اِفِسیوں 3:1 - کِتاب مُقدّس سرائیکی ترجمہ

¹ اِیں واسطے مَیں پولُس جیہڑا تُساں غیر قوماں دی خاطر مسیح یسُوع کیتے قیدی ہاں تُہاڈے کیتے دُعا کریندا ہاں۔

اِفِسیوں 3:1 Referans Kwoze

کلُسِّیوں 1:24

ہُنڑ مَیں اُنہاں ڈُکھاں دے سببّوں خوش ہاں جیہڑے مَیں تُہاڈی خاطر چیندا پِیا ہاں کیوں جو مَیں مسیح دے بدن یعنی کلیسیا دی خاطر مسیح دیاں مُصیبتاں دی کمی کُوں آپنڑے بدن ءچ پُورا کریندا پِیا ہاں۔

اِفِسیوں 4:1

بس مَیں جیہڑا خُداوند یسُوع دی خاطر قید ءچ ہاں، تُہاڈی مِنت کریندا ہاں جو اُوں بُلاوے دے لائق زندگی گُزارو جیندے کیتے خُدا تُہاکُوں سڈے۔

2 تِیمُتھِیُس 1:8

اِیں واسطے تُوں ساڈے خُداوند دی گواہی ڈیوݨ تُوں نہ شرما، تے نہ میڈے تُوں جیہڑا اُوندی خاطر قیدی ہاں بلکہ خُدا دی قُدرت دی مدد نال میڈے نال خوشخبری دی خاطر ڈُکھ چا۔

اِفِسیوں 6:20

جیندی خاطر مَیں زنجیراں نال بدھیا ہویا مسیح دا ایلچی ہاں۔ تے دُعا کرو جو مَیں اُونکُوں ایجھی دلیری نال بیان کراں جِینویں میڈے اُتے فرض ہے۔

فِلیمون 1:9

وَل وی میکُوں ایہ زیادہ پسند ہے جو مَیں تیکُوں محبت دی وجہ تُوں درخاست کراں۔ مَیں پولُس، جیہڑا بُڈھا تے اِیں ویلے مسیح یسُوع دی خاطر قیدی ہاں،

فِلِپّیوں 1:7

ایہ مناسب ہے جو میں تُہاڈے ساریاں دے بارے ءچ ایجھا خیال کراں، کیوں جو تُساں ہمیشاں میڈے دل ءچ راہندے ہیوے۔ تے بھانویں میں قید ءچ ہوواں یا خوشخبری دا دفاع تے تصدیق کریندا ہوواں، تُساں میڈے نال خُدا دے فضل ءچ شریک ہیوے۔

فِلیمون 1:1

ایہ خط میں پولُس دی طرفوں ہے جیہڑا مسیح یسُوع دی خاطر قید ءچ ہاں تے بِھرا تِیمُتِھیُس دی طرفوں وی۔ ایہ خط فِلیمون دے ناں ہے جیہڑا ساڈا عزیز ہم خدمت ہے،

اعمال 23:18

بس او اُونکُوں پلٹن دے سپہ سالار دے کولھ گِھن گِیا تے آکھنڑ لگا، ”پولُس قیدی میکُوں سڈیا تے میکُوں درخاست کیتی جو اِیں جوان کُوں تُہاڈے کولھ گِھن آواں کیوں جو ایہ تُہاکُوں کُجھ ڈساوݨ چاہندے۔“

لُوقا 21:12

پر ایہ سبھ کُچھ تھیوݨ کنُوں پہلے او تُہاکُوں میڈے ناں دی وجہ کنُوں گرفتار کریسن تے ڈُکھ ڈیسن، تے عبادت خانیاں دیاں عدالتاں ءچ پیش کریسن، تے قید خانیاں ءچ سَٹویسن، تے بادشاہاں تے حاکماں دے سامنڑے پیش کریسن۔

فِلیمون 1:23

اِپَفراس جیہڑا مسیح یسُوع دی خاطر میڈے نال قید ہے، تیکُوں سلام آدھے۔

اعمال 26:29

پولُس جواب ڈِتا، ”مَیں تاں خُدا تُوں دُعا کریندا ہاں جو بھانویں تھوڑی جیہی یا زیادہ، نہ فقط تُساں بلکہ جتنے وی اَج میڈی سُنڑدے پئے ہِن، میڈے وانگُوں تھی ونجنڑ، سِوا اِنہاں زنجیراں دے۔“

2 تِیمُتھِیُس 1:16

اُنیسِفرُس دے خاندان اُتے خُداوند دی رحمت تھیوے کیوں جو اُوں بہُوں دفعہ میکُوں تازہ دم کیتے تے میڈیاں قید دیاں زنجیراں کنُوں کڈھائیں نئیں شرمایا۔

کلُسِّیوں 4:18

مَیں پولُس آپنڑے ہتھ نال تُہاکُوں سلام لِکھدا پِیا ہاں۔ میڈے زنجیراں کُوں یاد رکھائے۔ خُدا دا فضل تُہاڈے نال راہوے۔

کلُسِّیوں 4:3

تے ساڈے کیتے وی دُعا کرو جو خُدا ساڈے کیتے کلام سُنڑاونڑ دا دروازہ کھول ڈیوے تاں جو مَیں مسیح دے راز دی تبلیغ کر سگاں جیندی وجہ کنُوں قید ءچ ہاں۔

2کُرِنتھِیوں 11:23

کیا او مسیح دے خادم ہِن؟ میں ایہ گالھ پاگل آلی کار کریندا پِیا ہاں۔ مَیں اُنہاں کنُوں زیادہ اُوندا خادم ہاں۔ مَیں اُنہاں کنُوں زیادہ محنت کیتی، زیادہ دفعہ قید تھیّا، زیادہ کوڑے کھادے، کئی پھیری موت دا سامنڑا کیتا۔

2کُرِنتھِیوں 10:1

ہُنڑ مَیں پولُس جیندے بارے ءچ کُجھ لوک آدھے ہِن جو تُہاڈے سامنڑے تاں عاجز ہاں پر غیر حاضری ءچ دلیر ہاں، مسیح دی عاجزی تے نرمی یاد ڈیویندے ہوئے خود تُہاکُوں درخاست کریندا ہاں۔

اعمال 21:33

پلٹن دے سپہ سالار نیڑے آ تے اُونکُوں گرفتار کر تے ڈُو زنجیراں نال بدھنڑ دا حُکم ڈِتا۔ وَل پُچھیا ایہ بندہ کوݨ ہے تے اِینیں کیا کیتے؟

مُکاشفہ 2:10

جیہڑے ڈُکھ تیکُوں سہنڑے ہوسن اُنہاں کنُوں نہ ڈر۔ ڈیکھ ابلیس تیڈے لوکاں ءچوں کُجھ کُوں قید ءچ بند کراوݨ آلا ہے تاں جو تیکُوں ازماوے تے تُوں ڈاہ ہِک ڈینہہ تئیں مُصیبت چانویں۔ جان ڈیوݨ تئیں وفادار رہ تاں مَیں تیکُوں زندگی دا تاج ڈیساں۔

اِفِسیوں 3:13

اِیں واسطے مَیں مِنت کریندا ہاں جو تُساں میڈی اِنہاں مُصیبتاں دی وجہ کنُوں جیہڑیاں مَیں تُہاڈی خاطر سہندا ہاں ہِمت نہ ہارو کیوں جو او تُہاڈے کیتے عزت دا سبب ہِن۔

گلتِیوں 5:11

بِھراؤ! جے مَیں ہُنڑ تئیں ختنے دی تبلیغ کریندا ہاں تاں حالی تئیں کیوں ستایا ویندے ہاں؟ جے میں ایجھی تبلیغ کریندا تاں لوک صلیب دا پیغام سُنڑ تے تُھڈا نہ کھاندے۔

گلتِیوں 5:2

ڈیکھو! مَیں پولُس خود تُہاکُوں آدھا ہاں جو جے تُساں ختنہ کرواؤ تاں مسیح کنُوں تُہاکُوں کوئی فائدہ نہ تھیسی۔

اعمال 9:15

پر خُداوند حننیاہ کُوں آکھیا جو ”تُوں وَنج کیوں جو ایہ بندہ غیر قوماں، بادشاہاں تے بنی اِسرائیل ءچ میڈا ناں ظاہر کرݨ کیتے میڈا چُنڑیا ہویا وسیلہ ہے۔

2کُرِنتھِیوں 1:6

جے اساں مُصیبت برداشت کریندے ہیں تاں او تُہاڈی تسلی تے نجات کیتے ہے تے جے تسلی پیندے ہیں تاں او وی تُہاڈی تسلی کیتے ہے جیندے سببّوں تُساں اُنہاں ڈُکھاں کُوں صبر نال برداشت کر سگسو جیہڑے اساں وی برداشت کریندے ہیں۔

گلتِیوں 5:24

تے جیہڑے مسیح یسُوع دے ہِن اُنہاں آپنڑی اِنسانی فطرت کُوں اُوندے جذبات تے بُریاں خواہشاں سمیت صلیب اُتے چڑھا ڈِتے۔

اِفِسیوں 3:8

بھانویں میں مُقدّساں ءچوں ساریاں کنُوں چھوٹا ہاں، وَل وی میڈے اُتے ایہ فضل تھئے جو مَیں غیر قوماں کُوں مسیح دی بے حد دولت دی خوشخبری سُنڑاواں،

اِفِسیوں 3:11

ایہ ای خُدا دا ازلی اِرادہ ہا جیہڑا اُوں ساڈے خُداوند یسُوع مسیح دے ذریعے پُورا کیتا۔