کلُسِّیوں 3:11 - کِتاب مُقدّس سرائیکی ترجمہ

¹¹ اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔

کلُسِّیوں 3:11 Referans Kwoze

1کُرِنتھِیوں 12:13

کیوں جو اساں ساریاں بھانویں یہُودی ہِن یا یُونانی، بھانویں غُلام ہِن یا آزاد، ہِکو رُوح دے وسیلہ نال ہِک بدن تھیوݨ کیتے بپتسمہ گِھدے، تے ساکُوں ساریاں کُوں ہِکو رُوح القُدس مِلیا ہے۔

رومیوں 10:12

کیوں جو یہُودی تے غیریہُودی ءچ کوئی فرق نئیں اِیں واسطے جو اُوہو خُداوند سبھ دا خُداوند ہے تے سبھ کُوں جیہڑے اُوندے تُوں دُعا کریندن فیاضی نال برکت ڈیندے۔

اِفِسیوں 3:6

او بھید ایہ ہے جو مسیح یسُوع ءچ غیر قوماں وی بنی اِسرائیل نال خوشخبری دے وسیلے میراث ءچ شریک ہِن تے ہِکو بدن دے اَنگ ہِن تے خُدا دے وعدہ ءچ شامل ہِن۔

اِفِسیوں 1:23

کلیسیا مسیح دا بدن ہے تے مسیح نال کامل تھیندی ہے جیہڑا ہر ہِک چیز کُوں کامل کریندے۔

رومیوں 3:29

کیا خُدا صرف یہُودیاں دا خُدا ہے؟ کیا او غیریہُودیاں دا نئیں؟ بے شک او غیریہُودیاں دا وی ہے۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

یُوحنّا 17:23

مَیں اُنہاں ءچ تے تُوں میڈے ءچ تاں جو او کامِل طور تے ہِک تھی ونجنڑ تے دُنیا جاݨ گِھنے جو تُوں ای میکُوں بھیجیا تے جِینویں تُوں میڈے نال محبت رکھی، اُنہاں نال وی محبت رکھی ہے۔

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

1کُرِنتھِیوں 7:19

ختنہ کراوݨ یا نہ کراوݨ کوئی خاص گالھ نئیں بلکہ خُدا دے حُکماں اُتے عمل کرݨ ای سبھ کُجھ ہے۔

اعمال 15:17

تاں جو باقی لوک یعنی ساریاں قوماں جیہڑیاں میڈے ناں تُوں اکھویندیاں ہِن، خُداوند کُوں گولھنڑ۔‘ ایہ اُوہو خُداوند فرمیندے

کلُسِّیوں 2:10

تے تُساں مسیح ءچ معمُور تھی گئے ہیوے جیہڑا ہر حکُومت تے اِختیار دا سر ہے۔

رومیوں 1:14

مَیں یُونانیاں تے غیر یُونانیاں، داناواں تے ناداناں ڈوہائیں دا قرض دار ہاں۔

یُوحنّا 15:5

مَیں انگُور دی ویل ہاں تے تُساں ٹاہنڑیاں ہیوے۔ جیہڑا میڈے ءچ قائم راہندے تے مَیں اُوندے ءچ، اُوہو بہُوں پھل ڈیندے کیوں جو مَیں کنُوں اَنج تھی تے تُساں کُجھ نئیں کر سگدے۔

اعمال 28:4

جِیں ویلے جزیرہ دے لوکاں نانگ کُوں اُوندے ہتھ نال لٹکدے ڈِٹھا تاں آپس ءچ آکھنڑ لگے جو ”بے شک ایہ بندہ کوئی خونی ہے۔ ایہ سمندر ءچ مرݨ کنُوں تاں بچ گِیا ہے پر اِنصاف اُونکُوں زندہ نہ چھوڑیسی۔“

اعمال 28:2

اُتھوں دے لوک ساڈے نال وڈی مہربانی نال پیش آئے۔ اُنہاں بھاہ بال تے ساڈا اِستقبال کیتا کیوں جو بارش تھیندی پئی ہئی تے سردی ہئی۔

یُوحنّا 14:23

یسُوع جواب ءچ اُونکُوں آکھیا جو ”جے کوئی میڈے نال محبت کریندے تاں او میڈے کلام اُتے عمل کریسی تے میڈا باپ اُوندے نال محبت کریسی تے اساں اُوندے کولھ آسُوں تے اُوندے نال راہسوں۔

2 یُوحنّا 1:9

ہر کوئی جیہڑا مسیح دی تعلیم اُتے قائم نئیں راہندا بلکہ اگُوں ودھ ویندے، اُوندے کولھ خُدا نئیں۔ جیہڑا وی یسُوع دی تعلیم اُتے قائم راہندے اُوندے کولھ باپ تے پوتر ڈُوہائیں ہِن۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

اِفِسیوں 6:8

کیوں جو تُساں جانڑدے ہیوے جو خُداوند ہر بندے کُوں اُوندے چنگے کم دا اجر ڈیسی بھانویں او بندہ غُلام ہووے یا آزاد۔

اِفِسیوں 3:17

تے تُہاڈے اِیمان دے وسیلے نال مسیح تُہاڈے دِلاں ءچ راہوے۔ مَیں ایہ وی دُعا کریندا ہاں جو تُساں محبت ءچ جڑھ پکڑ تے، تے محبت دی بنیاد اُتے قائم تھی تے

1کُرِنتھِیوں 14:11

پر جے مَیں کہیں زبان کُوں سمجھ نہ سگاں تاں او زبان بولنڑ آلے کیتے مَیں غیر ہوساں تے او وی میڈے کیتے غیر ہوسی۔

رومیوں 3:22

یعنی خُدا دی او راستبازی جیہڑی یسُوع مسیح اُتے اِیمان گِھن آوݨ نال سبھ اِیمانداراں کُوں مِلدی ہے۔ یہُودیاں تے غیر یہُودیاں ءچ کوئی فرق نئیں،

اِفِسیوں 2:14

مسیح ساڈی صُلح ہے جئیں یہُودی تے غیر یہُودی ڈوہائیں کُوں ہِک کر ڈِتے تے دُشمنڑی تے جُدائی دی اُوں دیوار کُوں جیہڑی ساڈے وچال ہئی، آپنڑے جِسم کُوں قُربان کر تے ڈھا ڈِتے۔

اِفِسیوں 2:15

کیوں جو اُوں شریعت کُوں اُوندے حُکماں تے قانُوناں سمیت ختم کر ڈِتے، تاں جو یہُودی تے غیر یہُودی کُوں آپنڑے آپ ءچ ہِک نواں اِنسان بنڑا تے صُلح کرا ڈیوے۔