کلُسِّیوں 4:11 - کِتاب مُقدّس سرائیکی ترجمہ

¹¹ تے یسُوع وی جیہڑا یُوستُس اکھویندے تُہاکُوں سلام آدھے۔ یہُودی اِیمانداراں ءچوں صرف اِیہو ترے بندے خُدا دی بادشاہی دے پیغام دی تبلیغ کرݨ ءچ میڈے ہم خدمت تے میڈی تسلی دا سبب ریہے ہِن۔

کلُسِّیوں 4:11 Referans Kwoze

اعمال 11:2

اِیں واسطے جڈاں پطرس یروشلیم ءچ آیا تاں یہُودی جیہڑے اِیماندار تھی گئے ہَن، اُوندے نال ایہ بحث کرݨ لگے

فِلیمون 1:1

ایہ خط میں پولُس دی طرفوں ہے جیہڑا مسیح یسُوع دی خاطر قید ءچ ہاں تے بِھرا تِیمُتِھیُس دی طرفوں وی۔ ایہ خط فِلیمون دے ناں ہے جیہڑا ساڈا عزیز ہم خدمت ہے،

طِطُس 1:10

کیوں جو بہُوں سارے لوک باغی، فضول گالھیں کرݨ آلے تے دغاباز ہِن، خاص کر او جیہڑے ختنہ کراوݨ اُتے زور ڈیندے ہِن۔

کلُسِّیوں 4:7

عزیز بِھرا تخِکُس جیہڑا وفادار خادم تے خُداوند دی خدمت ءچ میڈا ساتھی ہے میڈا سارا حال تُہاکُوں ڈسا ڈیسی۔

2کُرِنتھِیوں 6:1

اساں جیہڑے خُدا دے کم ءچ شریک ہیں تُہاڈی مِنت کریندے ہیں جو خُدا دے اُوں فضل کُوں جیہڑا تُہاڈے اُتے تھئے بے فائدہ نہ تھیوݨ ڈیؤں۔

رومیوں 4:12

تے او اُنہاں ختنہ کرواوݨ آلیاں دا وی پِیُو ہے جِنہاں نہ صرف ختنہ کروایا بلکہ ساڈے پِیُو ابرہام دے اُوں اِیمان دی وی پیروی کریندے ہِن جیہڑا اُونکُوں ختنہ کرواوݨ تُوں پہلے حاصل ہا۔

اعمال 10:45

پطرس دے نال آوݨ آلے یہُودی جیہڑے اِیماندار تھی گئے ہَن، او سارے حیران تھیوݨ لگے جو غیریہُودیاں کُوں وی رُوح القُدس دی نعمت بخشی گئی۔

فِلیمون 1:24

تے مرقس، ارِسترخُس، دیماس تے لُوقا وی جیہڑے میڈے نال خدمت کریندے ہِن، تیکُوں سلام آدھے ہِن۔

1تھِسّلُنیکیوں 3:7

اِیں واسطے بِھراؤ! اساں آپنڑی ساری تنگی تے مُصیبت ءچ تُہاڈے اِیمان دی وجہ تُوں تُہاڈے بارے ءچ تسلی پاتی۔

1تھِسّلُنیکیوں 3:2

تے تِیمُتِھیُس کُوں، جیہڑا ساڈا بِھرا تے مسیح دی خوشخبری دی تبلیغ ءچ خُدا دا خادم ہے، تُہاڈے کولھ بھیجیا تاں جو تُہاکُوں مضبوط کرے تے اِیمان ءچ تُہاڈا حوصلہ ودھاوے،

فِلِپّیوں 4:3

تے میڈے سچے سنگتی، مَیں تیکُوں وی عرض کریندا ہاں جو اِنہاں عورتاں دی مدد کر، کیوں جو اُنہاں کلیمینس تے میڈے نال خدمت کرݨ آلے باقی لوکاں سمیت میڈے نال خوشخبری سُنڑاوݨ ءچ بہُوں محنت کیتی ہے۔ اِنہاں ساریاں دے ناں کتاب ِ حیات ءچ لِکھے ہِن۔

اِفِسیوں 2:11

بس یاد رکھو جو ماضی ءچ تُساں جیہڑے پیدائشی طور تے غیر قوم آلے ہَوے، کیا ہَوے۔ ختنہ کراوݨ آلے یہُودی تُہاکُوں ”بغیر ختنہ آلے“ آدھے ہَن، بھانویں اُنہاں دا ختنہ صرف اِنسانی ہتھ نال جِسم ءچ کیتا ہویا کم ہے۔

رومیوں 16:3

پرسِکہ تے اَکوِلہ کُوں میڈا سلام آکھو۔ او مسیح یسُوع ءچ میڈے ہم خدمت ہِن۔