کلُسِّیوں 2:19 - کِتاب مُقدّس سرائیکی ترجمہ

¹⁹ او مسیح کُوں جیہڑا بدن دا سر ہے پکڑی نئیں رکھیا، جیندے نال سارا بدن پرورش پا تے، تے جوڑاں تے پٹھیاں دے ذریعے آپس ءچ جُڑ تے خُدا دی مدد نال ودھدا ویندے۔

کلُسِّیوں 2:19 Referans Kwoze

2 پطرس 3:18

بلکہ ساڈے خُداوند تے نجات ڈیوݨ آلے یسُوع مسیح دے فضل تے علم ءچ ودھدے ونجو۔ اُوندی تعریف ہُنڑ وی تھیوے تے ہمیشاں تئیں تھیندی راہوے۔ آمین۔

1 پطرس 3:8

آخری گالھ ایہ ہے جو تُساں سارے ہِک ڈُوجھے نال ہمدردی، برادرانہ محبت، رحم دِلی تے عاجزی نال راہو۔

کلُسِّیوں 2:2

تاں جو اُنہاں دے دِلاں کُوں حوصلہ تھیوے تے او آپس دی محبت ءچ ہِک ڈُوجھے نال بدھے راہوݨ، تے اعتماد دی ساری دولت کُوں پاوݨ جیہڑی پُوری سمجھ نال مِلدی ہے، تے خُدا دے راز کُوں پچھاݨ گِھننڑ جیہڑا مسیح خود ہے۔

1تھِسّلُنیکیوں 4:10

تے تُساں مَکِدُنیہ دے سبھ بِھرانواں نال محبت کریندے ہیوے۔ وَل وی بِھراؤ! اساں تُہاکُوں نصیحت کریندے ہیں جو اِیندے ءچ بِیا وی ترقی کریندے راہو۔

1تھِسّلُنیکیوں 3:12

خُداوند کرے جو جِینویں ساکُوں تُہاڈے نال محبت ہے اُونویں ای تُہاڈی محبت وی آپس ءچ تے سبھ لوکاں نال ودھدی ونجے۔

2تھِسّلُنیکیوں 1:3

بِھراؤ! ساڈے اُتے فرض ہے جو ہر ویلے تُہاڈے کیتے خُدا دا شُکر کریندے راہوں۔ تے ایہ مناسب وی ہے کیوں جو تُساں اِیمان ءچ بہُوں ترقی کریندے پئے ہیوے تے تُہاڈی آپس دی محبت وی ودھدی ویندی ہے۔

کلُسِّیوں 1:18

اُوہو بدن یعنی کلیسیا دا سر ہے۔ اُوہو مُنڈھ ہے تے مُردیاں ءچوں زندہ تھیوݨ آلیاں ءچوں پلوٹھا، تاں جو سارے گالھیں ءچ اُوندا درجہ پہلا ہووے۔

کلُسِّیوں 1:10

تاں جو تُہاڈا چال چلنڑ خُداوند دے لائق ہووے تے اُونکُوں ہر طرحاں پسند آوے۔ تے تُساں ہر چنگے کم ءچ پھلدار بنڑو تے خُدا دی پچھاݨ ءچ ودھدے ونجو۔

فِلِپّیوں 1:27

کُجھ وی تھی ونجے، اِتنا ضرور کرو جو تُہاڈا چال چلنڑ مسیح دی خوشخبری دے لائق ہووے تاں جو بھانویں مَیں تُہاکُوں ڈیکھنڑ آواں یا نہ آواں، ضرور تُہاڈے بارے ءچ سُنڑاں جو تُساں ہِک رُوح ءچ قائم ہیوے تے ہِک جان تھی تے خوشخبری دے اِیمان کیتے بہُوں محنت کریندے پئے ہیوے۔

اِفِسیوں 5:29

کیوں جو کوئی بندہ آپنڑے جِسم نال دُشمنڑی نئیں کریندا بلکہ اُونکُوں کھویندے تے اُوندی ڈیکھ بھال کریندے جِینویں مسیح کلیسیا دی کریندے،

اِفِسیوں 4:3

رُوح القُدس تُہاکُوں ہِک کر ڈِتے، اِیں واسطے ہِک ڈُوجھے نال صُلح ءچ بدھے رہ تے اِینکُوں قائم رکھنڑ دی کوشش کرو۔

اِفِسیوں 1:22

خُدا سبھ کُجھ اُوندے پیراں تلے کر ڈِتے تے اُونکُوں کلیسیا دی خاطر یکے چیزاں دا سردار بنڑایا۔

1کُرِنتھِیوں 3:6

مَیں بُوٹا لایا، اپُلّوس پانڑی ڈِتا پر ودھایا خُدا۔

1کُرِنتھِیوں 1:10

بِھراؤ! مَیں آپنڑے خُداوند یسُوع المسیح دے ناں کنُوں تُہاڈی مِنت کریندا ہاں جو تُساں ہِک ڈُوجھے نال اِتفاق رکھو، تے تُہاڈے ءچ پارٹی بازی نہ ہووے، بلکہ تُساں سارے ہِک دل تے ہِک سوچ تھی تے ہِک مُٹھ راہو۔

رومیوں 11:17

بے شک کُجھ لڑیاں کپ ڈِتیاں گئیاں تے تُوں جنگلی زیتون ہوندے ہوئے اُنہاں دی جاہ پیوند تھی گِیا، تے زیتون دے درخت دی جڑھ دے روغن ءچ حصہ دار تھی گِیا۔

اعمال 4:32

اِیمانداراں دی جماعت ہِک دل تے یک جان ہئی تے کہیں وی آپنڑے مال کُوں آپنڑا نہ آکھیا بلکہ اُنہاں دی ہر چیز سانجھی ہئی۔

یُوحنّا 17:21

تاں جو او سارے ہِک ہووݨ جِینویں باپ، تُوں میڈے ءچ ہیں تے مَیں تیڈے ءچ ہاں۔ مَیں چاہندا ہاں جو او وی ساڈے ءچ ہووݨ تاں جو دُنیا اِیمان گِھن آوے جو تُوں ای میکُوں بھیجے۔

1کُرِنتھِیوں 11:3

پر مَیں چاہندا ہاں جو تُساں ایہ وی جاݨ گِھنو جو ہر مرد دا سر مسیح ہے تے عورت دا سر مرد ہے تے مسیح دا سر خُدا ہے۔

اِفِسیوں 1:23

کلیسیا مسیح دا بدن ہے تے مسیح نال کامل تھیندی ہے جیہڑا ہر ہِک چیز کُوں کامل کریندے۔

اِفِسیوں 2:21

مسیح ءچ ہر حصہ آپس ءچ جُڑ تے خُداوند کیتے ہِک پاک ہیکل بنڑدی ویندی ہے۔

لُوقا 5:38

بلکہ تازہ رَس کُوں نوِیاں مشکاں ءچ بھرنڑا چاہیدے۔