کلُسِّیوں 1:27 - کِتاب مُقدّس سرائیکی ترجمہ

²⁷ خُدا اُنہاں اُتے ایہ ظاہر کرݨ چاہندا ہا جو او راز غیر قوماں کیتے کِتنا بیش قیمت تے جلال آلا ہے۔ تے او راز ایہ ہے جو مسیح جیہڑا جلال دی اُمید ہے، تُہاڈے ءچ راہندے۔

کلُسِّیوں 1:27 Referans Kwoze

یُوحنّا 14:20

اُوں ڈینہہ تُساں جاݨ گِھنسو جو مَیں آپنڑے باپ ءچ ہاں تے تُساں میڈے ءچ ہیوے تے مَیں تُہاڈے ءچ۔

رومیوں 8:10

پر جے مسیح تُہاڈے ءچ ہے تاں بے شک تُہاڈا جِسم تاں گُناہ دی وجہ کنُوں مُردہ ہے پر تُہاڈی رُوح راستبازی دی وجہ کنُوں زندہ ہے۔

1 یُوحنّا 4:4

بالو! تُساں خُدا کنُوں ہیوے تے کُوڑے لوکاں اُتے غالب آ گئے ہیوے، کیوں جو جیہڑا تُہاڈے ءچ ہے، او اُوں کنُوں جیہڑا دُنیا ءچ ہے بہُوں وڈا ہے۔

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

1کُرِنتھِیوں 3:16

کیا تُساں نئیں جانڑدے جو تُساں خُدا دی ہیکل ہیوے تے خُدا دا رُوح القُدس تُہاڈے ءچ وسیا ہویا ہے؟

مُکاشفہ 3:20

ڈیکھ! مَیں دروازہ اُتے کھڑا کھڑکیندا پِیا ہاں۔ جے کوئی میڈی اواز سُنڑ تے دروازہ کھولیسی تاں مَیں اندر آ تے اُوندے نال کھانڑا کھاساں تے او میڈے نال۔

یُوحنّا 14:17

یعنی سچائی دا رُوح، جِینکُوں دُنیا حاصل نئیں کر سگدی کیوں جو نہ تاں اُونکُوں ڈیدھی ہے نہ جانڑدی ہے۔ پر تُساں اُونکُوں جانڑدے ہیوے کیوں جو او تُہاڈے نال راہندے تے تُہاڈے اندر ہوسی۔

گلتِیوں 4:19

میڈے بالو! تُہاڈے کیتے میکُوں ولا کنُوں بال جاوݨ وانگُوں دے درد لگے ہِن تے اُوں ویلے تئیں لگے راہسن، جئیں تئیں مسیح دی صورت تُہاڈے ءچ قائم نہ تھی ونجے۔

2کُرِنتھِیوں 4:6

کیوں جو خُدا ای ہے جئیں فرمائے جو ”اندھارے ءچوں نُور چمکے“ تے اُوں ای ساڈے دِلاں ءچ آپنڑا نُور چمکایا تاں جو اساں خُدا دے جلال دے نُور کُوں پچھاݨ سگوں جیہڑا یسُوع مسیح دے چہرے تُوں ظاہر تھیندے۔

1 تِیمُتھِیُس 1:1

ایہ خط میں پولُس دی طرفوں ہے جیہڑا ساڈے نجات ڈیوݨ آلے خُدا تے ساڈی اُمید یعنی یسُوع مسیح دے حُکم نال اُوندا رسُول مقرر کیتا گِیا ہاں،

کلُسِّیوں 2:3

جیندے ءچ حِکمت تے علم دے سارے خزانے لُکے ہوئے ہِن۔

یُوحنّا 14:23

یسُوع جواب ءچ اُونکُوں آکھیا جو ”جے کوئی میڈے نال محبت کریندے تاں او میڈے کلام اُتے عمل کریسی تے میڈا باپ اُوندے نال محبت کریسی تے اساں اُوندے کولھ آسُوں تے اُوندے نال راہسوں۔

2کُرِنتھِیوں 6:16

خُدا دی ہیکل دا بُتاں نال کیا تعلق؟ کیوں جو اساں زندہ خُدا دی ہیکل ہیں، جِینویں خُدا فرمایا ہے جو ”مَیں اُنہاں ءچ راہساں تے اُنہاں دے وچال پِھرساں۔ مَیں اُنہاں دا خُدا ہوساں تے او میڈی قوم ہوسن۔

کلُسِّیوں 3:11

اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔

یُوحنّا 17:26

تے مَیں اُنہاں کُوں تیڈے ناں تُوں واقف کرا ڈِتے، تے کریندا راہساں تاں جو جیہڑی محبت تیکُوں میڈے نال ہئی او اُنہاں ءچ ہووے تے مَیں وی اُنہاں ءچ ہونواں۔“

اِفِسیوں 2:22

تے تُساں وی خُداوند ءچ دُوجھیاں نال تعمیر تھیندے ویندے ہیوے تاں جو ایجھا گھر بنڑے جیندے ءچ خُدا آپنڑے رُوح القُدس دے وسیلے راہوے۔

یُوحنّا 6:56

جیہڑا کوئی میڈا گوشت کھاندے تے میڈا خون پِیندے، او میڈے ءچ قائم راہندے تے مَیں اُوندے ءچ۔

اِفِسیوں 1:7

ساکُوں مسیح دے خون دے وسیلے نال مخلصی یعنی گُناہاں دی معافی مِلی ہے۔ ایہ خُدا دے اُوں بے حد فضل دے سببّوں تھیّا،

فِلِپّیوں 4:19

میڈا خُدا آپنڑے جلال آلی دولت ءچوں یسُوع مسیح دے ذریعے تُہاڈیاں ساریاں ضرورتاں پُوریاں کر ڈیسی۔

رومیوں 9:23

تاں جو آپنڑے جلال دی دولت اُنہاں دے ذریعے ظاہر کرے جِنہاں اُتے رحم تھیسی، جیہڑے جلال کیتے پہلے کنُوں تیار کیتے ہَن۔

رومیوں 5:2

یسُوع دے وسیلے ساکُوں اِیمان دے سببّوں او فضل حاصل تھیّا جیندے اُتے اساں قائم وی ہیں، تے اساں خُدا دے جلال دی اُمید اُتے خوش ہیں۔

کلُسِّیوں 1:5

ایہ اُنہاں اُمید کیتیاں ہوئیاں برکتاں دی وجہ کنُوں ہے جیہڑیاں تُہاڈے کیتے اسمان اُتے رکھیاں ہِن تے جِیندا ذِکر تُساں خوشخبری دے سچے کلام ءچ پہلے سُنڑ گِھدے،

2کُرِنتھِیوں 4:17

ساڈی ایہ بہُوں عارضی تے ہلکی جیہی مُصیبت ساڈے کیتے ایجھا بھاری تے ابدی جلال پیدا کریندی پئی ہے۔

لُوقا 17:21

تے لوک ایہ نہ اکھیسن جو ’ڈیکھو اِتھاں ہے‘ یا ’اُتھاں ہے۔‘ کیوں جو ڈیکھو خُدا دی بادشاہی تُہاڈے وچال ہے۔“

متّی 13:11

اُوں جواب ءچ آکھیا، ”تُہاکُوں تاں اسمان دی بادشاہی دے راز سمجھنڑ دی قابلیت ڈِتی گئی ہے پر اُنہاں کُوں نئیں ڈِتی گئی۔

2کُرِنتھِیوں 2:14

پر خُدا دا شُکر ہے جو او ساکُوں مسیح دی فتح دے جلُوس ءچ ہمیشاں گِھن ویندے تے ساڈے وسیلے نال مسیح کُوں جانڑݨ دی خوشبو ہر جاہ کِھنڈیندے۔

رومیوں 11:33

واہ! خُدا دی دولت، اُوندی حِکمت تے اُوندا علم بہُوں گہرا ہے! اُوندے فیصلے سمجھ کنُوں اصلُوں باہر ہِن، تے اُوندیاں راہاں کوݨ گولھ سگدے!

رومیوں 2:4

کیا تُوں خُدا دی مہربانی، برداشت تے صبر کُوں نا چیز سمجھدیں؟ تے کیا ایہ نئیں جانڑدا جو خُدا تیکُوں توبہ کرݨ دو گِھن ونجنڑ کیتے تیڈے اُتے مہربانی کریندے؟

عبرانیوں 6:19

ایہ اُمید ساڈے کیتے ایجھے لنگر آلی کار ہے جیہڑا مضبوط تے قائم راہندے۔ تے ایہ اُمید ساکُوں پڑدے دے پِچُھوں خُدا دی سبھ تُوں مُقدّس جاہ تئیں پُچیندی ہے،