کلُسِّیوں 4:12 - کِتاب مُقدّس سرائیکی ترجمہ

¹² اِپَفراس جیہڑا تُہاڈے ءچوں ہے تے مسیح یسُوع دا خادم ہے تُہاکُوں سلام آدھے۔ او بہُوں محنت نال تُہاڈے کیتے دُعا کریندے جو تُساں خُدا دی پُوری مرضی ءچ کامِل تے پُورے اعتقاد نال ثابت قدم راہو۔

کلُسِّیوں 4:12 Referans Kwoze

رومیوں 15:30

بِھراؤ! مَیں تُہاکُوں ساڈے خُداوند یسُوع المسیح دا واسطہ ڈے تے، تے رُوح القُدس دی محبت یاد ڈیوا تے مِنت کریندا ہاں جو میڈے نال رَل تے خُدا کنُوں میڈے کیتے دُعا ءچ لگے راہو،

کلُسِّیوں 1:9

اِیں واسطے جئیں ڈینہہ تُوں اساں ایہ سُنڑیا ہے، اساں تُہاڈے کیتے دُعا کریندے پئے ہیں۔ ساڈی درخاست ہے جو خُدا تُہاکُوں ساری حِکمت تے رُوحانی سمجھ دے ذریعے، آپنڑی مرضی دے علم نال بھر ڈیوے،

فِلیمون 1:23

اِپَفراس جیہڑا مسیح یسُوع دی خاطر میڈے نال قید ہے، تیکُوں سلام آدھے۔

کلُسِّیوں 1:28

اساں مسیح دی تبلیغ کریندے ہیں تے کمال دانائی نال سارے لوکاں کُوں نصیحت کریندے تے تعلیم ڈیندے ہیں، تاں جو اساں ہر بندے کُوں مسیح ءچ رُوحانی طور تے بالغ بنڑا تے پیش کر سگوں۔

کلُسِّیوں 1:7

تُساں ایہ خوشخبری ساڈے نال خدمت کرݨ آلے پیارے بِھرا اِپفُردِتُس کنُوں سُنڑی جیہڑا تُہاڈی خاطر مسیح دا وفادار خادم ہے۔

2 پطرس 1:1

ایہ خط میں شمعون پطرس دی طرفوں جیہڑا یسُوع مسیح دا خادم تے رسُول ہاں، اُنہاں لوکاں دے ناں ہے جِنہاں ساڈے خُدا تے نجات ڈیوݨ آلے یسُوع مسیح دی راستبازی دے ذریعے ساڈے وانگُوں قیمتی اِیمان حاصل کیتے۔

گلتِیوں 4:19

میڈے بالو! تُہاڈے کیتے میکُوں ولا کنُوں بال جاوݨ وانگُوں دے درد لگے ہِن تے اُوں ویلے تئیں لگے راہسن، جئیں تئیں مسیح دی صورت تُہاڈے ءچ قائم نہ تھی ونجے۔

گلتِیوں 1:10

کیا مَیں ایہ کوشش کریندا پِیا ہاں جو لوک میکُوں پسند کرݨ یا خُدا میکُوں پسند کرے؟ کیا مَیں آدمیاں کُوں خوش کرݨ چاہندا ہاں؟ جے ہُنڑ تئیں آدمیاں کُوں خوش کرݨ دی کوشش ءچ لگا راہندا تاں مسیح دا خادم نہ ہوندا۔

رومیوں 15:14

میڈے بِھراؤ! میکُوں تُہاڈے بارے ءچ یقین ہے جو تُساں خود وی نیکی تے علم نال بھریج گئے ہیوے تے ہِک ڈُوجھے کُوں نصیحت کرݨ دے قابل وی ہیوے۔

یہُوداہ 1:24

ہُنڑ جیہڑا تُہاکُوں گُمراہی تُوں بچا سگدے تے آپنڑی جلال آلی حضُوری ءچ بہُوں وڈی خوشی نال بے عیب بنڑا تے پیش کر سگدے،

عبرانیوں 5:14

پر روٹی وڈیاں کیتے ہوندی ہے جیہڑے تجربے تے تربیت نال اِیں قابل تھی گئے ہِن جو نیکی تے بُرائی ءچ فرق کر سگنڑ۔

عبرانیوں 5:7

جِیں ویلے یسُوع اِیں دُنیا ءچ ہا، اُوں خُدا کنُوں جیہڑا اُونکُوں موت کنُوں بچا سگدا ہا، اُچی اواز ءچ تے ہنجُو وہا وہا تے دُعاواں تے مِنتاں کیتیاں، تے اُوندی سُنڑی گئی کیوں جو اُوں آپنڑے آپ کُوں خُدا کیتے وقف کیتا ہا۔

کلُسِّیوں 1:22

پر ہُنڑ مسیح دی جِسمانی موت دے وسیلے نال اُوں تُہاڈے نال صُلح کر گِھدی ہے تاں جو تُہاکُوں پاک، بے عیب تے بے اِلزام بنڑا تے آپنڑے حضُور پیش کرے۔

2کُرِنتھِیوں 13:11

غرض بِھراؤ! خوش راہو، کامِل بنڑدے ونجو، حوصلہ رکھو، ہِک سوچ رکھو، میل مِلاپ رکھو، وَل خُدا جیہڑا محبت تے سلامتی دا سرچشمہ ہے تُہاڈے نال راہسی۔

1کُرِنتھِیوں 14:20

بِھراؤ! تُساں سمجھ ءچ بال آلی کار نہ بنڑو۔ بُرائی ءچ تاں بالاں وانگُوں بنڑو پر سمجھ ءچ بالغ بنڑو۔

1کُرِنتھِیوں 2:6

اساں حِکمت دے گالھیں اُنہاں لوکاں کُوں آدھے ہیں جیہڑے اِیمان ءچ بالغ ہِن، پر ایہ حِکمت نہ اِیں جہان دی ہے تے نہ ای اِیں جہان دے ختم تھی ونجنڑ آلے حاکماں دی ہے۔

یُوحنّا 12:26

جے کوئی میڈی خدمت کرݨ چاہندے، اُونکُوں ضرور ہے جو میڈی پیروی کرے، تے جِتھاں مَیں ہاں اُتھاں میڈا خادم وی ہوسی۔ جے کوئی میڈی خدمت کرے تاں میڈا باپ اُوندی عزت کریسی۔

متّی 5:48

بس تُساں کامِل بنڑو جِینویں تُہاڈا اسمانی باپ کامِل ہے۔“

یعقُوب 5:16

اِیں کیتے تُساں ہِک ڈُوجھے دے سامنڑے آپنڑے گُناہاں دا اِقرار کرو تے ہِک ڈُوجھے کیتے دُعا کرو تاں جو شِفا پاؤ۔ کیوں جو راستباز دی دُعا دے اثر نال بہُوں کُجھ تھی سگدے۔

یعقُوب 1:1

ایہ خط میں یعقُوب دی طرفوں ہے جیہڑا خُدا دا تے خُداوند یسُوع مسیح دا خادم ہاں، بنی اِسرائیل دے بارہاں قبیلیاں کُوں جیہڑے غیر یہُودی قوماں ءچ تِتربِتر تھی گئے ہِن، سلام پُجے۔

1تھِسّلُنیکیوں 5:23

خُدا جیہڑا اِطمینان دا سر چشمہ ہے آپ ای تُہاکُوں مکمل طور تے پاک کرے۔ تے تُہاڈی رُوح، جان تے تُہاڈے جِسم خُداوند یسُوع مسیح دے آوݨ تئیں بے عیب تے محفوظ راہوݨ۔

لُوقا 22:44

وَل او بہُوں پریشانی ءچ مُبتلا تھی تے بِیا وی دل سوزی نال دُعا کرݨ لگا تے اُوندا پسِینہ خون دے قطریاں وانگُوں زمین اُتے ڈھاندا ہا۔

لُوقا 1:1

معزز تِھیُفِلُس، بہُوں سارے لوکاں اُنہاں واقعات کُوں جیہڑے ساڈے وچال پیش آئے ہَن، لِکھنڑ دی ذمہ داری چاتی۔

کلُسِّیوں 1:29

اِیں مقصد کیتے مَیں مسیح دی اُوں وڈی قُدرت نال سخت محنت کریندا ہاں، جیہڑی میڈے اُتے زور نال اثر کریندی ہے۔

کلُسِّیوں 4:9

اُوندے نال اُنیسمُس کُوں وی بھجیندا پِیا ہاں۔ او وفادار تے عزیز بِھرا ہے بلکہ تُہاڈے ءچوں ای ہے۔ ایہ ڈوہائیں تُہاکُوں اِتُھوں دے سارے گالھیں ڈسا ڈیسن۔

یعقُوب 1:4

تے صبر کُوں آپنڑا اثر پُورا کرݨ ڈیؤ تاں جو تُساں پکّے تے کامِل تھی ونجو تے تُہاڈے ءچ کہیں گالھ دی کمی نہ راہوے۔