اِفِسیوں 1:6 - کِتاب مُقدّس سرائیکی ترجمہ

⁶ تاں جو اُوندے اُوں جلال آلے فضل دی حمد ہووے، جیہڑا اُوں آپنڑے عزیز پوتر دے وسیلے نال ساکُوں مُفت بخشیا۔

اِفِسیوں 1:6 Referans Kwoze

کلُسِّیوں 1:13

خُدا ساکُوں اندھارے دے قبضے ءچوں چُھڑا تے آپنڑے عزیز پوتر دی بادشاہی ءچ داخل کیتے،

اِفِسیوں 1:12

تاں جو اساں جِنہاں سبھ کنُوں پہلے مسیح اُتے اُمید رکھی ہئی، اُوندے جلال دی تعریف دا سبب بنڑوں۔

فِلِپّیوں 4:19

میڈا خُدا آپنڑے جلال آلی دولت ءچوں یسُوع مسیح دے ذریعے تُہاڈیاں ساریاں ضرورتاں پُوریاں کر ڈیسی۔

متّی 3:17

تے اسمان تُوں ایہ اواز آئی جو ”ایہ میڈا پیارا پوتر ہے جیندے کنُوں مَیں بہُوں خوش ہاں۔“

1 پطرس 2:9

پر تُساں ہِک چُنڑی ہوئی نسل، شاہی کاہِن، مُقدّس قوم تے ایجھی اُمت ہیوے جیہڑی خُدا دی خاص ملکیت ہے، تاں جو تُساں اُوندے خُوبیاں دا اعلان کرو جئیں تُہاکُوں اندھارے ءچوں آپنڑی حیران کرݨ آلی روشنی ءچ سڈیا ہے۔

فِلِپّیوں 1:11

تے یسُوع مسیح دے وسیلے نال راستبازی دے پھل نال بھریندے راہو۔ تے اِینویں خُدا دے جلال دی تعریف تھیوے۔

اِفِسیوں 1:14

رُوح القُدس ساڈی میراث دا بیعانہ ہے جئیں تئیں ساکُوں مخلصی نہ مِل ونجے، تاں جو خُدا دے جلال دی تعریف کیتی ونجے۔

1 پطرس 4:11

جے کوئی کُجھ بیان کرے تاں اِینویں کرے جِینویں خُدا اُوندے ذریعے کلام کریندا پئے۔ جے کوئی خدمت کرے تاں اُوں طاقت نال کرے جیہڑی خُدا ڈیندے تاں جو سبھ گالھیں ءچ یسُوع مسیح دے وسیلہ نال خُدا دا جلال ظاہر تھیوے۔ جلال تے سلطنت ہمیشاں تئیں اُوندا ای ہووے۔ آمین۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

2کُرِنتھِیوں 4:15

ایہ سبھ کُجھ تُہاڈے فائدے کیتے ہے تاں جو بہُوں سارے لوکاں اُتے فضل تھیوے تے نتیجہ ءچ شُکرگُزاری ودھدی ونجے جیندے نال خُدا کُوں جلال مِلے۔

1 پطرس 2:5

تے تُساں زندہ پتھراں آلی کار ہِک رُوحانی گھر بنڑدے ویندے ہیوے تاں جو مُقدّس کاہِن بنڑو تے ایجھیاں رُوحانی قُربانیاں پیش کرو جیہڑیاں یسُوع مسیح دے وسیلہ نال خُدا دے حضُور مقبول تھیندیاں ہِن۔

اِفِسیوں 1:18

تے تُہاڈے دل دے اکھیں روشن تھی ونجنڑ تاں جو تُساں جاݨ گِھنو جو خُدا تُہاکُوں کیجھی اُمید کیتے سڈے تے مُقدّساں کیتے اُوندے جلال آلی میراث دی دولت کیجھی ہے،

رومیوں 8:1

اِیں واسطے جیہڑے مسیح یسُوع ءچ ہِن، ہُنڑ اُنہاں اُتے سزا دا حُکم نئیں۔

یُوحنّا 10:17

میڈا باپ میکُوں اِیں واسطے پیار کریندے، جو مَیں آپنڑی جان قُربان کریندا ہاں تاں جو اُونکُوں ولا گِھن گِھناں۔

یُوحنّا 3:35

باپ پوتر نال محبت رکھیندے تے اُوں سبھ کُجھ پوتر دے سپُرد کر ڈِتے۔

لُوقا 2:14

”سبھ تُوں اُچے اسمان اُتے خُدا دی تمجید ہووے تے زمین اُتے اُنہاں آدمیاں نال صُلح جِنہاں تُوں او خوش ہے۔“

متّی 17:5

او ایہ آدھا ای پِیا ہا جو ڈیکھو ہِک نُورانی بدلی اُنہاں اُتے چھاں کر ڈِتی تے اُوں بدلی ءچوں اواز آئی جو ”ایہ میڈا پیارا پوتر ہے جیندے تُوں مَیں بہُوں خوش ہاں، اِیندی سُنڑو۔“

فِلِپّیوں 3:9

تے اُوندے ءچ ہوواں۔ پر آپنڑی راستبازی دے سببّوں نئیں جیہڑی شریعت اُتے عمل کرݨ نال مِلدی ہے بلکہ اُوں راستبازی دے سببّوں جیہڑی مسیح اُتے اِیمان گِھن آوݨ دے نال مِلدی ہے۔ او راستبازی خُدا دی طرفوں تے اِیمان دے ذریعے مِلدی ہے۔

اِفِسیوں 2:7

تاں جو او آپنڑی اُوں مہربانی دے وسیلے جیہڑی مسیح یسُوع ءچ ساڈے اُتے تھئی ہے، آوݨ آلے زمانیاں ءچ آپنڑے حد کنُوں زیادہ فضل دی دولت کُوں ظاہر کرے۔

متّی 20:9

جِیں ویلے او آئے جیہڑے ڈینہہ لہنڑ کنُوں ہِک گھنٹہ پہلے کھڑائے گئے ہَن، اُنہاں کُوں ہِک ہِک دینار مِلیا۔