اِفِسیوں 1:1 - کِتاب مُقدّس سرائیکی ترجمہ

¹ ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہاں، اُنہاں مُقدّساں دے ناں جیہڑے اِفِسُس ءچ راہندے ہِن تے یسُوع مسیح ءچ وفادار ہِن۔

اِفِسیوں 1:1 Referans Kwoze

کلُسِّیوں 1:2

ایہ اُنہاں مُقدّساں یعنی مسیح ءچ وفادار بِھرانواں دے ناں ہے جیہڑے کلُسے شہر ءچ ہِن۔ ساڈے خُدا باپ دی طرفوں تُہاکُوں فضل تے اِطمینان حاصل تھیندا راہوے۔

2کُرِنتھِیوں 1:1

ایہ خط میں پولُس دی طرفوں ہے جیہڑا خُدا دی مرضی نال مسیح یسُوع دا رسُول ہاں، تے ساڈے بِھرا تِیمُتِھیُس دی طرفوں، خُدا دی کلیسیا دے ناں جیہڑی کُرِنتُھس شہر ءچ ہے تے پُورے اَخیہ دے سارے مُقدّساں دے ناں۔

گلتِیوں 1:1

ایہ خط میں پولُس رسُول دی طرفوں ہے۔ مَیں نہ تاں اِنساناں دی طرفوں، نہ کہیں بندے دے وسیلے رسُول مقرر کیتا گِیا بلکہ یسُوع المسیح تے خُدا باپ دے وسیلے جئیں یسُوع مسیح کُوں مُردیاں ءچوں زندہ کیتا۔

رومیوں 1:1

ایہ خط میں پولُس دی طرفوں ہے جیہڑا یسُوع مسیح دا خادم ہاں۔ میں رسُول ہووݨ کیتے سڈیا گِیا ہاں تے خُدا دی خوشخبری سُناوݨ کیتے مقرر کیتا گِیا ہاں۔

رومیوں 1:7

ایہ خط اُنہاں سارے خُدا دے پیاریاں دے ناں ہے جیہڑے روم ءچ ہِن تے مُقدّس تھیوݨ کیتے سڈے گئے ہِن۔ ساڈے باپ خُدا تے خُداوند یسُوع المسیح دی طرفوں تُہاکُوں فضل تے اِطمینان حاصل تھیندا راہوے۔

اِفِسیوں 6:21

تخِکُس جیہڑا عزیز بِھرا تے خُداوند ءچ وفادار خادم ہے، تُہاکُوں سبھ کُجھ ڈسا ڈیسی، تاں جو تُساں وی میڈی حالت کنُوں واقف تھی ونجو۔

1کُرِنتھِیوں 4:17

اِیں واسطے مَیں تِیمُتِھیُس کُوں جیہڑا خُداوند یسُوع ءچ میڈا عزیز تے وفادار فرزند ہے، تُہاڈے کولھ بھجیندا پِیا ہاں۔ او تُہاکُوں میڈے او طریقے یاد ڈیویسی جِنہاں اُتے مَیں یسُوع مسیح ءچ ہوندے ہوئے عمل کریندا ہاں تے جیہڑے مَیں ہر جاہ تے ہر کلیسیا ءچ سکھیندا ہاں۔

لُوقا 16:10

جیہڑا تھوڑے ءچ دیانتدار ہے او بہُوں ءچ وی دیانتدار ہے۔ تے جیہڑا تھوڑے ءچ بددیانت ہے او بہُوں ءچ وی بددیانت ہے۔

مُکاشفہ 2:10

جیہڑے ڈُکھ تیکُوں سہنڑے ہوسن اُنہاں کنُوں نہ ڈر۔ ڈیکھ ابلیس تیڈے لوکاں ءچوں کُجھ کُوں قید ءچ بند کراوݨ آلا ہے تاں جو تیکُوں ازماوے تے تُوں ڈاہ ہِک ڈینہہ تئیں مُصیبت چانویں۔ جان ڈیوݨ تئیں وفادار رہ تاں مَیں تیکُوں زندگی دا تاج ڈیساں۔

مُکاشفہ 17:14

او لیلے نال جنگ کریسن پر لیلا اُنہاں اُتے غالب آسی کیوں جو او خُداونداں دا خُداوند تے بادشاہاں دا بادشاہ ہے۔ اُوندے نال اُوندے سڈے ہوئے، چُنڑے ہوئے تے وفادار لوک وی ہِن۔“

گلتِیوں 3:9

بس جیہڑے اِیمان گِھن آندے ہِن او اِیماندار ابرہام نال برکت پیندے ہِن۔

رومیوں 8:1

اِیں واسطے جیہڑے مسیح یسُوع ءچ ہِن، ہُنڑ اُنہاں اُتے سزا دا حُکم نئیں۔

اعمال 16:15

وَل جِیں ویلے اُوں تے اُوندے خاندان بپتسمہ گِھن گِھدا تاں ساکُوں آکھیا جو ”جے تُساں میکُوں خُداوند دی اِیماندار بندی سمجھدے ہیوے تاں جُلو تے میڈے گھر ٹِکو۔“ بس اُوں ساکُوں مجبور کیتا۔

مُکاشفہ 2:13

”مَیں جانڑدا ہاں جو جِتھاں تُوں راہندیں اُتھاں شیطان دا تخت ہے، پر وَل وی تُوں میڈے ناں نال وفادار ریہا ہیں۔ تے اُنہاں ڈینہاں ءچ وی جِیں ویلے میڈا سچا گواہ اِنتپاس تیڈے شہر ءچ شہید کیتا گِیا جِتھاں شیطان راہندے، اُوں ویلے وی تَیں میڈے اُتے اِیمان رکھنڑ تُوں اِنکار نئیں کیتا۔

1کُرِنتھِیوں 4:12

اساں آپنڑے ہتھاں نال سخت محنت کریندے ہیں۔ لوک ساکُوں بُرا بھلا آدھے ہِن پر اساں اُنہاں کُوں دُعا ڈیندے ہیں۔ جِیں ویلے لوک ساکُوں ستیندن تاں برداشت کریندے ہیں۔

اعمال 9:13

حننیاہ جواب ڈِتا ”اے خُداوند! مَیں اِیں بندے دے بارے ءچ بہُوں لوکاں کنُوں سُنڑیا ہے جو یروشلیم ءچ اِیں تیڈے مُقدّساں نال کیجھیاں کیجھیاں بُرائیاں کیتیاں ہِن۔

اعمال 18:19

جِیں ویلے پولُس اِفِسُس پُجیا تاں اُوں اَکوِلہ تے پرسکِلہ کُوں اُتھائیں چھوڑ ڈِتا۔ او خود ہِک عبادت خانہ ءچ وَنج تے یہُودیاں نال بحث کرݨ لگ پِیا۔

اعمال 18:21

بلکہ ایہ آکھ تے اُنہاں تُوں رُخصت تھیّا جو ”جے خُدا دی مرضی ہوئی تاں مَیں تُہاڈے کولھ ولا آساں۔“ وَل جہاز اُتے سوار تھی تے اِفِسُس تُوں روانہ تھی گِیا۔

گلتِیوں 3:26

کیوں جو تُساں سارے یسُوع مسیح اُتے اِیمان گِھن آوݨ دے وسیلے نال خُدا دی اولاد بنڑ گئے ہیوے۔

گلتِیوں 3:28

ہُنڑ نہ کوئی یہُودی ریہا نہ کوئی یُونانی، نہ کوئی غُلام نہ کوئی ازاد تے نہ کوئی مرد تے نہ کوئی عورت، کیوں جو ہُنڑ تُساں سارے مسیح یسُوع ءچ ہِک ہیوے۔

اِفِسیوں 1:15

مَیں وی ایہ سُنڑ تے جو تُساں خُداوند یسُوع اُتے اِیمان رکھیندے ہیوے تے سارے مُقدّساں نال محبت کریندے ہیوے،

اِفِسیوں 2:6

خُدا ساکُوں مسیح یسُوع نال زندہ کر تے اسمانی مقاماں ءچ اُوندے نال بِلھایا،

اِفِسیوں 2:10

کیوں جو اساں خُدا دی کاریگری ہیں تے اُوں ساکُوں مسیح یسُوع ءچ نیک کماں کیتے نویں سِروں پیدا کیتا۔ ایہ نیک کم اُوں پہلے ای ساڈے کیتے تیار کیتے ہَن۔

اِفِسیوں 2:13

پر تُساں جیہڑے پہلے دُور ہَوے ہُنڑ یسُوع مسیح ءچ اُوندے خون دے وسیلے خُدا دے نیڑے گِھن آئے گئے ہیوے۔