک جِیہا نئیں،

1کُرِنتھِیوں 10:17

روٹی ہِکو ہے اِیں واسطے اساں جیہڑے بہُوں سارے ہیں ہِکو بدن ہیں کیوں جو اساں سارے اُوہو ہِک روٹی ءچ شریک تھیندے ہیں۔