کلُسِّیوں 3:12 - کِتاب مُقدّس سرائیکی ترجمہ

¹² تُساں خُدا دے چُنڑے ہوئے، پاک تے عزیز لوک ہیوے، اِیں واسطے رحم، ہمدردی، فروتنی، نرمی تے صبر دے کپڑے پا گِھنو۔

کلُسِّیوں 3:12 Referans Kwoze

اِفِسیوں 4:32

ہر ہِک نال مہربانی تے نرم دِلی نال پیش آؤ۔ جِینویں خُدا مسیح ءچ تُہاڈے قصُور معاف کیتے ہِن، تُساں وی ہِک ڈُوجھے دے قصُور معاف کرو۔

اِفِسیوں 4:2

یعنی کمال فروتنی، نرم دِلی تے صبر نال، محبت ءچ ہِک ڈُوجھے دی برداشت کرو۔

1 یُوحنّا 4:19

اساں اِیں واسطے محبت رکھیندے ہیں جو پہلے خُدا ساڈے نال محبت رکھی۔

کلُسِّیوں 3:10

تے نوِیں فطرت کُوں کپڑے وانگُوں پا گِھدے، جیہڑی علم حاصل کریندے ہوئے آپنڑے خالق دی صورت اُتے نویں بنڑ دی ویندی ہے۔

2 پطرس 1:10

بس بِھراؤ! اِیں گالھ کُوں ثابت کرݨ دی زیادہ کوشش کرو جو تُساں خُدا دے چُنڑے تے سڈے ہوئے لوک ہیوے۔ کیوں جو جے اِینویں کریسو تاں کڈھائیں گُناہ ءچ نہ ڈھاسو۔

1تھِسّلُنیکیوں 5:15

خبردار! کوئی بندہ کہیں نال بدی دے بدلے بدی نہ کرے بلکہ ہر حال ءچ آپس ءچ تے سبھ لوکاں نال نیکی کرݨ دی کوشش ءچ راہو۔

2کُرِنتھِیوں 6:6

پاکیزگی، علم، تحمل، مہربانی، رُوح القُدس، سچی محبت،

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

1 پطرس 1:2

خُدا باپ تُہاکُوں ازلی علم دے مطابق چُنڑ گِھدا تے اُوندے رُوح تُہاکُوں مخصوص تے مُقدّس کیتا۔ نتیجے ءچ تُساں یسُوع مسیح دی فرمانبرداری کریندے ہیوے تے اُوندے چِھنڈکے گئے خون نال پاک صاف تھی گئے ہیوے۔ تُہاکُوں ڈھیر سارا فضل تے اِطمینان حاصل تھیندا راہوے۔

2 تِیمُتھِیُس 2:10

اِیں واسطے مَیں خُدا دے چُنڑے ہوئے لوکاں دی خاطر سبھ کُچھ سہندا ہاں تاں جو او وی اُوں نجات کُوں جیہڑی مسیح یسُوع دے ذریعے مِلدی ہے، ابدی جلال سمیت حاصل کرݨ۔

رومیوں 1:7

ایہ خط اُنہاں سارے خُدا دے پیاریاں دے ناں ہے جیہڑے روم ءچ ہِن تے مُقدّس تھیوݨ کیتے سڈے گئے ہِن۔ ساڈے باپ خُدا تے خُداوند یسُوع المسیح دی طرفوں تُہاکُوں فضل تے اِطمینان حاصل تھیندا راہوے۔

طِطُس 1:1

ایہ خط میں پولُس دی طرفوں ہے جیہڑا خُدا دا خادم تے یسُوع مسیح دا رسُول ہاں۔ میں اِیں واسطے مقرر کیتا گِیا تاں جو خُدا دے چُنڑے ہوئے لوک اِیمان ءچ تے اُوں سچائی دی پچھاݨ ءچ ترقی کرݨ جیہڑی دیندار زندگی دو گِھن ویندی ہے،

متّی 24:31

وَل او آپنڑے فرشتیاں کُوں نرسِنگے دی اُچی اواز نال بھجیسی، تے او اُوندے چُنڑے ہوئے لوکاں کُوں چارے پاسُوں یعنی اسمان دے ہِک سرے کنُوں ڈُوجھے تئیں جمع کریسن۔

لُوقا 18:7

تاں وَل کیا خُدا آپنڑے چُنڑے ہوئے لوکاں دا اِنصاف نہ کریسی جیہڑے ڈینہہ رات اُوں کنُوں فریاد کریندے ہِن؟ تے کیا او اُنہاں دی مدد ءچ دیر کریسی؟

لُوقا 1:78

ایہ ساڈے خُدا دی عین رحمت نال تھیسی جیندے سببّوں ساڈے اُتے اسمان کنُوں نُور چمکسی

مرقس 13:27

وَل او فرشتیاں کُوں بھیج تے آپنڑے چُنڑے ہوئے لوکاں کُوں زمین دی اِنتہا کنُوں اسمان دی اِنتہا تئیں ہر جاہ تُوں جمع کریسی۔

اِفِسیوں 4:24

تے نوِیں فطرت کُوں پا گِھنو جیہڑی سچی راستبازی تے پاکیزگی ءچ خُدا دی صورت اُتے پیدا کیتی گئی ہے۔

2 تِیمُتھِیُس 1:9

کیوں جو اُوں ساکُوں نجات ڈِتی ہے تے مُقدّس زندگی گُزارݨ کیتے سڈے۔ ایہ ساڈے اعمال دی وجہ کنُوں نئیں بلکہ اُوندے آپنڑے خاص اِرادے تے فضل دی وجہ تُوں ہے۔ ایہ فضل ساڈے اُتے مسیح یسُوع ءچ ازل کنُوں ای تھی گِیا ہئی،

فِلِپّیوں 1:8

خُدا گواہ ہے جو میڈے دل ءچ تُہاڈے کیتے یسُوع مسیح جیہی محبت ہے تے مَیں تُساں ساریاں کُوں مِلنڑ دی سِک رکھیندا ہاں۔

اِفِسیوں 1:4

اُوں دُنیا بنڑاوݨ کنُوں پہلے ای ساکُوں مسیح ءچ چُنڑ گِھدا تاں جو اساں اُوندے حضُور پاک تے بے عیب تھیؤں۔ محبت ءچ

رومیوں 9:11

تے اجنڑ تئیں نہ تاں چھوہر جائے ہَن تے نہ ای اُنہاں کُجھ نیکی یا بدی کیتی ہئی، خُدا رِبقہ کُوں آکھیا جو وڈا چھوٹے دی خدمت کریسی، تاں جو خُدا ایہ ظاہر کرے جو اُوندا مقصد قائم راہندے کیوں جو او آپنڑی مرضی نال لوکاں کُوں چُنڑدے نہ جو اُنہاں دے اعمال نال۔

مرقس 13:22

کیوں جو کُوڑے المسیح تے کُوڑے نبی اُٹھی کھڑے تھیسن تے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

مرقس 13:20

جے رب العالمین اُنہاں ڈینہاں کُوں گھٹ نہ کریندا تاں کوئی بندہ زندہ نہ بچدا، پر اُوں آپنڑے چُنڑے ہوئے لوکاں دی خاطر اُنہاں ڈینہاں کُوں گھٹا ڈِتا۔

متّی 24:22

جے او ڈینہہ گھٹ نہ کیتے ویندے تاں کوئی بندہ زندہ نہ بچدا، پر خُدا دے چُنڑے ہوئے لوکاں دی خاطر او ڈینہہ گھٹائے ویسن۔

مُکاشفہ 17:14

او لیلے نال جنگ کریسن پر لیلا اُنہاں اُتے غالب آسی کیوں جو او خُداونداں دا خُداوند تے بادشاہاں دا بادشاہ ہے۔ اُوندے نال اُوندے سڈے ہوئے، چُنڑے ہوئے تے وفادار لوک وی ہِن۔“

2 یُوحنّا 1:13

خُدا دی چُنڑی ہوئی تیڈی بھینڑ دے فرزند، تیکُوں سلام آدھے ہِن۔

متّی 24:24

کیوں جو کُوڑے المسیح تے کُوڑے نبی اُٹھی کھڑے تھیسن تے ایجھے وڈے وڈے نشان تے عجیب کم ڈِکھیسن جو جے ممکن ہووے تاں خُدا دے چُنڑے ہوئے لوکاں کُوں وی گُمراہ کر ڈیوݨ۔

رومیوں 13:14

بلکہ خُداوند یسُوع المسیح کُوں پا گِھنو تے جِسم دیاں بُریاں خواہشاں کُوں پُورا کرݨ ءچ نہ لگے راہو۔

1کُرِنتھِیوں 13:4

محبت صبر کریندی ہے تے مہربان ہے۔ محبت حسد نئیں کریندی، محبت شیخی نئیں مریندی تے غرور نئیں کریندی،