اِفِسیوں 2:15 - کِتاب مُقدّس سرائیکی ترجمہ

¹⁵ کیوں جو اُوں شریعت کُوں اُوندے حُکماں تے قانُوناں سمیت ختم کر ڈِتے، تاں جو یہُودی تے غیر یہُودی کُوں آپنڑے آپ ءچ ہِک نواں اِنسان بنڑا تے صُلح کرا ڈیوے۔

اِفِسیوں 2:15 Referans Kwoze

کلُسِّیوں 2:14

تے حُکم عدُولی دے لِکھے ہوئے اِلزاماں کُوں مِٹا ڈِتا جیہڑے ساڈے خلاف ہَن، تے اُونکُوں صلیب اُتے کِیلاں نال جَڑ تے، ساڈے کنُوں دُور کر ڈِتا،

گلتِیوں 3:10

پر جیہڑے خُدا دی نظر ءچ مقبول تھیوݨ کیتے شریعت دے اعمال اُتے بھروسا رکھیندے ہِن، اُنہاں سبھ اُتے لعنت ہے۔ کیوں جو لِکھیا ہے جو ”ہر ہِک اُتے لعنت جیہڑا شریعت دی کتاب دے سبھ گالھیں اُتے عمل نئیں کریندا۔“

عبرانیوں 8:13

خُدا ”نویں عہد“ دا ذِکر کر تے پہلے کُوں پُرانڑا قرار ڈِتا۔ تے جیہڑی چیز پہلے دی ہے او پُرانڑی تے ناکارہ ہے، او جلدی ختم تھی ویسی۔

کلُسِّیوں 3:10

تے نوِیں فطرت کُوں کپڑے وانگُوں پا گِھدے، جیہڑی علم حاصل کریندے ہوئے آپنڑے خالق دی صورت اُتے نویں بنڑ دی ویندی ہے۔

کلُسِّیوں 2:20

جے تُساں مسیح نال مر تے دُنیاوی اصُولاں کنُوں آزاد تھی گئے ہیوے تاں ہُنڑ دُنیا آلیاں وانگُوں زندگی کیوں گُزریندے پئے ہیوے؟ ایجھے دُنیاوی حُکماں دے کیوں پابند تھیندے ہیوے

گلتِیوں 6:15

کیوں جو ختنہ کراوݨ یا نہ کراوݨ دی کوئی اہمیت نئیں، بلکہ صرف نویں سرے تُوں پیدا تھیوݨ دی ہے۔

گلتِیوں 3:28

ہُنڑ نہ کوئی یہُودی ریہا نہ کوئی یُونانی، نہ کوئی غُلام نہ کوئی ازاد تے نہ کوئی مرد تے نہ کوئی عورت، کیوں جو ہُنڑ تُساں سارے مسیح یسُوع ءچ ہِک ہیوے۔

اِفِسیوں 4:16

اُوندے وسیلے پُورا بدن آپنڑے ہر جوڑ دی مدد نال آپس ءچ جُڑ تے قائم راہندے تے ہر اَنگ دے آپنڑا آپنڑا کم کرݨ نال پُورا بدن محبت ءچ ودھدے تے ترقی کریندے۔

2کُرِنتھِیوں 5:17

اِیں واسطے جے کوئی مسیح ءچ ہے تاں او نوِیں مخلوق ہے۔ پُرانڑی زندگی ویندی ریہی، ڈیکھو نوِیں زندگی شروع تھی گئی ہے۔

عبرانیوں 7:16

جیہڑا شریعت دے تقاضے دے مطابق لاوی قوم آلا ہووݨ پارُوں نئیں بلکہ ختم نہ تھیوݨ آلی زندگی دی قُدرت پارُوں مقرر تھئے۔

عبرانیوں 9:23

بس ایہ لازم ہا جو ایہ چیزاں جیہڑیاں اسمانی چیزاں دی نقل ہِن، اُنہاں قُربانیاں دے وسیلے نال پاک کیتیاں ونجنڑ، پر اسمانی چیزاں اِنہاں کنُوں چنگیاں قُربانیاں دے وسیلے نال پاک کیتیاں ونجنڑ۔

اِفِسیوں 2:10

کیوں جو اساں خُدا دی کاریگری ہیں تے اُوں ساکُوں مسیح یسُوع ءچ نیک کماں کیتے نویں سِروں پیدا کیتا۔ ایہ نیک کم اُوں پہلے ای ساڈے کیتے تیار کیتے ہَن۔

اِفِسیوں 2:14

مسیح ساڈی صُلح ہے جئیں یہُودی تے غیر یہُودی ڈوہائیں کُوں ہِک کر ڈِتے تے دُشمنڑی تے جُدائی دی اُوں دیوار کُوں جیہڑی ساڈے وچال ہئی، آپنڑے جِسم کُوں قُربان کر تے ڈھا ڈِتے۔

اِفِسیوں 2:16

تے اِینویں آپنڑی صلیبی موت دے ذریعے دُشمنڑی کُوں ختم کر تے ڈُوہائیں کُوں ہِک تَن بنڑا تے خُدا نال میل مِلاپ کروا ڈِتا۔

کلُسِّیوں 3:11

اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔

کلُسِّیوں 3:15

تے مسیح دے اِطمینان کُوں آپنڑے دِلاں اُتے حکُومت کرݨ ڈیؤ، کیوں جو تُساں ہِک بدن ہوندے ہوئے صُلح نال راہوݨ کیتے سڈے گئے ہیوے، تے تُساں شُکر گُزار راہو۔