کلُسِّیوں 1:9 - کِتاب مُقدّس سرائیکی ترجمہ

⁹ اِیں واسطے جئیں ڈینہہ تُوں اساں ایہ سُنڑیا ہے، اساں تُہاڈے کیتے دُعا کریندے پئے ہیں۔ ساڈی درخاست ہے جو خُدا تُہاکُوں ساری حِکمت تے رُوحانی سمجھ دے ذریعے، آپنڑی مرضی دے علم نال بھر ڈیوے،

کلُسِّیوں 1:9 Referans Kwoze

یعقُوب 3:17

پر جیہڑی حِکمت اسمان کنُوں آندی ہے، اوّل تاں او پاک ہوندی ہے، وَل امن پسند، نرم مزاج تے تربیت قبول کرݨ آلی ہوندی ہے تے رحم تے چنگے کماں نال بھری ہوندی ہے۔ اُوندے ءچ طرفداری تے منافقت نئیں ہوندی۔

یعقُوب 1:5

جے تُہاڈے ءچوں کہیں ءچ حِکمت دی کمی ہووے تاں او خُدا کنُوں منگے جیہڑا جِھڑکے بغیر ساریاں کُوں فیاضی نال ڈیندے تے خُدا اُونکُوں ڈیسی۔

کلُسِّیوں 4:5

ہر موقع کُوں چنگی طرح استعمال کریندے ہوئے غیر اِیمانداراں نال ہوشیاری نال پیش آؤ۔

عبرانیوں 13:21

تُہاکُوں ہر چنگی شے ڈیوے تاں جو تُساں اُوندی مرضی پُوری کر سگو، تے جیہڑا کُجھ اُوندی نظر ءچ پسندیدہ ہے، او یسُوع مسیح دے وسیلے نال ساڈے ءچ پیدا کرے۔ مسیح دی تعریف ہمیشاں تئیں تھیندی راہوے۔ آمین۔

1 پطرس 2:15

کیوں جو خُدا دی مرضی ایہ ہے جو تُساں نیکی کر تے جہالت دے گالھیں کرݨ آلے ناسمجھ لوکاں دے مُنہ بند کر ڈیؤ۔

2تھِسّلُنیکیوں 1:11

اِیں واسطے اساں تُہاڈے کیتے ہر ویلے دُعا کریندے راہندے ہیں جو ساڈا خُدا تُہاکُوں اُوں بُلاوے دے لائق بنڑاوے جیندے کیتے اُوں تُہاکُوں سڈے تے تُہاڈی ہر نیک خواہش تے اِیمان نال کیتے ہوئے کم کُوں آپنڑی قُدرت نال پُورا کرے،

1تھِسّلُنیکیوں 5:17

بلاناغہ دُعا کرو۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

کلُسِّیوں 3:16

مسیح دے کلام کُوں آپنڑے دِلاں ءچ مکمل طور تے وسنڑ ڈیؤ تے کمال حِکمت دے نال ہِک ڈُوجھے کُوں تعلیم ڈیؤ تے نصیحت کرو۔ تے آپنڑے دِلاں ءچ شُکرگزاری کریندے ہوئے خُدا کیتے زبُور، حمد تے رُوحانی گیت گاؤ۔

عبرانیوں 10:36

تُہاکُوں وڈے صبر نال کم گِھننڑا چاہیدے تاں جو تُساں خُدا دی مرضی پُوری کر تے او چیز حاصل کر سگو جِیندا اُوں وعدہ کیتے۔

فِلِپّیوں 1:4

تُہاڈے کیتے آپنڑی ہر دُعا ءچ مَیں بہُوں خوشی نال دُعا کریندا ہاں،

فِلیمون 1:4

میں تیکُوں آپنڑیاں دُعاواں ءچ یاد کر تے ہمیشاں آپنڑے خُدا دا شُکر کریندا ہاں

اِفِسیوں 6:6

آدمیاں کُوں خوش کرݨ آلیاں آلی کار صرف ڈِکھاوے کیتے خدمت نہ کرو بلکہ مسیح دے خدمت گُزار ہوندے ہوئے دل نال خُدا دی مرضی پُوری کرو۔

رومیوں 12:2

اِیں دُنیا دے طور طریقے اِختیار نہ کرو بلکہ سوچ نوِیں تھی ونجنڑ دے سببّوں تُساں وی بدل ونجو، تاں جو تُساں خُدا دی نیک، پسندیدہ تے کامِل مرضی کُوں تجربے نال جاݨ سگو۔

1تھِسّلُنیکیوں 1:3

اساں تُہاڈے کم جیہڑے اِیمان دی وجہ کنُوں ہِن، تے تُہاڈی محنت جیہڑی محبت دا نتیجہ ہے، تے تُہاڈے صبر کُوں جیہڑا ساڈے خُداوند یسُوع المسیح اُتے اُمید رکھنڑ دے سببّوں تُہاڈے ءچ پیدا تھئے، آپنڑے خُدا تے باپ دی حضُوری ءچ یاد کریندے ہیں۔

1 یُوحنّا 2:17

دُنیا تے اُوندیاں خواہشاں ڈوہائیں ختم تھی ویندیاں ہِن پر جیہڑا خُدا دی مرضی اُتے ٹُردے، او ہمیشاں تئیں قائم راہندے۔

1 پطرس 4:2

ہُنڑ او دُنیا ءچ آپنڑی باقی زندگی اِنسانی بُریاں خواہشاں دے مطابق نئیں بلکہ خُدا دی مرضی دے مطابق گُزارے۔

کلُسِّیوں 4:12

اِپَفراس جیہڑا تُہاڈے ءچوں ہے تے مسیح یسُوع دا خادم ہے تُہاکُوں سلام آدھے۔ او بہُوں محنت نال تُہاڈے کیتے دُعا کریندے جو تُساں خُدا دی پُوری مرضی ءچ کامِل تے پُورے اعتقاد نال ثابت قدم راہو۔

کلُسِّیوں 1:6

جیہڑی تُہاڈے کولھ پُجی ہے۔ او ساری دُنیا ءچ اِینویں پھل ڈیندی تے ودھدی ویندی ہے، جِینویں تُہاڈے ءچ وی کریندی پئی ہے، اُوں ڈینہہ کنُوں جڈاں تُساں خُدا دے فضل دے بارے ءچ سُنڑیا تے اُونکُوں سچ جانڑیا۔

اِفِسیوں 5:17

اِیں واسطے بے سمجھ نہ بنڑو بلکہ خُداوند دی مرضی معلوم کرو جو او کیا ہے۔

اِفِسیوں 5:10

تے تجربے نال معلوم کریندے راہو جو خُداوند کُوں کیا پسند ہے۔

اِفِسیوں 1:8

جیہڑا اُوں بہُوں حِکمت تے دانائی نال ساڈے اُتے کثرت نال نازل کیتا۔

یُوحنّا 7:17

جے کوئی اُوندی مرضی اُتے چلنڑ چاہوے تاں او اِیں تعلیم دے بارے ءچ جاݨ گِھنسی جو خُدا دی طرفوں ہے یا مَیں آپنڑے کولُھوں آدھا ہاں۔

1کُرِنتھِیوں 1:5

تُساں اُوندے ءچ ہر لحاظ نال یعنی ہر قِسم دا کلام کرݨ تے علم رکھنڑ ءچ دولتمند تھی گئے ہیوے۔

اعمال 12:5

بس پطرس تاں پہرے ءچ ہا پر ساری کلیسیا اُوندے کیتے خُدا کنُوں دل و جان نال دُعا کریندی پئی ہئی۔

فِلیمون 1:6

مَیں دُعا کریندا ہاں جو اِیمان ءچ تیڈی شراکت ایجھی موثر ہووے جو تُوں ہر برکت کُوں جیہڑی مسیح ءچ مِلی ہے چنگی طرحاں سمجھ سگیں۔