اِفِسیوں 1:20 - کِتاب مُقدّس سرائیکی ترجمہ

²⁰ جِیندے نال اُوں مسیح کُوں مُردیاں ءچوں زندہ کر تے اسمان اُتے آپنڑے سجے پاسے بِلھایا،

اِفِسیوں 1:20 Referans Kwoze

عبرانیوں 10:12

پر مسیح گُناہاں کُوں مِٹاوݨ کیتے ہِکو قُربانی پیش کیتی جیہڑی ہمیشاں کیتے ہے تے وَل خُدا دے سجے پاسُوں وَنج بیٹھا۔

مرقس 16:19

خُداوند یسُوع اُنہاں نال کلام کرݨ تُوں بعد اسمان اُتے چا گِھدا گِیا تے خُدا دے سجے پاسُوں بہہ گِیا۔

عبرانیوں 1:3

پوتر خُدا دے جلال دی چمک تے اُوندی ذات دا عین نقش ہے، تے او آپنڑے قُدرت آلے کلام نال سبھ چیزاں کُوں سنبھلیندے۔ او گُناہاں تُوں پاک کرݨ تُوں بعد اسمان اُتے عظیم خُدا دے سجے پاسے وَنج بیٹھا۔

متّی 28:18

یسُوع اُنہاں دے کولھ آ تے اُنہاں کُوں آکھنڑ لگا، ”اسمان تے زمین دا کُل اِختیار میکُوں ڈِتا گِیا ہے۔

کلُسِّیوں 3:1

تُساں مسیح نال زندہ کیتے گئے، اِیں واسطے اُنہاں چیزاں دی خواہش ءچ راہو جیہڑیاں اسمان اُتے ہِن، جِتھاں مسیح خُدا دے سجے پاسُوں بیٹھے۔

فِلِپّیوں 3:10

مَیں مسیح کُوں تے اُوندے زندہ تھیوݨ دی قُدرت کُوں جانڑنڑاں، اُوندے نال ڈُکھاں ءچ شریک تھیوݨ تے اُوندی موت ءچ اُوندے جِیہا بنڑنڑاں چاہندا ہاں،

رومیوں 8:34

کوݨ اُنہاں کُوں قصُوروار کھڑا سگدے؟ مسیح یسُوع جیہڑا مر گِیا تے زندہ وی تھی گِیا تے جیہڑا خُدا دے سجے پاسُوں موجود ہے، اُوہو ساڈی شفاعت وی کریندے۔

اعمال 5:31

خُدا اُونکُوں ای مالک تے نجات ڈیوݨ آلا بنڑا تے آپنڑے سجے ہتھ آلے پاسُوں بِلھا گِھدا تاں جو اِسرائیل کُوں توبہ دی توفیق تے گُناہاں دی معافی بخشے۔

مرقس 14:62

یسُوع جواب ڈِتا، ”ہاں مَیں ہاں، تے تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

متّی 26:64

یسُوع اُونکُوں آکھیا، ”تَیں خود ای آکھ ڈِتے۔ بلکہ مَیں تُہاکُوں آدھا ہاں جو اِیندے بعد تُساں اِبنِ آدم کُوں قادر ِ مُطلق دے سجے پاسُوں بیٹھا تے اسمان دے بدلاں اُتے آندا ڈیکھسو۔“

مُکاشفہ 1:17

اُونکُوں ڈیکھ تے مَیں اُوندے پیراں ءچ بے جان جِیہا تھی تے ڈھے پِیا، پر اُوں آپنڑا سجا ہتھ میڈے اُتے رکھیا تے آکھیا جو ”خوف نہ کر، مَیں اوّل تے آخر ہاں۔

1 پطرس 1:3

ساڈے خُداوند یسُوع مسیح دے خُدا تے باپ دی حمد تھیوے۔ اُوں یسُوع مسیح کُوں مُردیاں ءچوں زندہ کر تے آپنڑی وڈی رحمت نال ساکُوں نویں سرے تُوں پیدا کیتا، تے ہُنڑ ساکُوں ہِک زندہ اُمید مِلی ہے

عبرانیوں 13:20

اِطمینان دا خُدا جئیں اُوں ابدی عہد قائم کرݨ آلے خون دے ذریعے بھیڈاں دے عظیم آجڑی یعنی ساڈے خُداوند یسُوع کُوں مُردیاں ءچوں زندہ کیتا،

عبرانیوں 2:9

پر اساں یسُوع کُوں، جِینکُوں کُجھ دیر کیتے فرشتیاں کنُوں گھٹ کیتا گِیا، موت دا ڈُکھ سہنڑ دے سببّوں شان تے عزت دا تاج پاتے ہوئے ڈیدھے ہیں۔ ہا خُدا دے فضل نال اُوں ہر اِنسان کیتے موت دا مزہ چکھیا۔

اِفِسیوں 1:3

ساڈے خُداوند یسُوع مسیح دے خُدا تے باپ دی حمد ہووے جئیں ساکُوں مسیح ءچ اسمان دی ہر رُوحانی برکت بخشی ہے۔

رومیوں 1:4

پر پاکیزگی دی رُوح دے لحاظ نال مُردیاں ءچوں زندہ تھیوݨ دے سببّوں بہُوں قُدرت نال خُدا دا پوتر ثابت تھیّا۔ ایہ ساڈا خُداوند یسُوع المسیح ہے،

اعمال 26:8

تُساں اِیں گالھ دا کیوں یقین نئیں کریندے جو خُدا مُردیاں کُوں ولا کنُوں زندہ کر ڈیسی؟

اعمال 10:40

پر خُدا اُونکُوں تریجھے ڈینہہ زندہ کر ڈِتا تے ظاہر وی کیتا۔

اعمال 4:10

تاں تُساں تے ساری اِسرائیلی قوم ایہ جاݨ گِھنے جو یسُوع مسیح ناصری دے ناں نال جِینکُوں تُساں صلیب اُتے چڑھا ڈِتا تے جِینکُوں خُدا مُردیاں ءچوں زندہ کیتا، ایہ بندہ تُہاڈے سامنڑے تندرُست کھڑا ہے۔

یُوحنّا 10:30

مَیں تے میڈا باپ ہِکو ہاں۔“

یُوحنّا 10:18

میڈی جان مَیں کنُوں کوئی وی نئیں کھسیندا بلکہ مَیں آپنڑی مرضی نال اُونکُوں قُربان کریندا ہاں۔ میڈے کولھ اُونکُوں ڈیوݨ دا وی اِختیار ہے تے اُونکُوں ولا گِھننڑ دا وی اِختیار ہے۔ ایہ حُکم میکُوں میڈے باپ کنُوں مِلیا ہے۔“

کلُسِّیوں 1:16

اُوندے وسیلے سبھ چیزاں خلق تھئیاں، بھانویں او اسمان دیاں ہووݨ یا زمین دیاں، ڈِٹھیاں ہووݨ یا اَن ڈِٹھیاں، تخت ہووݨ یا طاقتاں، حکومتاں ہووݨ یا اِختیار۔ خُدا سبھ چیزاں کُوں مسیح دے وسیلے تے اُوندی خاطر پیدا کیتا۔