کلُسِّیوں 3:15 - کِتاب مُقدّس سرائیکی ترجمہ

¹⁵ تے مسیح دے اِطمینان کُوں آپنڑے دِلاں اُتے حکُومت کرݨ ڈیؤ، کیوں جو تُساں ہِک بدن ہوندے ہوئے صُلح نال راہوݨ کیتے سڈے گئے ہیوے، تے تُساں شُکر گُزار راہو۔

کلُسِّیوں 3:15 Referans Kwoze

یُوحنّا 14:27

مَیں تُہاکُوں اِطمینان ڈِتی ویندا ہاں، آپنڑا اِطمینان تُہاکُوں ڈیندا ہاں۔ ایہ ایجھا اِطمینان نئیں جیہڑا دُنیا ڈیندی ہے۔ تُہاڈا دل نہ گھبراوے تے نہ ڈرے۔

رومیوں 15:13

خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

1تھِسّلُنیکیوں 5:18

ہر گالھ ءچ شُکرگزاری کرو کیوں جو مسیح یسُوع ءچ تُہاڈے کیتے خُدا دی اِیہو مرضی ہے۔

رومیوں 5:1

بس جِیں ویلے اساں اِیمان دی وجہ کنُوں راستباز کھڑائے گئے تاں خُداوند یسُوع المسیح دے وسیلے ساڈی خُدا دے نال صُلح ہے۔

کلُسِّیوں 3:17

تے جیہڑا کُجھ تُساں آدھے یا کریندے ہیوے خُداوند یسُوع دے ناں نال کرو تے اُوندے وسیلے نال خُدا باپ دا شُکر ادا کرو۔

یُوحنّا 16:33

مَیں تُہاڈے نال ایہ گالھیں اِیں واسطے کیتیاں ہِن جو تُساں میڈے ءچ اِطمینان پاؤ۔ دُنیا ءچ ڈُکھ چیندے ہیوے پر حوصلہ رکھو، مَیں دُنیا اُتے غالب آیا ہاں۔“

اِفِسیوں 5:20

تے ہمیشاں ہر گالھ ءچ ساڈے خُداوند یسُوع مسیح دے ناں نال خُدا باپ دا شُکر کریندے راہو۔

2کُرِنتھِیوں 9:11

تُساں ہر طرحاں مالا مال تھی تے ہر موقع تے فیاضی کر سگسو۔ تے او فیاضی ساڈے وسیلہ نال خُدا دی شُکرگزاری دا سبب بنڑسی۔

اِفِسیوں 4:4

ہِک ای بدن ہے تے ہِک ای رُوح القُدس، تے اِینویں ای جِیں ویلے تُساں سڈے گئے ہَوے تاں ہِک ای اُمید رکھنڑ کیتے سڈے گئے ہَوے،

رومیوں 14:17

کیوں جو خُدا دی بادشاہی کھاوݨ پِیوݨ دے بارے ءچ نئیں بلکہ راستبازی، میل مِلاپ تے اُوں خوشی دے بارے ءچ ہے جیہڑی رُوح القُدس دی طرفوں مِلدی ہے۔

1 تِیمُتھِیُس 2:1

سبھ تُوں پہلے مَیں ایہ نصیحت کریندا ہاں جو سبھ لوکاں کیتے درخاستاں، دُعاواں، مِنتاں تے شُکر گُزاریاں کیتیاں ونجنڑ،

کلُسِّیوں 2:7

اُوندے ءچ جڑھ پکڑیندے تے تعمیر تھیندے ونجو تے جِینویں تُساں تعلیم گِھدی ہے اُونویں ای اِیمان ءچ مضبوط راہو تے خُدا دی بہُوں شُکرگزاری کیتا کرو۔

اِفِسیوں 5:1

عزیز فرزند ہوندے ہوئے، خُدا دے نمونے اُتے چلو۔

2کُرِنتھِیوں 4:15

ایہ سبھ کُجھ تُہاڈے فائدے کیتے ہے تاں جو بہُوں سارے لوکاں اُتے فضل تھیوے تے نتیجہ ءچ شُکرگُزاری ودھدی ونجے جیندے نال خُدا کُوں جلال مِلے۔

مُکاشفہ 7:12

آکھنڑ لگے ”آمین! حمد تے جلال تے حِکمت تے شُکر تے عزت تے قُدرت تے طاقت ہمیشاں تئیں ساڈے خُدا دی ہووے۔ آمین۔“

اِفِسیوں 4:16

اُوندے وسیلے پُورا بدن آپنڑے ہر جوڑ دی مدد نال آپس ءچ جُڑ تے قائم راہندے تے ہر اَنگ دے آپنڑا آپنڑا کم کرݨ نال پُورا بدن محبت ءچ ودھدے تے ترقی کریندے۔

کلُسِّیوں 1:12

تے باپ دا شُکر کریندے راہو جئیں تُہاکُوں اِیں لائق بنڑائے جو نُور ءچ مُقدّساں دی میراث ءچ شریک تھیؤ۔

عبرانیوں 13:15

اِیں واسطے اساں یسُوع دے وسیلے نال آپنڑی حمد دی قُربانی خُدا دے حضُور پیش کریندے راہوں یعنی خُدا دے ناں دا اِقرار کریندے راہوں۔ ایہ ساڈے ہونٹاں دا مناسب پھل ہے۔

1کُرِنتھِیوں 7:15

پر جے کوئی غیر ایماندار پایا یا ذال اَنج تھیوݨ چاہوے تاں اُونکُوں تھیوݨ ڈیؤ۔ اِیں صورت ءچ کوئی اِیماندار بِھرا یا بھینڑ پابند نئیں، کیوں جو خُدا ساکُوں صُلح سلامتی نال راہوݨ کیتے سڈیا ہے۔

رومیوں 1:21

بے شک او خُدا دے بارے ءچ جانڑدے تاں ہَن پر اُنہاں اُوندی خُدائی دے لائق اُوندی تمجید تے شُکرگزاری نہ کیتی بلکہ او فضول سوچاں ءچ پے گئے تے اُنہاں دے ناسمجھ دِلاں اُتے اندھارا چھا گِیا۔

1کُرِنتھِیوں 10:17

روٹی ہِکو ہے اِیں واسطے اساں جیہڑے بہُوں سارے ہیں ہِکو بدن ہیں کیوں جو اساں سارے اُوہو ہِک روٹی ءچ شریک تھیندے ہیں۔

1 تِیمُتھِیُس 6:12

اِیمان دی چنگی کُشتی لڑ۔ ہمیشاں دی زندگی اُتے قبضہ کر گِھن جیندے کیتے تُوں سڈیا گِیا ہَویں، تے جِیندے بارے ءچ تَیں بہُوں سارے گواہاں دے سامنڑے چنگا اِقرار کیتا ہا۔