کلُسِّیوں 2:8 - کِتاب مُقدّس سرائیکی ترجمہ

⁸ خبردار! کوئی بندہ تُہاکُوں اُنہاں فلسفیانہ تے بے فائدہ دوکھے آلے گالھیں دا شکار نہ کر گِھنے، جیہڑیاں اِنسانی روایتاں تے دُنیاوی اصُولاں دے مطابق ہِن نہ جو مسیح دے مطابق۔

کلُسِّیوں 2:8 Referans Kwoze

1 تِیمُتھِیُس 6:20

تِیمُتِھیُس! اِیں امانت دی جیہڑی تیڈے سپُرد کیتی گئی ہے، حفاظت کر، تے بے ہُودہ گالھیں تے فضول خیالاں کنُوں کنارہ کر، کیوں جو ایجھے علم کُوں علم آکھنڑ ای غلط ہے۔

اِفِسیوں 5:6

کوئی تُہاکُوں فضول گالھیں نال دوکھا نہ ڈیوے، کیوں جو اِنہاں گالھیں دے سببّوں نافرماناں اُتے خُدا دا غضب نازل تھیندے۔

متّی 7:15

کُوڑے نبیاں تُوں خبردار راہو جیہڑے تُہاڈے کولھ بھیڈاں دی شکل ءچ آندے ہِن پر اندرُوں چِیرݨ پھاڑن آلے نہر ہِن۔

گلتِیوں 4:9

پر ہُنڑ جڈاں تُساں خُدا کُوں پچھاݨ گِھدے بلکہ خُدا تُہاکُوں پچھاݨ گِھدے تاں تُساں کیوں اُنہاں کمزور تے بے کار اصُولاں دو واپس ویندے پئے ہیوے؟ کیا ولا کنُوں اُنہاں دی غُلامی ءچ آوݨ چاہندے ہیوے؟

کلُسِّیوں 2:20

جے تُساں مسیح نال مر تے دُنیاوی اصُولاں کنُوں آزاد تھی گئے ہیوے تاں ہُنڑ دُنیا آلیاں وانگُوں زندگی کیوں گُزریندے پئے ہیوے؟ ایجھے دُنیاوی حُکماں دے کیوں پابند تھیندے ہیوے

2 تِیمُتھِیُس 3:13

تے بدکار تے دوکھے باز لوک فریب ڈیندے ڈیندے تے فریب کھاندے کھاندے وِگڑدے ویسن۔

2 پطرس 3:17

اِیں واسطے عزیزو! تُساں جیہڑے اِنہاں گالھیں تُوں پہلے ای خبردار ہیوے، ہوشیار راہو، اِینویں نہ تھیوے جو بدکاراں دے غلط گالھیں تُہاکُوں گُمراہ کر تے محفوظ جاہ تُوں ہٹا ڈیوݨ۔

عبرانیوں 13:9

قِسم قِسم دیاں عجیب تعلیماں کنُوں گُمراہ نہ تھیؤ۔ چنگا ایہ ہے جو تُہاڈے دل خُدا دے فضل نال طاقت پاوݨ، نہ جو کھاوݨ دے اصُولاں نال جیندے اُتے ٹُرݨ نال کوئی رُوحانی فائدہ نئیں تھیندا۔

2 یُوحنّا 1:8

خبردار راہو جو جِنہاں چیزاں کیتے اساں محنت کیتی ہے او تُہاڈے ہتُھوں نِکل نہ ونجنڑ بلکہ تُہاکُوں پُورا اجر مِلے۔

گلتِیوں 4:3

اِینویں ای اساں وی جِیں ویلے بال ہسے تاں دُنیاوی اصُولاں دی غُلامی ءچ ہسے۔

2کُرِنتھِیوں 10:5

اساں اُنہاں دلیلاں تے ہر اُوں چیز کُوں ڈھا ڈیندے ہیں جیہڑی خُدا دی پچھاݨ دے خلاف اُٹھ کھڑی تھئی ہے تے اساں ہر خیال کُوں قید کر تے مسیح دا فرمانبردار بنڑا ڈیندے ہیں۔

کلُسِّیوں 2:18

کوئی بندہ ظاہری پرہیزگاری تے فرشتیاں دی عبادت کرݨ نال تُہاکُوں اِنعام کنُوں محروم نہ کر ڈیوے۔ ایجھا بندہ رویا ڈیکھنڑ دے بارے ءچ گالھیں کریندا راہندے تے آپنڑی جِسمانی سوچ نال بِلاوجہ پُھلیا ہوندے۔

1 پطرس 1:18

کیوں جو تُساں جانڑدے ہیوے جو خُدا تُہاکُوں اُوں بے کار چال چلنڑ کنُوں مخلصی ڈِتی ہے جیہڑا تُہاکُوں پِیُو ڈاڈے تُوں مِلیا ہا۔ تے او مخلصی فانی چیزاں یعنی سونے چاندی دی قیمت نال نئیں تھئی،

رومیوں 16:17

ہُنڑ بِھراؤ! مَیں تُہاڈی مِنت کریندا ہاں جو اُنہاں لوکاں تُوں خبردار راہو جیہڑے پارٹی بازی کرویندن تے اُوں تعلیم دے خلاف جیہڑی تُہاکُوں مِلی ہے، تعلیم ڈے تے تُھڈا کھواوݨ دا سبب ہِن۔ اُنہاں تُوں دُور راہو۔

اِفِسیوں 4:20

پر تُساں مسیح دی ایجھی تعلیم نئیں سِکھی

گلتِیوں 1:14

مَیں یہُودی طور طریقے ءچ آپنڑے ہم عُمر یہُودیاں کنُوں زیادہ ودھدا ویندا ہم تے بزُرگاں دیاں روایتاں اُتے غیرت نال عمل کریندا ہم۔

فِلِپّیوں 3:2

اُنہاں کُتیاں کنُوں ہُشیار راہو، یعنی اُنہاں بدکاراں تے جِسم کٹواوݨ آلیاں کنُوں۔

متّی 16:6

یسُوع اُنہاں کُوں آکھیا، ”خبردار فریسیاں تے صدوقیاں دے خمیر کنُوں ہوشیار رہوائے۔“

متّی 10:17

پر لوکاں کنُوں خبردار رہوائے کیوں جو او تُہاکُوں پکڑ تے عدالتاں ءچ پیش کریسن تے آپنڑے عبادت خانیاں ءچ تُہاکُوں کوڑے مریسن۔

کلُسِّیوں 2:22

ایہ ساریاں چیزاں اِستعمال تھی تے فنا تھی ویندیاں ہِن تے ایہ صرف اِنسانی حُکم تے تعلیم ہِن۔

اِفِسیوں 2:2

تے دُنیا دے طور طریقے اُتے چلدے تے ہوائی طاقتاں دے سردار یعنی ابلیس دی پیروی کریندے ہَوے۔ ایہ رُوح ہُنڑ تئیں نافرمان لوکاں ءچ تاثیر رکھیندی ہے۔

اعمال 17:18

کُجھ اِپکُوری تے ستوئیکی فیلسُوف اُوندے نال بحث ءچ پے گئے۔ اُنہاں ءچوں کُجھ آکھیا جو ”ایہ بکواسی کیا آکھنڑ چاہندا ہے؟“ کُجھ ایہ آکھنڑ لگے جو ”ایہ تاں اجنبی دیوتیاں دی خبر ڈیوݨ آلا لگدے۔“ کیوں جو پولُس یسُوع تے قیامت دی خوشخبری ڈیندا ہا۔

اعمال 17:32

جِیں ویلے لوکاں مُردیاں دی قیامت دے بارے ءچ سُنڑیا تاں اُنہاں ءچوں کُجھ اِیں گالھ کُوں کِھل ءچ اُڈا ڈِتا تے کُجھ آکھیا جو ”اساں اِیں موضوع تے وَل کہیں ویلے تَیں تُوں سُنڑسوں۔“

1کُرِنتھِیوں 8:9

پر خبردار راہو، اِینویں نہ تھیوے جو تُہاڈی ایہ ازادی کمزور اِیمان آلیاں کیتے تُھڈا کھاوݨ دا سبب بنڑ ونجے۔

1کُرِنتھِیوں 10:12

بس جیہڑا کوئی آپنڑے آپ کُوں اِیمان ءچ مضبوطی نال قائم سمجھدے، خبردار راہوے جو کِتھائیں ڈھے نہ پووے۔

گلتِیوں 5:15

جے تُساں ہِک ڈُوجھے کُوں چِیر پھاڑ تے کھاندے ہیوے تاں خبردار، کِتھائیں اِینویں نہ تھیوے جو ہِک ڈُوجھے کُوں ختم کر ڈیؤ۔

کلُسِّیوں 2:23

ایہ حُکم ڈیکھنڑ ءچ حِکمت آلے تاں لگدے ہِن کیوں جو اُنہاں ءچ خود بنڑائے ہوئے مذہبی اعمال تے پرہیزگاری تے جِسم کُوں ڈُکھ ڈیونڑ اُتے زور ڈِتا گئے پر جِسمانی خواہشاں اُتے قابو پاوݨ ءچ اُنہاں کنُوں کوئی مدد نئیں مِلدی۔

عبرانیوں 3:12

بِھراؤ، خبردار راہو جو تُہاڈے ءچوں کہیں دا دل بُرائی پارُوں تے اِیمان نہ رکھنڑ پارُوں زندہ خُدا تُوں پِھر نہ ونجے۔