اِفِسیوں 4:1 - کِتاب مُقدّس سرائیکی ترجمہ

¹ بس مَیں جیہڑا خُداوند یسُوع دی خاطر قید ءچ ہاں، تُہاڈی مِنت کریندا ہاں جو اُوں بُلاوے دے لائق زندگی گُزارو جیندے کیتے خُدا تُہاکُوں سڈے۔

اِفِسیوں 4:1 Referans Kwoze

کلُسِّیوں 1:10

تاں جو تُہاڈا چال چلنڑ خُداوند دے لائق ہووے تے اُونکُوں ہر طرحاں پسند آوے۔ تے تُساں ہر چنگے کم ءچ پھلدار بنڑو تے خُدا دی پچھاݨ ءچ ودھدے ونجو۔

فِلِپّیوں 1:27

کُجھ وی تھی ونجے، اِتنا ضرور کرو جو تُہاڈا چال چلنڑ مسیح دی خوشخبری دے لائق ہووے تاں جو بھانویں مَیں تُہاکُوں ڈیکھنڑ آواں یا نہ آواں، ضرور تُہاڈے بارے ءچ سُنڑاں جو تُساں ہِک رُوح ءچ قائم ہیوے تے ہِک جان تھی تے خوشخبری دے اِیمان کیتے بہُوں محنت کریندے پئے ہیوے۔

1تھِسّلُنیکیوں 2:12

اساں ہر ہِک کُوں نصیحت تے تسلی ڈیندے ریہے تے سمجھیندے ریہے جو تُساں خُدا دے لائق زندگی گُزارو، جئیں تُہاکُوں آپنڑی بادشاہی تے جلال ءچ شریک تھیوݨ کیتے سڈیا ہے۔

2 پطرس 1:3

خُدا دی اِلٰہی قُدرت ساکُوں او سبھ چیزاں ڈِتیاں جیہڑیاں دیندار زندگی کیتے ضروری ہِن۔ تے ایہ ساکُوں اُوندی پچھاݨ دے وسیلے نال مِلیاں، جئیں ساکُوں آپنڑے جلال تے نیکی دے ذریعے سڈے۔

2 تِیمُتھِیُس 1:9

کیوں جو اُوں ساکُوں نجات ڈِتی ہے تے مُقدّس زندگی گُزارݨ کیتے سڈے۔ ایہ ساڈے اعمال دی وجہ کنُوں نئیں بلکہ اُوندے آپنڑے خاص اِرادے تے فضل دی وجہ تُوں ہے۔ ایہ فضل ساڈے اُتے مسیح یسُوع ءچ ازل کنُوں ای تھی گِیا ہئی،

1کُرِنتھِیوں 4:16

بس مَیں تُہاڈی مِنت کریندا ہاں جو میڈے نمونے اُتے ٹُرو۔

2تھِسّلُنیکیوں 1:11

اِیں واسطے اساں تُہاڈے کیتے ہر ویلے دُعا کریندے راہندے ہیں جو ساڈا خُدا تُہاکُوں اُوں بُلاوے دے لائق بنڑاوے جیندے کیتے اُوں تُہاکُوں سڈے تے تُہاڈی ہر نیک خواہش تے اِیمان نال کیتے ہوئے کم کُوں آپنڑی قُدرت نال پُورا کرے،

اِفِسیوں 4:17

اِیں واسطے مَیں آدھا ہاں بلکہ خُداوند یسُوع ءچ چتیندا ہاں جو اگُوں تُوں تُساں غیر قوماں وانگُوں جیہڑیاں آپنڑے بےکار خیالاں دے مطابق چلدیاں ہِن، زندگی نہ گُزارو۔

رومیوں 12:1

بس بِھراؤ! مَیں خُدا دیاں رحمتاں دا واسطہ ڈے تے تُہاڈی مِنت کریندا ہاں جو آپنڑے جِسم ہِک ایجھی قُربانی دے طور تے پیش کرو جیہڑی زندہ، پاک تے خُدا دی پسندیدہ ہے۔ اِیہو تُہاڈی مناسب عبادت ہے۔

کلُسِّیوں 2:6

بس جِینویں تُساں مسیح یسُوع کُوں آپنڑا خُداوند قبول کر گِھدے، اُونویں ای اُوندے ءچ چلدے راہو۔

1 پطرس 3:9

بُرائی دے بدلے بُرائی نہ کرو، تے مندھے دا جواب مندھے نال نہ ڈیؤ بلکہ اِیندے بجائے ڈُوجھیاں کیتے برکت چاہو کیوں جو خُدا تُہاکُوں برکت دے وارث تھیوݨ کیتے سڈیا ہے۔

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

2 یُوحنّا 1:5

مَیں مِنت کریندا ہاں جو اساں سبھ ہِک ڈُوجھے نال محبت رکھوں۔ ایہ کوئی نواں حُکم نئیں جیہڑا میں لِکھدا پِیا ہاں، بلکہ اُوہو جیہڑا شروع کنُوں ساڈے کولھ ہے۔

1 پطرس 5:10

تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔

1 پطرس 2:11

عزیزو، مَیں تُہاڈی مِنت کریندا ہاں جو تُساں جیہڑے اِیں دُنیا ءچ پردیسیاں تے مسافراں وانگُوں ہیوے، اُنہاں بُریاں خواہشاں کنُوں دُور راہو جیہڑیاں تُہاڈے نال لڑائی کریندیاں راہندیاں ہِن۔

عبرانیوں 13:21

تُہاکُوں ہر چنگی شے ڈیوے تاں جو تُساں اُوندی مرضی پُوری کر سگو، تے جیہڑا کُجھ اُوندی نظر ءچ پسندیدہ ہے، او یسُوع مسیح دے وسیلے نال ساڈے ءچ پیدا کرے۔ مسیح دی تعریف ہمیشاں تئیں تھیندی راہوے۔ آمین۔

فِلِپّیوں 3:14

مَیں سِدھا منزل دو بھجدا ویندا ہاں تاں جو او اِنعام حاصل کراں جیندے کیتے خُدا میکُوں یسُوع مسیح ءچ اسمان دو سڈیا ہے۔

اِفِسیوں 5:2

تے تُساں وی محبت نال زندگی گُزارو جِینویں مسیح ساڈے نال محبت کیتی تے ساڈے کیتے آپنڑے آپ کُوں خوشبو دار نذرانہ تے قُربانی دے طور تے خُدا کُوں ڈے ڈِتا۔

اِفِسیوں 4:4

ہِک ای بدن ہے تے ہِک ای رُوح القُدس، تے اِینویں ای جِیں ویلے تُساں سڈے گئے ہَوے تاں ہِک ای اُمید رکھنڑ کیتے سڈے گئے ہَوے،

اِفِسیوں 3:1

اِیں واسطے مَیں پولُس جیہڑا تُساں غیر قوماں دی خاطر مسیح یسُوع کیتے قیدی ہاں تُہاڈے کیتے دُعا کریندا ہاں۔

گلتِیوں 4:12

بِھراؤ! مَیں تُہاڈی مِنت کریندا ہاں جو میڈے وانگُوں بنڑو جِینویں پہلے مَیں تُہاڈے وانگُوں بنڑیا ہم۔ تُساں میڈا کُجھ نُقصان نئیں کیتا۔

عبرانیوں 3:1

اِیں واسطے میڈے پاک بِھراؤ، تُساں جیہڑے اسمانی دعوتءچ شریک ہیوے، یسُوع اُتے غور کرو جیہڑا رسُول تے کاہِن ِ اعظم ہے تے جِیندا اساں اِقرار کریندے ہیں۔

2کُرِنتھِیوں 10:1

ہُنڑ مَیں پولُس جیندے بارے ءچ کُجھ لوک آدھے ہِن جو تُہاڈے سامنڑے تاں عاجز ہاں پر غیر حاضری ءچ دلیر ہاں، مسیح دی عاجزی تے نرمی یاد ڈیویندے ہوئے خود تُہاکُوں درخاست کریندا ہاں۔

طِطُس 2:10

چوری نہ کرݨ بلکہ ہر کم پُوری اِیمانداری نال کرݨ تاں جو اُنہاں دے سارے کم ساڈے نجات ڈیوݨ آلے خُدا دی تعلیم کُوں پُرکشش بنڑاوݨ۔

کلُسِّیوں 4:12

اِپَفراس جیہڑا تُہاڈے ءچوں ہے تے مسیح یسُوع دا خادم ہے تُہاکُوں سلام آدھے۔ او بہُوں محنت نال تُہاڈے کیتے دُعا کریندے جو تُساں خُدا دی پُوری مرضی ءچ کامِل تے پُورے اعتقاد نال ثابت قدم راہو۔

2کُرِنتھِیوں 5:20

اِیں واسطے اساں مسیح دے ایلچی ہیں جِینویں جو خُدا ساڈے ذریعے لوکاں کُوں سمجھیندے۔ تے اساں مسیح دی طرفوں تُہاڈی مِنت کریندے ہیں جو ”خُدا نال صُلح کر گِھنو۔“

اعمال 9:31

بس پُورے یہُودیہ، گلیل تے سامریہ ءچ کلیسیا کُوں سکون تھی گِیا تے اُوندی ترقی تھیندی گئی۔ او خُداوند دے خوف ءچ زندگی گُزار تے، تے رُوح القُدس دی مدد نال گِنتری ءچ ودھدی ویندی ہئی۔

رومیوں 11:29

کیوں جو خُدا دیاں نعمتاں تے اُوندا بُلاوا کڈھائیں تبدیل نئیں تھیندا۔

اِفِسیوں 2:10

کیوں جو اساں خُدا دی کاریگری ہیں تے اُوں ساکُوں مسیح یسُوع ءچ نیک کماں کیتے نویں سِروں پیدا کیتا۔ ایہ نیک کم اُوں پہلے ای ساڈے کیتے تیار کیتے ہَن۔