اِفِسیوں 1:5 - کِتاب مُقدّس سرائیکی ترجمہ

⁵ خُدا آپنڑی مرضی تے نیک اِرادے دے مطابق پہلے کنُوں ای فیصلہ کیتا جو او ساکُوں یسُوع مسیح دے ذریعے آپنڑے لے پالک پوتر بنڑاوے،

اِفِسیوں 1:5 Referans Kwoze

اِفِسیوں 1:11

مسیح ءچ ساکُوں وی وراثت مِل گئی ہے کیوں جو خُدا جیہڑا سبھ کُجھ آپنڑی مرضی تے مقصد دے مطابق کریندے، اُوں آپنڑے اِرادہ دے مطابق ساڈے کیتے ایہ پہلے کنُوں ای مقرر کیتے۔

1 یُوحنّا 3:1

ڈیکھو باپ ساڈے نال کیجھی محبت کیتی ہے جو اساں خُدا دے فرزند اکھویندے ہیں۔ تے اساں واقعی ہیں وی۔ دُنیا ساکُوں اِیں واسطے نئیں جانڑدی جو اِیں اُونکُوں وی نہ جانڑیا۔

یُوحنّا 1:12

پر جِتنیاں اُونکُوں قبول کیتا یعنی جیہڑے اُوندے ناں اُتے اِیمان گِھن آئے ہِن، اُوں اُنہاں کُوں خُدا دے فرزند بنڑݨ دا حق بخشیا۔

رومیوں 8:23

تے صرف اُوہو نئیں بلکہ اساں وی جِنہاں کُوں رُوح القُدس دے پہلے پھل مِلے ہِن، آپنڑے دل ءچ کراہندے ہوئے اُوں ویلے دا اِنتظار کریندے پئے ہیں جِیں ویلے خُدا ساکُوں لےپالک بنڑا تے ساڈے بدن کُوں رہائی ڈیسی۔

گلتِیوں 3:26

کیوں جو تُساں سارے یسُوع مسیح اُتے اِیمان گِھن آوݨ دے وسیلے نال خُدا دی اولاد بنڑ گئے ہیوے۔

2کُرِنتھِیوں 6:18

تے تُہاڈا باپ ہوساں تے تُساں میڈے پوتر دِھیاں ہوسو۔ ایہ قول رب قادر مُطلق دا ہے۔“

مُکاشفہ 21:7

جیہڑا غالب آسی او اِنہاں چیزاں دا وارث ہوسی۔ مَیں اُوندا خُدا ہوساں تے او میڈا پوتر ہوسی۔

اِفِسیوں 1:9

تے خُدا آپنڑی مرضی دے راز کُوں آپنڑی خوشی دے مطابق ساڈے اُتے ظاہر کر ڈِتا، جِیندا اُوں مسیح ءچ پُورا کرݨ دا اِرادہ کیتا ہا،

یُوحنّا 11:52

تے نہ صرف یہُودی قوم کیتے بلکہ اِیں واسطے وی جو خُدا دے فرزنداں کُوں جیہڑے تِتربِتر تھی گئے ہَن جمع کر تے ہِک کر ڈیوے۔

2تھِسّلُنیکیوں 1:11

اِیں واسطے اساں تُہاڈے کیتے ہر ویلے دُعا کریندے راہندے ہیں جو ساڈا خُدا تُہاکُوں اُوں بُلاوے دے لائق بنڑاوے جیندے کیتے اُوں تُہاکُوں سڈے تے تُہاڈی ہر نیک خواہش تے اِیمان نال کیتے ہوئے کم کُوں آپنڑی قُدرت نال پُورا کرے،

لُوقا 10:21

اُونہی ویلے یسُوع رُوح القُدس کنُوں خوشی نال بھریج گِیا تے آکھنڑ لگا، ”باپ، اسمان تے زمین دے مالک! مَیں تیڈا شُکر کریندا ہاں جو تَیں ایہ گالھیں دانا لوکاں تے عالماں کنُوں لُکائیاں، تے بالاں اُتے ظاہر کیتیاں۔ ہاں، باپ، کیوں جو تیڈی نظر ءچ اِیہو چنگا ہا۔

1کُرِنتھِیوں 1:21

کیوں جو خُدا آپنڑی حِکمت دے مطابق ایہ فیصلہ کیتے جو دُنیا آلے آپنڑی حِکمت نال خُدا کُوں نہ جانڑݨ بلکہ خُدا کُوں ایہ پسند آیا جو اِیں بیوقُوفی دے پیغام دے وسیلے نال جیندی اساں تبلیغ کریندے ہیں اِیمان گِھن آوݨ آلیاں کُوں نجات بخشے۔

یُوحنّا 20:17

یسُوع اُونکُوں آکھیا، ”میکُوں پکڑی نہ رکھ کیوں جو مَیں حالی تئیں باپ دے کولھ اُتے نئیں گِیا، بلکہ وَنج تے میڈے بِھرانواں کُوں ڈسا جو مَیں آپنڑے باپ تے آپنڑے خُدا دے کولھ ویندا ہاں جیہڑا تُہاڈا وی باپ تے خُدا ہے۔“

متّی 11:26

ہاں باپ، کیوں جو تیڈی نظر ءچ اِیہو چنگا ہا۔

لُوقا 11:32

نِینوہ دے لوک عدالت دے ڈینہہ اِیں زمانے دے لوکاں نال کھڑ تے اُنہاں کُوں مُجرم کھڑیسن کیوں جو اُنہاں یُوناہ دی تبلیغ دی وجہ کنُوں توبہ کر گِھدی ہئی، تے ڈیکھو اِتھاں او ہے جیہڑا یُوناہ کنُوں وی وڈا ہے۔

فِلِپّیوں 2:13

کیوں جو او خُدا ای ہے جیہڑا تُہاڈے ءچ آپنڑا نیک اِرادہ پُورا کرݨ دی نیّت تے طاقت پیدا کریندے۔

1کُرِنتھِیوں 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہووݨ کیتے سڈیا گِیا، تے ساڈے بِھرا سوستھِنیس دی طرفوں،

متّی 1:25

پر اُوں ویلے تئیں اُوندے کولھ نہ آیا جئیں تئیں اُوندا پوتر نہ جمیا تے اُوندا ناں یسُوع رکھیا۔

لُوقا 12:32

چھوٹے اِجڑ! نہ ڈر، کیوں جو تُہاڈے باپ کُوں پسند آیا جو تُہاکُوں بادشاہی ڈیوے۔

اعمال 13:48

جِیں ویلے غیر قوم آلیاں ایہ سُنڑیا تاں بہُوں خوش تھئے تے خُداوند دے کلام دی تعریف کرݨ لگے تے جِتّی ہمیشاں دی زندگی کیتے مقرر کیتے گئے ہَن، اِیمان گِھن آئے۔

کلُسِّیوں 1:19

کیوں جو خُدا کُوں پسند آئے جو اُوندی پُوری فطرت تے خُوبیاں مسیح ءچ نظر آوݨ۔

عبرانیوں 2:4

نال ای خُدا آپنڑی مرضی دے مطابق نشاناں، عجیب کماں، قِسم قِسم دے معجزیاں تے رُوح القُدس دیاں ونڈیاں ہوئیاں نعمتاں دے ذریعے خود وی اُوندی گواہی ڈیندا ریہا۔