اِفِسیوں 1:3 - کِتاب مُقدّس سرائیکی ترجمہ

³ ساڈے خُداوند یسُوع مسیح دے خُدا تے باپ دی حمد ہووے جئیں ساکُوں مسیح ءچ اسمان دی ہر رُوحانی برکت بخشی ہے۔

اِفِسیوں 1:3 Referans Kwoze

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے

2کُرِنتھِیوں 1:3

ساڈے خُداوند یسُوع مسیح دے خُدا تے باپ دی حمد ہووے جیہڑا بہُوں ای رحیم باپ تے ہر طرحاں دی تسلی ڈیوݨ آلا خُدا ہے۔

اِفِسیوں 2:6

خُدا ساکُوں مسیح یسُوع نال زندہ کر تے اسمانی مقاماں ءچ اُوندے نال بِلھایا،

اِفِسیوں 1:20

جِیندے نال اُوں مسیح کُوں مُردیاں ءچوں زندہ کر تے اسمان اُتے آپنڑے سجے پاسے بِلھایا،

اِفِسیوں 6:12

کیوں جو ساکُوں خون تے گوشت دے خلاف نئیں بلکہ حُکمراناں، اِختیار آلیاں، اِیں اندھاری دُنیا دے حاکماں تے شریر رُوحانی طاقتاں دے خلاف جنگ کرنڑی ہے جیہڑیاں اسمانی جاہیں ءچ ہِن۔

اِفِسیوں 3:10

خُدا دا مقصد ہا جو ہُنڑ کلیسیا دے وسیلے نال اُوندی ہر طرحاں دی حِکمت، اُنہاں حکُومت آلیاں تے اِختیار آلیاں اُتے ظاہر تھی ونجے جیہڑے اسمانی مقاماں ءچ ہِن۔

گلتِیوں 3:9

بس جیہڑے اِیمان گِھن آندے ہِن او اِیماندار ابرہام نال برکت پیندے ہِن۔

یُوحنّا 17:21

تاں جو او سارے ہِک ہووݨ جِینویں باپ، تُوں میڈے ءچ ہیں تے مَیں تیڈے ءچ ہاں۔ مَیں چاہندا ہاں جو او وی ساڈے ءچ ہووݨ تاں جو دُنیا اِیمان گِھن آوے جو تُوں ای میکُوں بھیجے۔

اِفِسیوں 1:17

مَیں دُعا کریندا ہاں جو ساڈے خُداوند یسُوع مسیح دا خُدا جیہڑا جلال آلا باپ ہے، تُہاکُوں حِکمت تے مُکاشفے دی رُوح بخشے تاں جو تُساں اُونکُوں چنگی طرحاں جاݨ گِھنو

2کُرِنتھِیوں 11:31

خُداوند یسُوع دا خُدا تے باپ، جیندی ہمیشاں تئیں حمد تھیوے، جانڑدا ہے جو مَیں کُوڑ نئیں مریندا۔

2کُرِنتھِیوں 5:21

خُدا مسیح کُوں جیہڑا گُناہ کنُوں واقف نہ ہا، ساڈے کیتے گُناہ کھڑایا تاں جو اساں مسیح ءچ خُدا دی راستبازی تھی ونجُوں۔

1کُرِنتھِیوں 12:12

جِینویں اِنسانی بدن ہِک ہے تے اُوندے بہُوں سارے اَنگ ہِن تے او سبھ اَنگ رَل تے ہِک بدن بنڑیندن، اُونویں ای مسیح دا بدن وی ہے۔

رومیوں 12:5

اُونویں ای بھانویں اساں بہُوں سارے ہیں، وَل وی مسیح ءچ شامل تھی تے ہِک جِسم ہیں تے آپس ءچ ہِک ڈُوجھے دے اَنگ۔

اِفِسیوں 1:10

تے خُدا دی مرضی ایہ ہے جو مناسب وقت اُتے او ساریاں چیزاں کُوں مسیح ءچ کٹھا کرے، بھانویں اسمان دیاں ہووݨ یا زمین دیاں۔

2کُرِنتھِیوں 5:17

اِیں واسطے جے کوئی مسیح ءچ ہے تاں او نوِیں مخلوق ہے۔ پُرانڑی زندگی ویندی ریہی، ڈیکھو نوِیں زندگی شروع تھی گئی ہے۔

رومیوں 15:6

تاں جو تُساں رَل تے ہِک زبان تھی تے ساڈے مالک یسُوع المسیح دے خُدا تے باپ دی تمجید کرو۔

عبرانیوں 8:5

جیہڑے اُوں مُقدّس گھر ءچ خدمت کریندے ہِن جیہڑا اسمانی ہیکل دی نقل تے اُوندا پچھاواں ہے۔ اِیہو وجہ ہے جو جِیں ویلے مُوسیٰ مُقدّس تمبُو بنڑاوݨ لگا تاں اُوں ویلے خُدا اُونکُوں فرمایا، ”ساریاں چیزاں اُوں نمونے دے مطابق دھیان نال بنڑا جیہڑا تیکُوں پہاڑ اُتے ڈِکھایا گِیا ہا۔“

فِلِپّیوں 2:11

تے ہر زبان خُدا باپ دے جلال کیتے اِقرار کرے جو یسُوع مسیح ای خُداوند ہے۔

1کُرِنتھِیوں 1:30

پر ایہ خُدا دی طرفوں ہے جو تُساں مسیح یسُوع ءچ ہیوے جیہڑا ساڈے کیتے حِکمت بنڑیا یعنی راستبازی، پاکیزگی تے مخلصی۔

عبرانیوں 9:23

بس ایہ لازم ہا جو ایہ چیزاں جیہڑیاں اسمانی چیزاں دی نقل ہِن، اُنہاں قُربانیاں دے وسیلے نال پاک کیتیاں ونجنڑ، پر اسمانی چیزاں اِنہاں کنُوں چنگیاں قُربانیاں دے وسیلے نال پاک کیتیاں ونجنڑ۔

یُوحنّا 20:17

یسُوع اُونکُوں آکھیا، ”میکُوں پکڑی نہ رکھ کیوں جو مَیں حالی تئیں باپ دے کولھ اُتے نئیں گِیا، بلکہ وَنج تے میڈے بِھرانواں کُوں ڈسا جو مَیں آپنڑے باپ تے آپنڑے خُدا دے کولھ ویندا ہاں جیہڑا تُہاڈا وی باپ تے خُدا ہے۔“

یُوحنّا 14:20

اُوں ڈینہہ تُساں جاݨ گِھنسو جو مَیں آپنڑے باپ ءچ ہاں تے تُساں میڈے ءچ ہیوے تے مَیں تُہاڈے ءچ۔

لُوقا 2:28

تاں شمعون بال کُوں آپنڑی جھولی ءچ گِھن گِھدا تے خُدا دی حمد کر تے آکھنڑ لگا جو