کلُسِّیوں 2:15 - کِتاب مُقدّس سرائیکی ترجمہ

¹⁵ تے حُکمراناں تے اِختیار آلیاں دے ہتھیاراں کُوں گِھن تے صلیب دے وسیلے اُنہاں اُتے فتح پائی تے اُنہاں دا کُھلے عام تماشا بنڑایا۔

کلُسِّیوں 2:15 Referans Kwoze

عبرانیوں 2:14

بس کیوں جو خُدا دے فرزند خون تے گوشت نال بنڑے ہوئے اِنسان ہِن، اِیں واسطے یسُوع خود وی اُنہاں آلی کار اِنسان بنڑیا تاں جو آپنڑی موت دے وسیلے نال موت دی قُدرت رکھنڑ آلے یعنی ابلیس کُوں تباہ کرے،

اِفِسیوں 4:8

اِیں واسطے فرمایا گِیا ہے جو ”جِیں ویلے او اُچائی اُتے چڑھیا تاں قیدیاں کُوں نال گِھن گِیا تے لوکاں کُوں تحفے ڈِتے۔“

متّی 12:29

یا کوئی بندہ کہیں زور آور دے گھر وڑ تے اُوندا مال کِینویں لُٹ سگدے جئیں تئیں پہلے اُوں زور آور کُوں بَدھ نہ گِھنے؟ وَل او اُوندا گھر لُٹ گِھنسی۔

اِفِسیوں 6:12

کیوں جو ساکُوں خون تے گوشت دے خلاف نئیں بلکہ حُکمراناں، اِختیار آلیاں، اِیں اندھاری دُنیا دے حاکماں تے شریر رُوحانی طاقتاں دے خلاف جنگ کرنڑی ہے جیہڑیاں اسمانی جاہیں ءچ ہِن۔

یُوحنّا 16:11

تے عدالت دے بارے ءچ اِیں واسطے جو دُنیا دے سردار اُتے سزا دا حُکم کیتا گئے۔

لُوقا 10:18

اُوں اُنہاں کُوں آکھیا، ”مَیں شیطان کُوں بجلی وانگُوں اسمان کنُوں ڈھاندے ہوئے ڈیدھا پِیا ہم۔

مُکاشفہ 20:10

تے ابلیس، جئیں اُنہاں کُوں گُمراہ کیتا ہا، گندھک تے بھاہ دی جھیل ءچ سٹیا گِیا جِتھاں او حیوان تے کُوڑا نبی وی ہئی تے او ڈینہہ رات ہمیشاں تئیں عذاب ءچ راہسن۔

کلُسِّیوں 1:16

اُوندے وسیلے سبھ چیزاں خلق تھئیاں، بھانویں او اسمان دیاں ہووݨ یا زمین دیاں، ڈِٹھیاں ہووݨ یا اَن ڈِٹھیاں، تخت ہووݨ یا طاقتاں، حکومتاں ہووݨ یا اِختیار۔ خُدا سبھ چیزاں کُوں مسیح دے وسیلے تے اُوندی خاطر پیدا کیتا۔

لُوقا 11:22

پر جیہڑے ویلے اُوندے کنُوں وی زور آلا بندہ اُوندے اُتے حملہ کر تے اُونکُوں قابو کر گِھندے تاں اُوندے سارے ہتھیار جیندے اُتے اُوندا بھروسہ ہا کَھس گِھندے تے اُوندا مال لُٹ تے ونڈا ڈیندے۔

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

مُکاشفہ 12:9

تے او وڈا اژدہا یعنی اُوہو پُرانڑا نانگ جِیندا ناں ابلیس تے شیطان ہے تے جیہڑا ساری دُنیا کُوں گُمراہ کریندے، او تے اُوندے فرشتے وی زمین اُتے سَٹ ڈِتے گئے۔

یُوحنّا 19:30

بس جِیں ویلے یسُوع او سِرکہ پِیتا تاں آکھیا جو ”سبھ کُجھ پُورا تھی گِیا،“ تے سر جُھکا تے جان ڈے ڈِتی۔

1کُرِنتھِیوں 15:24

وَل آخرت ہوسی۔ اُوں ویلے مسیح ساری حکُومت، سارا اِختیار تے قُدرت فنا کر تے بادشاہی کُوں خُدا باپ دے حوالے کر ڈیسی۔

2کُرِنتھِیوں 2:14

پر خُدا دا شُکر ہے جو او ساکُوں مسیح دی فتح دے جلُوس ءچ ہمیشاں گِھن ویندے تے ساڈے وسیلے نال مسیح کُوں جانڑݨ دی خوشبو ہر جاہ کِھنڈیندے۔

اِفِسیوں 3:10

خُدا دا مقصد ہا جو ہُنڑ کلیسیا دے وسیلے نال اُوندی ہر طرحاں دی حِکمت، اُنہاں حکُومت آلیاں تے اِختیار آلیاں اُتے ظاہر تھی ونجے جیہڑے اسمانی مقاماں ءچ ہِن۔

کلُسِّیوں 2:10

تے تُساں مسیح ءچ معمُور تھی گئے ہیوے جیہڑا ہر حکُومت تے اِختیار دا سر ہے۔