اِفِسیوں 1:11 - کِتاب مُقدّس سرائیکی ترجمہ

¹¹ مسیح ءچ ساکُوں وی وراثت مِل گئی ہے کیوں جو خُدا جیہڑا سبھ کُجھ آپنڑی مرضی تے مقصد دے مطابق کریندے، اُوں آپنڑے اِرادہ دے مطابق ساڈے کیتے ایہ پہلے کنُوں ای مقرر کیتے۔

اِفِسیوں 1:11 Referans Kwoze

رومیوں 8:28

تے اساں جانڑدے ہیں جو ساریاں چیزاں مِل تے خُدا نال محبت رکھنڑ آلیاں کیتے بھلائی پیدا کریندیاں ہِن یعنی اُنہاں کیتے جیہڑے اُوندے اِرادے دے مطابق سڈے گئے ہِن۔

1 پطرس 1:4

یعنی ہِک نہ ختم تھیوݨ آلی، بے داغ تے لازوال میراث جیہڑی خُدا دی طرفوں ساڈے کیتے اسمان اُتے محفوظ ہے۔

اِفِسیوں 1:14

رُوح القُدس ساڈی میراث دا بیعانہ ہے جئیں تئیں ساکُوں مخلصی نہ مِل ونجے، تاں جو خُدا دے جلال دی تعریف کیتی ونجے۔

اِفِسیوں 3:11

ایہ ای خُدا دا ازلی اِرادہ ہا جیہڑا اُوں ساڈے خُداوند یسُوع مسیح دے ذریعے پُورا کیتا۔

اِفِسیوں 1:5

خُدا آپنڑی مرضی تے نیک اِرادے دے مطابق پہلے کنُوں ای فیصلہ کیتا جو او ساکُوں یسُوع مسیح دے ذریعے آپنڑے لے پالک پوتر بنڑاوے،

گلتِیوں 3:18

کیوں جو جے وراثت شریعت اُتے عمل کرݨ دے سببّوں ہوندی تاں او وعدے دے سببّوں نہ ہوندی، پر خُدا ابرہام کُوں وعدے دے طور تے وراثت بخشی۔

عبرانیوں 6:17

اِیں واسطے جِیں ویلے خُدا دی مرضی تھئی جو وعدے دے وارثاں اُتے بِیا وی صاف طور تے ظاہر کرے جو میڈا اِرادہ لاتبدیل ہے تاں اُوں قَسم کھا تے اِیندی تصدیق کیتی۔

طِطُس 3:7

تاں جو اساں اُوندے فضل دے طفیل راستباز کھڑائے ونجُوں تے اُوں ہمیشاں دی زندگی دے وارث بنڑوں جیندی اساں اُمید رکھیندے ہیں۔

رومیوں 8:17

تے جے فرزند ہیں تاں وارث وی ہیں یعنی خُدا دے وارث تے مسیح دے ہم میراث، شرط ایہ ہے جو اساں اُوندے نال ڈُکھ چاؤں تاں جو اُوندے نال جلال وی پاؤں۔

کلُسِّیوں 1:12

تے باپ دا شُکر کریندے راہو جئیں تُہاکُوں اِیں لائق بنڑائے جو نُور ءچ مُقدّساں دی میراث ءچ شریک تھیؤ۔

کلُسِّیوں 3:24

کیوں جو تُساں جانڑدے ہیوے جو تُہاکُوں اِیندے بدلہ ءچ خُداوند دی طرفوں میراث مِلسی۔ تُساں آپنڑے خُداوند مسیح دی خدمت کریندے پئے ہیوے۔

اعمال 26:18

جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘

اعمال 20:32

ہُنڑ مَیں تُہاکُوں خُدا تے اُوندے فضل دے کلام دے سپُرد کریندا ہاں جیہڑا تُہاڈے اِیمان دی ترقی دا سبب بنڑ سگدے تے تُہاکُوں سارے مُقدّساں ءچ شامل کر تے میراث دا حقدار بنڑا سگدے۔

اعمال 2:23

جِیں ویلے او خُدا دے پہلے کنُوں بنڑائے منصوبے تے علم دے مطابق پکڑوایا گِیا تاں تُساں اُونکُوں بدکار لوکاں دے ہتُھوں صلیب اُتے چڑھا تے قتل کر ڈِتا۔

اعمال 20:27

کیوں جو مَیں بغیر کہیں جِھجک دے خُدا دا پُورا مقصد تُہاڈے اُتے ظاہر کریندا ہاں۔

اعمال 4:28

تاں جو جیہڑا کُجھ تیڈی قُدرت تے اِرادہ دے مطابق پہلے ای مقرر کر ڈِتا گِیا ہا اُوہو تھیوے۔

1 پطرس 3:9

بُرائی دے بدلے بُرائی نہ کرو، تے مندھے دا جواب مندھے نال نہ ڈیؤ بلکہ اِیندے بجائے ڈُوجھیاں کیتے برکت چاہو کیوں جو خُدا تُہاکُوں برکت دے وارث تھیوݨ کیتے سڈیا ہے۔

رومیوں 11:34

”رب دی سوچ کُوں کوݨ جاݨ سگدے؟ یا کوݨ اُوندا صلاح کار بنڑ سگدے؟

یعقُوب 2:5

میڈے پیارے بِھراؤ سُنڑو! کیا خُدا دُنیا دے غریباں کُوں نئیں چُنڑیا جو اِیمان ءچ دولت مند ہووݨ تے اُوں بادشاہی دے وارث ہووݨ جِیندا اُوں آپنڑے محبت رکھنڑ آلیاں کُوں ڈیوݨ دا وعدہ کیتے؟

اِفِسیوں 1:8

جیہڑا اُوں بہُوں حِکمت تے دانائی نال ساڈے اُتے کثرت نال نازل کیتا۔

اعمال 13:48

جِیں ویلے غیر قوم آلیاں ایہ سُنڑیا تاں بہُوں خوش تھئے تے خُداوند دے کلام دی تعریف کرݨ لگے تے جِتّی ہمیشاں دی زندگی کیتے مقرر کیتے گئے ہَن، اِیمان گِھن آئے۔

رومیوں 8:29

کیوں جو جِنہاں کُوں خُدا پہلے کنُوں جانڑیا، اُنہاں کُوں اُوں پہلے کنُوں مقرر وی کیتا جو او اُوندے پوتر آلی کار بنڑݨ تاں جو اُوندا پوتر بہُوں سارے بِھرانواں ءچوں پلیٹھی دا ہووے۔

رومیوں 8:30

تے جِنہاں کُوں اُوں پہلے کنُوں مقرر کیتا اُنہاں کُوں سڈیا وی، تے جِنہاں کُوں سڈیا اُنہاں کُوں راستباز وی کھڑایا، تے جِنہاں کُوں راستباز کھڑایا اُنہاں کُوں جلال وی بخشیا۔

رومیوں 9:11

تے اجنڑ تئیں نہ تاں چھوہر جائے ہَن تے نہ ای اُنہاں کُجھ نیکی یا بدی کیتی ہئی، خُدا رِبقہ کُوں آکھیا جو وڈا چھوٹے دی خدمت کریسی، تاں جو خُدا ایہ ظاہر کرے جو اُوندا مقصد قائم راہندے کیوں جو او آپنڑی مرضی نال لوکاں کُوں چُنڑدے نہ جو اُنہاں دے اعمال نال۔

اِفِسیوں 1:9

تے خُدا آپنڑی مرضی دے راز کُوں آپنڑی خوشی دے مطابق ساڈے اُتے ظاہر کر ڈِتا، جِیندا اُوں مسیح ءچ پُورا کرݨ دا اِرادہ کیتا ہا،

اِفِسیوں 1:18

تے تُہاڈے دل دے اکھیں روشن تھی ونجنڑ تاں جو تُساں جاݨ گِھنو جو خُدا تُہاکُوں کیجھی اُمید کیتے سڈے تے مُقدّساں کیتے اُوندے جلال آلی میراث دی دولت کیجھی ہے،

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔