کلُسِّیوں 2:14 - کِتاب مُقدّس سرائیکی ترجمہ

¹⁴ تے حُکم عدُولی دے لِکھے ہوئے اِلزاماں کُوں مِٹا ڈِتا جیہڑے ساڈے خلاف ہَن، تے اُونکُوں صلیب اُتے کِیلاں نال جَڑ تے، ساڈے کنُوں دُور کر ڈِتا،

کلُسِّیوں 2:14 Referans Kwoze

عبرانیوں 8:13

خُدا ”نویں عہد“ دا ذِکر کر تے پہلے کُوں پُرانڑا قرار ڈِتا۔ تے جیہڑی چیز پہلے دی ہے او پُرانڑی تے ناکارہ ہے، او جلدی ختم تھی ویسی۔

عبرانیوں 7:18

اِینویں او پُرانڑا حُکم کمزور تے بے فائدہ تھیوݨ پارُوں منسوخ تھی گِیا۔

کلُسِّیوں 2:20

جے تُساں مسیح نال مر تے دُنیاوی اصُولاں کنُوں آزاد تھی گئے ہیوے تاں ہُنڑ دُنیا آلیاں وانگُوں زندگی کیوں گُزریندے پئے ہیوے؟ ایجھے دُنیاوی حُکماں دے کیوں پابند تھیندے ہیوے

1 پطرس 2:24

او خود آپنڑے ای بدن اُتے ساڈے گُناہاں دا بھار چا تے صلیب اُتے چڑھ گِیا تاں جو اساں گُناہاں دے اعتبار نال مر تے راستبازی دے اعتبار نال زندہ تھی ونجُوں۔ ”اُوندے زخماں تُوں تُہاکُوں شِفا مِلی ہے۔“

اعمال 3:19

بس توبہ کرو تے رجُوع گِھن آؤ تاں جو تُہاڈے گُناہ مِٹائے ونجنڑ تے خُداوند دی طرفوں تُہاڈے کیتے رُوحانی تازگی دا وقت آوے،

2تھِسّلُنیکیوں 2:7

کیوں جو بدی دی لُکی ہوئی طاقت ہُنڑ وی آپنڑا اثر کریندی پئی ہے، پر ہِک روکنڑ آلا وی ہے تے جئیں تئیں او روکنڑ آلا رستے کنُوں ہٹایا نہ ونجے او اُوں بدکار کُوں روکی رکھیسی۔

لُوقا 1:6

او ڈوہائیں خُدا دی نظر ءچ نیک ہَن تے خُداوند دے سارے حُکماں تے قانُوناں اُتے بے عیب عمل کریندے ہَن۔