کلُسِّیوں 2:23 - کِتاب مُقدّس سرائیکی ترجمہ

²³ ایہ حُکم ڈیکھنڑ ءچ حِکمت آلے تاں لگدے ہِن کیوں جو اُنہاں ءچ خود بنڑائے ہوئے مذہبی اعمال تے پرہیزگاری تے جِسم کُوں ڈُکھ ڈیونڑ اُتے زور ڈِتا گئے پر جِسمانی خواہشاں اُتے قابو پاوݨ ءچ اُنہاں کنُوں کوئی مدد نئیں مِلدی۔

کلُسِّیوں 2:23 Referans Kwoze

1 تِیمُتھِیُس 4:8

کیوں جو جِسمانی مشق کنُوں کُجھ فائدہ تاں تھیندے پر دینداری ہر لحاظ نال فائدہ مند ہوندی ہے تے اِیندے ءچ نہ صرف اِیں زندگی کیتے بلکہ آوݨ آلی زندگی کیتے وی وعدہ موجود ہے۔

کلُسِّیوں 2:18

کوئی بندہ ظاہری پرہیزگاری تے فرشتیاں دی عبادت کرݨ نال تُہاکُوں اِنعام کنُوں محروم نہ کر ڈیوے۔ ایجھا بندہ رویا ڈیکھنڑ دے بارے ءچ گالھیں کریندا راہندے تے آپنڑی جِسمانی سوچ نال بِلاوجہ پُھلیا ہوندے۔

کلُسِّیوں 2:8

خبردار! کوئی بندہ تُہاکُوں اُنہاں فلسفیانہ تے بے فائدہ دوکھے آلے گالھیں دا شکار نہ کر گِھنے، جیہڑیاں اِنسانی روایتاں تے دُنیاوی اصُولاں دے مطابق ہِن نہ جو مسیح دے مطابق۔

1 تِیمُتھِیُس 4:3

ایہ لوک شادی کرݨ تُوں منع کریندے ہِن تے اُنہاں کھانڑیاں کنُوں پرہیز کرݨ دا حُکم ڈیندے ہِن، جِنہاں کُوں خُدا اِیں واسطے پیدا کیتے جو اِیماندار جیہڑے سچائی کُوں جانڑدن، اُنہاں کُوں شُکرگزاری نال کھاوݨ۔

کلُسِّیوں 2:22

ایہ ساریاں چیزاں اِستعمال تھی تے فنا تھی ویندیاں ہِن تے ایہ صرف اِنسانی حُکم تے تعلیم ہِن۔

اِفِسیوں 5:29

کیوں جو کوئی بندہ آپنڑے جِسم نال دُشمنڑی نئیں کریندا بلکہ اُونکُوں کھویندے تے اُوندی ڈیکھ بھال کریندے جِینویں مسیح کلیسیا دی کریندے،

رومیوں 13:14

بلکہ خُداوند یسُوع المسیح کُوں پا گِھنو تے جِسم دیاں بُریاں خواہشاں کُوں پُورا کرݨ ءچ نہ لگے راہو۔