اِفِسیوں 3:19 - کِتاب مُقدّس سرائیکی ترجمہ

¹⁹ یعنی مسیح دی محبت کُوں سمجھ سگو جیہڑی سمجھ کنُوں باہر ہے تاں جو تُساں خُدا دی ذات دیاں خُوبیاں نال بھریج ونجو۔

اِفِسیوں 3:19 Referans Kwoze

اِفِسیوں 1:23

کلیسیا مسیح دا بدن ہے تے مسیح نال کامل تھیندی ہے جیہڑا ہر ہِک چیز کُوں کامل کریندے۔

کلُسِّیوں 1:10

تاں جو تُہاڈا چال چلنڑ خُداوند دے لائق ہووے تے اُونکُوں ہر طرحاں پسند آوے۔ تے تُساں ہر چنگے کم ءچ پھلدار بنڑو تے خُدا دی پچھاݨ ءچ ودھدے ونجو۔

2کُرِنتھِیوں 5:14

اساں مسیح دی محبت دے سببّوں مجبور ہیں کیوں جو اساں اِیں نتیجے اُتے پُجے ہیں جو جِیں ویلے مسیح ساریاں کیتے مویا تاں اِیندا مطلب ہے جو سبھ مر گئے۔

یُوحنّا 1:16

او فضل کنُوں بھریا ہا تے اساں اُوندے فضل ءچوں فضل اُتے فضل پایا۔

فِلِپّیوں 4:7

وَل خُدا دا اِطمینان جیہڑا سمجھ تُوں باہر ہے، تُہاڈے دِلاں تے خیالاں کُوں مسیح یسُوع ءچ محفوظ رکھیسی۔

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

اِفِسیوں 5:2

تے تُساں وی محبت نال زندگی گُزارو جِینویں مسیح ساڈے نال محبت کیتی تے ساڈے کیتے آپنڑے آپ کُوں خوشبو دار نذرانہ تے قُربانی دے طور تے خُدا کُوں ڈے ڈِتا۔

اِفِسیوں 3:18

سارے مُقدّساں دے نال چنگی طرحاں جاݨ سگو جو اُوندی محبت دی لمبائی، چوڑائی، اُچائی تے گہرائی کِتی ہے،

2 پطرس 3:18

بلکہ ساڈے خُداوند تے نجات ڈیوݨ آلے یسُوع مسیح دے فضل تے علم ءچ ودھدے ونجو۔ اُوندی تعریف ہُنڑ وی تھیوے تے ہمیشاں تئیں تھیندی راہوے۔ آمین۔

یُوحنّا 17:3

تے ہمیشاں دی زندگی ایہ ہے جو او تَیں خُدائے واحد تے برحق کُوں تے یسُوع مسیح کُوں جِینکُوں تُوں بھیجیا ہے، جانڑن۔

متّی 5:6

مُبارک ہِن او جیہڑے راستبازی دے بُکھے تے ترِسّے ہِن، کیوں جو او رَج سِن۔

اِفِسیوں 5:25

پایو! آپنڑیاں ذالاں نال اُونویں ای محبت رکھو جِینویں مسیح کلیسیا نال رکھی تے اُوندے کیتے آپنڑی جان ڈے ڈِتی،

فِلِپّیوں 1:7

ایہ مناسب ہے جو میں تُہاڈے ساریاں دے بارے ءچ ایجھا خیال کراں، کیوں جو تُساں ہمیشاں میڈے دل ءچ راہندے ہیوے۔ تے بھانویں میں قید ءچ ہوواں یا خوشخبری دا دفاع تے تصدیق کریندا ہوواں، تُساں میڈے نال خُدا دے فضل ءچ شریک ہیوے۔

رومیوں 8:35

کوݨ ساکُوں مسیح دی محبت کنُوں اَنج کریسی؟ کیا مُصیبت یا تنگی یا ظلم یا قحط یا ننگا پن یا خطرہ یا تلوار؟

رومیوں 8:39

نہ فرشتے، نہ حکومتاں، نہ حال دیاں نہ مُستقبل دیاں چیزاں، نہ قُدرت، نہ بُلندی، نہ پستی نہ کوئی بئی مخلوق۔

1 پطرس 1:8

تُساں یسُوع کُوں نئیں ڈِٹھا وَل وی اُوندے نال محبت کریندے ہیوے۔ بھانویں تُساں اِیں وقت اُونکُوں نئیں ڈیدھے، وَل وی اُوندے اُتے اِیمان رکھیندے ہوئے ایجھی خوشی منیندے ہیوے جیہڑی بیان تُوں باہر تے جلال آلی ہے۔