کلُسِّیوں 3:5 - کِتاب مُقدّس سرائیکی ترجمہ

⁵ بس تُساں آپنڑیاں دُنیاوی خواہشاں کُوں ختم کر ڈیؤ یعنی زِنا کاری، ناپاکی، شہوت پرستی، بُریاں خواہشاں تے لالچ کُوں جیہڑا بُت پرستی دے برابر ہے۔

کلُسِّیوں 3:5 Referans Kwoze

رومیوں 8:13

کیوں جو جے تُساں جِسمانی فطرت دے مطابق زندگی گُزریسو تاں ضرور مرسو پر جے رُوح القُدس دے ذریعے جِسم دے بُرے کماں کُوں مریسو تاں تُساں زندہ راہسو۔

گلتِیوں 5:24

تے جیہڑے مسیح یسُوع دے ہِن اُنہاں آپنڑی اِنسانی فطرت کُوں اُوندے جذبات تے بُریاں خواہشاں سمیت صلیب اُتے چڑھا ڈِتے۔

رومیوں 6:13

آپنڑے جِسم دے انگاں کُوں بدی دے ہتھیار بنڑݨ کیتے گُناہ دے سپُرد نہ کرو بلکہ آپنڑے آپ کُوں مُردیاں ءچوں زندہ سمجھ تے خُدا دی خدمت کیتے پیش کرو تے آپنڑے جِسم دے انگاں کُوں راستبازی دے ہتھیار بنڑݨ کیتے خُدا دے سپُرد کرو۔

1 پطرس 2:11

عزیزو، مَیں تُہاڈی مِنت کریندا ہاں جو تُساں جیہڑے اِیں دُنیا ءچ پردیسیاں تے مسافراں وانگُوں ہیوے، اُنہاں بُریاں خواہشاں کنُوں دُور راہو جیہڑیاں تُہاڈے نال لڑائی کریندیاں راہندیاں ہِن۔

1کُرِنتھِیوں 6:18

حرام کاری کنُوں بھجو۔ اِنسان دے ڈُوجھے سارے گُناہ بدن نال تعلق نئیں رکھیندے پر حرام کار آپنڑے بدن دا وی گُنہگار ہے۔

اِفِسیوں 4:19

بے شرم تھی تے اُنہاں آپنڑے آپ کُوں شہوت پرستی دے حوالے کیتا تے ہر طرحاں دے گندے کم بہُوں شوق نال کریندے ہِن۔

2کُرِنتھِیوں 12:21

میکُوں ڈر ہے جو جِیں ویلے مَیں آساں تاں خُدا تُہاڈے سامنڑے میکُوں شرمندہ کریسی تے میکُوں بہُوں سارے لوکاں دے سببّوں افسوس کرنڑا پوسی جِنہاں پہلے ای گُناہ کیتے ہِن تے ہُنڑ وی آپنڑی ناپاکی، زِناکاری تے عیاشی کنُوں جیہڑی اُنہاں کیتی توبہ نئیں کیتی۔

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

رومیوں 7:23

پر میکُوں آپنڑے انگاں ءچ ہِک بئی شریعت نظر آندی ہے جیہڑی میڈی عقل دی شریعت نال لڑ تے میکُوں گُناہ دی اُوں شریعت دا قیدی بنڑا ڈیندی ہے جیہڑی میڈے انگاں ءچ کم کریندی ہے۔

متّی 15:19

کیوں جو بُرے خیال، قتل، زِنا کاریاں، حرامکاریاں، چوریاں، کُوڑے گواہیاں، بدگوئیاں دل کنُوں ای نِکلدیاں ہِن۔

مُکاشفہ 22:15

پر کُتے، جادُوگر، حرام کار، خونی، بُت پرست، کُوڑی گالھ گھڑن تے پسند کرݨ آلے باہر راہسن۔

یعقُوب 4:1

تُہاڈے ءچ لڑائیاں تے جھیڑے کِتھوں آ گئے۔ کیا او اُنہاں نفسانی خواہشاں تُوں نئیں جیہڑیاں تُہاڈے ءچ فساد پیدا کریندیاں ہِن؟

1کُرِنتھِیوں 6:13

بےشک ”کھانڑا پیٹ کیتے تے پیٹ کھانڑے کیتے ہے تے خُدا اِنہاں ڈُوہائیں کُوں ختم کر ڈیسی۔“ پر بدن حرام کاری کیتے نئیں بلکہ خُداوند کیتے ہے تے اُوہو اُوندا مالک ہے۔

رومیوں 6:6

تے اساں جانڑدے ہیں جو ساڈی پُرانڑی اِنسانیت مسیح دے نال صلیب اُتے چڑھائی گئی تاں جو ساڈے بدن ءچوں گُناہ دی طاقت ختم تھی ونجے تے اساں اگُوں تے گُناہ دی غُلامی ءچ نہ راہوں۔

عبرانیوں 13:4

شادی کرݨ سبھ لوکاں ءچ عزت دی گالھ سمجھی ونجے تے میاں بیوی دا رشتہ بے داغ راہوے، کیوں جو خُدا حرام کاراں تے زِنا کاراں دی عدالت کریسی۔

عبرانیوں 12:16

خبردار، نہ کوئی زِناکار ہووے یا نہ عیسو وانگُوں بے دین، جئیں ہِک وقت دے کھانڑے کیتے آپنڑے پلیٹھی دے حق کُوں ویچ ڈِتا۔

1تھِسّلُنیکیوں 4:3

خُدا دی مرضی ایہ ہے جو تُساں پاک راہو تے زِناکاری کنُوں بچے راہو۔

1کُرِنتھِیوں 5:1

مَیں سُنڑیا ہے جو تُہاڈی جماعت ءچ ایجھی حرامکاری تھیندی پئی ہے جیہڑی غیر قوماں ءچ وی نئیں تھیندی، یعنی ہِک بندہ ایجھا ہے جیہڑا آپنڑی مَترئی ماء نال گُناہ کریندا ہے۔

رومیوں 7:5

جِیں ویلے اساں آپنڑی جِسمانی فطرت دے مطابق زندگی گُزریندے ہسے تاں شریعت گُناہ دیاں خواہشاں پیدا کریندی ہئی۔ تے ایہ خواہشاں ساڈے اَنگاں اُتے اثر کریندیاں ہَن تے ایجھے پھل پیدا کریندیاں ہَن جِنہاں دا انجام موت ہے۔

رومیوں 1:29

او ہر طرحاں دی ناراستی، بدی، لالچ، ناانصافی، حسد، قتل، جھیڑے، فریب تے بُغض نال بھریج گئے۔ او چغلی کرݨ آلے،

رومیوں 1:26

اِیں واسطے خُدا اُنہاں کُوں شرمناک خواہشاں ءچ چھوڑ ڈِتا۔ اِتُھوں تئیں جو اُنہاں دیاں عورتاں آپنڑے فطرتی جنسی تعلقات کُوں غیر فطرتی تعلقات ءچ بدّل ڈِتا۔

1تھِسّلُنیکیوں 4:5

اُنہاں قوماں وانگُوں شہوت پرستی ءچ زندگی نہ گُزارو، جیہڑیاں خُدا کُوں نئیں جانڑدیاں۔

1کُرِنتھِیوں 6:11

تُہاڈے ءچوں کُجھ ایجھے ای ہَن، پر تُساں خُداوند یسُوع المسیح دے ناں ءچ، تے خُدا دے رُوح القُدس دے ذریعے دھویج گئے، پاک تھی گئے تے راستباز وی کھڑائے گئے۔

کلُسِّیوں 2:11

مسیح ءچ آ تے تُہاڈا ایجھا ختنہ تھئے جیہڑا ہتھ نال نئیں بلکہ مسیح دے وسیلے تھئے، جیندے نال تُہاڈی پُرانڑی فطرت تُہاڈے تُوں اَنج کر ڈِتی گئی ہے۔

1 تِیمُتھِیُس 6:10

کیوں جو پیسیاں دا لالچ ہر قِسم دی بُرائی دی جڑھ ہے تے کُجھ لوک دولت دے لالچ ءچ آ تے آپنڑے اِیمان تُوں گُمراہ تھی گئے تے آپنڑے آپ کُوں بہُوں ڈُکھ ڈِتے۔

عبرانیوں 13:5

پیسے دے لالچ کنُوں دُور راہو تے جِتنا تُہاڈے کولھ ہے اُوندے ءچ خوش راہو، کیوں جو خُدا فرمائے ”مَیں تَیں تُوں آپنڑا ہتھ کڈھائیں نہ چیساں تے تیکُوں کڈھائیں نہ چُھڑیساں۔“