اِفِسیوں 2:18 - کِتاب مُقدّس سرائیکی ترجمہ

¹⁸ تے ہُنڑ اساں مسیح دے ذریعے ہِکو رُوح القُدس ءچ باپ دے حضُور آ سگدے ہیں۔

اِفِسیوں 2:18 Referans Kwoze

اِفِسیوں 3:12

ہُنڑ مسیح ءچ تے مسیح اُتے اِیمان رکھ تے اساں دلیری تے اعتماد نال خُدا دے کولھ آ سگدے ہیں۔

1کُرِنتھِیوں 12:13

کیوں جو اساں ساریاں بھانویں یہُودی ہِن یا یُونانی، بھانویں غُلام ہِن یا آزاد، ہِکو رُوح دے وسیلہ نال ہِک بدن تھیوݨ کیتے بپتسمہ گِھدے، تے ساکُوں ساریاں کُوں ہِکو رُوح القُدس مِلیا ہے۔

رومیوں 5:2

یسُوع دے وسیلے ساکُوں اِیمان دے سببّوں او فضل حاصل تھیّا جیندے اُتے اساں قائم وی ہیں، تے اساں خُدا دے جلال دی اُمید اُتے خوش ہیں۔

اِفِسیوں 4:4

ہِک ای بدن ہے تے ہِک ای رُوح القُدس، تے اِینویں ای جِیں ویلے تُساں سڈے گئے ہَوے تاں ہِک ای اُمید رکھنڑ کیتے سڈے گئے ہَوے،

یُوحنّا 14:6

یسُوع اُونکُوں آکھیا جو ”راہ، حق تے زندگی مَیں ہاں، میڈے وسیلہ دے بغیر کوئی باپ دے کولھ نئیں آندا۔

یُوحنّا 10:9

دروازہ مَیں ہاں۔ جیہڑا کوئی میڈے ذریعے داخل تھیسی، او نجات پیسی تے اندر باہر آندا ویندا راہسی تے ساوی گھاہ پیسی۔

یُوحنّا 10:7

بس یسُوع اُنہاں کُوں ولا آکھیا، ”مَیں تُہاکُوں سچ آدھا ہاں جو بھیڈاں دا دروازہ مَیں ہاں۔

کلُسِّیوں 1:12

تے باپ دا شُکر کریندے راہو جئیں تُہاکُوں اِیں لائق بنڑائے جو نُور ءچ مُقدّساں دی میراث ءچ شریک تھیؤ۔

گلتِیوں 4:6

کیوں جو تُساں پوتر ہیوے اِیں واسطے خُدا آپنڑے پوتر دا رُوح القُدس ساڈے دِلاں ءچ بھیجیا تے او ”ابّا“ یعنی ”باپ“ آکھ تے سڈیندا راہندے۔

رومیوں 8:15

کیوں جو تُہاکُوں ایجھی رُوح نئیں مِلی جیہڑی تُہاکُوں ڈرݨ آلے غُلام بنڑیندی ہے بلکہ خُدا دی رُوح مِلی ہے جیہڑی تُہاکُوں لےپالک بنڑیندی ہے جیندے وسیلے نال اساں ”ابّا“ یعنی ”باپ“ آکھ تے سڈیندے ہیں۔

1 پطرس 3:18

کیوں جو مسیح جیہڑا راستباز ہا، بدکاراں دے گُناہاں دی خاطر ہمیشاں کیتے ہِکے پھیری ڈُکھ چاتا تاں جو ساکُوں خُدا تئیں پُچا ڈیوے۔ او جِسم دے اعتبار نال تاں ماریا گِیا پر رُوح دے اعتبار نال زندہ کیتا گِیا۔

اِفِسیوں 6:18

ہر ویلے رُوح القُدس ءچ ہر طرحاں نال دُعا تے مِنت کریندے راہو۔ تے اِیں مقصد کیتے جاگدے راہو تے سارے مُقدّساں کیتے ہر ویلے دُعا کریندے راہو۔

1کُرِنتھِیوں 8:6

پر ساڈے کیتے تاں ہِکو ای خُدا ہے یعنی اسمانی باپ جیہڑا ساریاں چیزاں دا خالق ہے تے اساں اُوندے کیتے زندہ ہیں۔ تے ہِک ای خُداوند ہے یعنی یسُوع مسیح جیندے وسیلے نال ساریاں چیزاں وجود ءچ آئیاں تے اساں وی اُوندے وسیلے نال زندہ ہیں۔

عبرانیوں 7:19

کیوں جو شریعت کہیں چیز کُوں کامِل نئیں کیتا تے اُوندی جاہ تے ساکُوں ہِک زیادہ چنگی اُمید عطا کیتی گئی ہے جیندے وسیلے اساں خُدا دے نزدیک وَنج سگدے ہیں۔

اِفِسیوں 3:14

اِیں واسطے مَیں آپنڑے خُداوند یسُوع المسیح دے باپ دے اگُوں گوڈے ٹیکدا ہاں،

یہُوداہ 1:20

پر عزیزو! تُساں آپنڑے پاک اِیمان ءچ ترقی کر تے رُوح القُدس دی مدد نال دُعا کریندے راہو۔

1 پطرس 1:21

تُساں مسیح دے وسیلے نال خُدا اُتے اِیمان گِھن آئے ہیوے، جئیں اُونکُوں مُردیاں ءچوں زندہ کیتا تے جلال بخشیا تاں جو تُہاڈا اِیمان تے تُہاڈی اُمید خُدا اُتے ہووے۔

1 پطرس 1:17

خُدا، جِیں تُوں تُساں باپ آکھ تے دُعا کریندے ہیوے، بغیر طرفداری دے ہر بندے دے عمل دے مطابق اُوندا اِنصاف کریندے، اِیں واسطے جئیں تئیں تُساں دُنیا ءچ مسافر دے طور تے راہندے ہیوے، خُدا دے خوف ءچ زندگی گُزارو۔

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

یعقُوب 3:9

اِیں زبان نال ای اساں آپنڑے خُداوند تے باپ دی حمد کریندے ہیں تے اِیندے نال ای اِنساناں کُوں جیہڑے خُدا دی صورت اُتے خلق کیتے گئے ہِن لعنت کریندے ہیں۔