کلُسِّیوں 4:6 - کِتاب مُقدّس سرائیکی ترجمہ

⁶ تُہاڈی گُفتگو ایجھی فضل نال بھری تے سوہنڑی ہووے، جو تُہاکُوں ہر بندہ کُوں مناسب جواب ڈیونڑ آ ونجے۔

کلُسِّیوں 4:6 Referans Kwoze

اِفِسیوں 4:29

تُہاڈے مُنہ ءچوں کوئی گندی گالھ نہ نِکلے بلکہ صرف اُوہو گالھ نِکلے جیہڑی چنگی تے فائدہ مند ہووے تاں جو سُنڑݨ آلیاں کُوں وی اُوندے تُوں برکت مِلے۔

1 پطرس 3:15

مسیح کُوں آپنڑے دِلاں ءچ خُداوند مَن تے مُقدّس جانڑو۔ تے جے کوئی تُہاڈے کنُوں تُہاڈی اُمید دی وجہ پُچھے تاں اُونکُوں جواب ڈیوݨ کیتے ہمیشاں تیار راہو، پر حلیمی تے خُدا دے خوف نال۔

مرقس 9:50

نمک چنگا ہے پر جے اُوندا مزہ ویندا راہوے تاں اُونکُوں کیہڑی چیز نال نمکین کریسو؟ آپنڑے ءچ نمک رکھو تے آپس ءچ میل مِلاپ نال راہو۔“

کلُسِّیوں 3:16

مسیح دے کلام کُوں آپنڑے دِلاں ءچ مکمل طور تے وسنڑ ڈیؤ تے کمال حِکمت دے نال ہِک ڈُوجھے کُوں تعلیم ڈیؤ تے نصیحت کرو۔ تے آپنڑے دِلاں ءچ شُکرگزاری کریندے ہوئے خُدا کیتے زبُور، حمد تے رُوحانی گیت گاؤ۔

متّی 5:13

تُساں زمین دے نمک ہیوے، پر جے نمک دا مزہ ویندا راہوے تاں او کیہڑی چیز نال نمکین کیتا ویسی؟ وَل او کہیں کم دا نئیں سوائے اِیندے جو باہر سَٹ ڈِتا ونجے تے لوکاں دے پیراں تلے لتاڑیا ونجے۔

لُوقا 4:22

سبھ اُوندی تعریف کیتی تے اُنہاں فضل نال بھرے گالھیں اُتے حیران تھئے جیہڑیاں اُوندے مُنہ ءچوں نِکلدیاں ہَن تے آکھنڑ لگے، ”کیا ایہ یُوسف دا پوتر نئیں؟“