کلُسِّیوں 3:24 - کِتاب مُقدّس سرائیکی ترجمہ

²⁴ کیوں جو تُساں جانڑدے ہیوے جو تُہاکُوں اِیندے بدلہ ءچ خُداوند دی طرفوں میراث مِلسی۔ تُساں آپنڑے خُداوند مسیح دی خدمت کریندے پئے ہیوے۔

کلُسِّیوں 3:24 Referans Kwoze

اِفِسیوں 6:8

کیوں جو تُساں جانڑدے ہیوے جو خُداوند ہر بندے کُوں اُوندے چنگے کم دا اجر ڈیسی بھانویں او بندہ غُلام ہووے یا آزاد۔

لُوقا 14:14

تے تیکُوں برکت مِلسی، کیوں جو اُنہاں دے کولھ کُجھ نئیں جیندے نال او تیڈا احسان لہا سگن، تے تیکُوں اِیں احسان دا بدلہ راستبازاں دی قیامت ءچ مِلسی۔“

گلتِیوں 1:10

کیا مَیں ایہ کوشش کریندا پِیا ہاں جو لوک میکُوں پسند کرݨ یا خُدا میکُوں پسند کرے؟ کیا مَیں آدمیاں کُوں خوش کرݨ چاہندا ہاں؟ جے ہُنڑ تئیں آدمیاں کُوں خوش کرݨ دی کوشش ءچ لگا راہندا تاں مسیح دا خادم نہ ہوندا۔

1کُرِنتھِیوں 7:22

کیوں جو جیہڑا غُلامی دی حالت ءچ خُداوند ءچ سڈیا گئے او خُداوند دا ازاد کیتا ہویا ہے۔ اِینویں ای جیہڑا ازادی دی حالت ءچ سڈیا گئے او مسیح دا غُلام ہے۔

اعمال 20:32

ہُنڑ مَیں تُہاکُوں خُدا تے اُوندے فضل دے کلام دے سپُرد کریندا ہاں جیہڑا تُہاڈے اِیمان دی ترقی دا سبب بنڑ سگدے تے تُہاکُوں سارے مُقدّساں ءچ شامل کر تے میراث دا حقدار بنڑا سگدے۔

عبرانیوں 11:6

تے بغیر اِیمان دے خُدا کُوں پسند آوݨ ناممکن ہے، کیوں جو لازم ہے جو خُدا دے کولھ آوݨ آلا اِیمان رکھے جو خُدا موجود ہے تے او اُنہاں کُوں اجر ڈیندے جیہڑے اُوندے طالب ہِن۔

عبرانیوں 10:35

بس ہِمت نہ ہارو کیوں جو اِیندا اجر وڈا ہے۔

اِفِسیوں 6:6

آدمیاں کُوں خوش کرݨ آلیاں آلی کار صرف ڈِکھاوے کیتے خدمت نہ کرو بلکہ مسیح دے خدمت گُزار ہوندے ہوئے دل نال خُدا دی مرضی پُوری کرو۔

متّی 5:46

کیوں جو جے تُساں صرف اُنہاں نال محبت رکھیندے ہیوے جیہڑے تُہاڈے نال محبت رکھیندے ہِن تاں تُہاکُوں کیا اجر مِلسی؟ کیا محصُول گِھننڑ آلے وی اِینویں نئیں کریندے؟

متّی 5:12

خوش تھیوائے تے جشن منائے کیوں جو اسمان اُتے تُہاکُوں وڈا اجر مِلسی، اِیں واسطے جو لوکاں تُہاڈے تُوں پہلے نبیاں کُوں وی اِینویں ای ستایا ہا۔

یہُوداہ 1:1

ایہ خط میں یہُوداہ دی طرفوں ہے جیہڑا یسُوع مسیح دا خادم تے یعقُوب دا بِھرا ہاں، اُنہاں لوکاں دے ناں جیہڑے سڈے گئے ہِن تے خُدا باپ دے عزیز ہِن تے یسُوع مسیح دے وسیلے نال محفوظ رکھے گئے ہِن۔

2 پطرس 1:1

ایہ خط میں شمعون پطرس دی طرفوں جیہڑا یسُوع مسیح دا خادم تے رسُول ہاں، اُنہاں لوکاں دے ناں ہے جِنہاں ساڈے خُدا تے نجات ڈیوݨ آلے یسُوع مسیح دی راستبازی دے ذریعے ساڈے وانگُوں قیمتی اِیمان حاصل کیتے۔

کلُسِّیوں 2:18

کوئی بندہ ظاہری پرہیزگاری تے فرشتیاں دی عبادت کرݨ نال تُہاکُوں اِنعام کنُوں محروم نہ کر ڈیوے۔ ایجھا بندہ رویا ڈیکھنڑ دے بارے ءچ گالھیں کریندا راہندے تے آپنڑی جِسمانی سوچ نال بِلاوجہ پُھلیا ہوندے۔

1کُرِنتھِیوں 3:8

لاوݨ آلے تے پانڑی ڈیوݨ آلے ڈوہائیں دا ہِکو مقصد ہے تے ہر ہِک کُوں آپنڑی محنت دے مطابق اجر مِلسی۔

لُوقا 6:35

پر تُساں آپنڑے دُشمنڑاں نال محبت رکھو تے بھلائی کرو۔ تے واپس مِلنڑ دی اُمید دے بغیر قرضہ ڈیؤ، تاں تُہاڈا اجر وڈا ہوسی تے تُساں خُدا تعالیٰ دے فرزند ہوسو، کیوں جو او ناشُکریاں تے بداں اُتے وی مہربان ہے۔

متّی 6:16

جِیں ویلے تُساں روزہ رکھو تاں منافقاں آلی کار آپنڑا مُنہ نہ بنڑاؤ، کیوں جو او آپنڑاں مُنہ وِگڑیندے ہِن تاں جو لوکاں کُوں پتہ لگے جو او روزے نال ہِن۔ مَیں تُہاکُوں سچ آدھا ہاں جو اُنہاں آپنڑا اجر پا گِھدے۔

متّی 6:5

تے جِیں ویلے تُساں دُعا کرو تاں منافقاں آلی کار نہ کرو۔ او عبادت خانیاں تے بازاراں دے چوکاں ءچ کھڑے تھی تے دُعا کرݨ پسند کریندے ہِن تاں جو لوک اُنہاں کُوں ڈیکھنڑ۔ مَیں تُہاکُوں سچ آدھا ہاں جو اُنہاں آپنڑا اجر پا گِھدے۔

رومیوں 14:18

جیہڑا کوئی اِینویں مسیح دی خدمت کریندے اُونکُوں خُدا پسند کریندے تے او لوکاں ءچ مقبول ہے۔

رومیوں 1:1

ایہ خط میں پولُس دی طرفوں ہے جیہڑا یسُوع مسیح دا خادم ہاں۔ میں رسُول ہووݨ کیتے سڈیا گِیا ہاں تے خُدا دی خوشخبری سُناوݨ کیتے مقرر کیتا گِیا ہاں۔

یُوحنّا 12:26

جے کوئی میڈی خدمت کرݨ چاہندے، اُونکُوں ضرور ہے جو میڈی پیروی کرے، تے جِتھاں مَیں ہاں اُتھاں میڈا خادم وی ہوسی۔ جے کوئی میڈی خدمت کرے تاں میڈا باپ اُوندی عزت کریسی۔

متّی 10:41

جیہڑا نبی کُوں نبی سمجھ تے قبول کریندے اُونکُوں نبی دا اجر مِلسی، تے جیہڑا نیک کُوں نیک سمجھ تے قبول کریندے اُونکُوں نیک بندے دا اجر مِلسی۔

عبرانیوں 9:15

اِیہو وجہ ہے جو مسیح نویں عہد دا درمیانی ہے تاں جو خُدا دی طرفوں سڈے گئے لوک وعدہ کیتی ہوئی ابدی میراث کُوں حاصل کر سگنڑ۔ ایہ صرف اِیں واسطے ممکن تھئے جو مسیح آپنڑی جان فِدیہ دے طور تے ڈے ڈِتی تاں جو اُنہاں کُوں اُنہاں گُناہاں دی سزا تُوں چُھڑاوے جیہڑے اُنہاں پہلے عہد دے دوران کیتے ہَن۔

1کُرِنتھِیوں 11:23

کیوں جو ایہ گالھ میکُوں خُداوند کنُوں مِلی تے مَیں تُہاڈے تئیں پُچا ڈِتی ہے جو خُداوند یسُوع جِیں رات او پکڑوایا گِیا، روٹی گِھدی،

1 پطرس 1:4

یعنی ہِک نہ ختم تھیوݨ آلی، بے داغ تے لازوال میراث جیہڑی خُدا دی طرفوں ساڈے کیتے اسمان اُتے محفوظ ہے۔