کلُسِّیوں 1:24 - کِتاب مُقدّس سرائیکی ترجمہ

²⁴ ہُنڑ مَیں اُنہاں ڈُکھاں دے سببّوں خوش ہاں جیہڑے مَیں تُہاڈی خاطر چیندا پِیا ہاں کیوں جو مَیں مسیح دے بدن یعنی کلیسیا دی خاطر مسیح دیاں مُصیبتاں دی کمی کُوں آپنڑے بدن ءچ پُورا کریندا پِیا ہاں۔

کلُسِّیوں 1:24 Referans Kwoze

رومیوں 5:3

تے صرف اِیہو نئیں بلکہ اساں مُصیبتاں ءچ خوش تھیندے ہیں کیوں جو اساں جانڑدے ہیں جو مُصیبت نال صبر پیدا تھیندے۔

2 تِیمُتھِیُس 1:8

اِیں واسطے تُوں ساڈے خُداوند دی گواہی ڈیوݨ تُوں نہ شرما، تے نہ میڈے تُوں جیہڑا اُوندی خاطر قیدی ہاں بلکہ خُدا دی قُدرت دی مدد نال میڈے نال خوشخبری دی خاطر ڈُکھ چا۔

فِلِپّیوں 3:10

مَیں مسیح کُوں تے اُوندے زندہ تھیوݨ دی قُدرت کُوں جانڑنڑاں، اُوندے نال ڈُکھاں ءچ شریک تھیوݨ تے اُوندی موت ءچ اُوندے جِیہا بنڑنڑاں چاہندا ہاں،

2کُرِنتھِیوں 7:4

مَیں بہُوں دلیری نال تُہاڈے نال گالھیں کریندا ہاں، پر میکُوں تُہاڈے اُتے فخر وی ہے۔ مَیں تسلی نال بھریج گِیا ہاں تے مُصیبتاں ءچ وی میڈا دل خوشی نال بھریا ہے۔

اِفِسیوں 3:13

اِیں واسطے مَیں مِنت کریندا ہاں جو تُساں میڈی اِنہاں مُصیبتاں دی وجہ کنُوں جیہڑیاں مَیں تُہاڈی خاطر سہندا ہاں ہِمت نہ ہارو کیوں جو او تُہاڈے کیتے عزت دا سبب ہِن۔

یعقُوب 1:2

میڈے بِھراؤ، جِیں ویلے تُساں طرحاں طرحاں دیاں ازمائیشاں دا سامنڑا کریندے ہیوے تاں اِینکُوں وڈی خوشی دی گالھ سمجھو۔

کلُسِّیوں 1:18

اُوہو بدن یعنی کلیسیا دا سر ہے۔ اُوہو مُنڈھ ہے تے مُردیاں ءچوں زندہ تھیوݨ آلیاں ءچوں پلوٹھا، تاں جو سارے گالھیں ءچ اُوندا درجہ پہلا ہووے۔

اعمال 5:41

بس رسُول عدالت ءچوں اِیں گالھ تُوں خوش تھی تے چلے گئے جو اساں یسُوع دے ناں دی خاطر بے عزت تھیوݨ دے لائق تاں تھئے۔

اِفِسیوں 3:1

اِیں واسطے مَیں پولُس جیہڑا تُساں غیر قوماں دی خاطر مسیح یسُوع کیتے قیدی ہاں تُہاڈے کیتے دُعا کریندا ہاں۔

اِفِسیوں 1:23

کلیسیا مسیح دا بدن ہے تے مسیح نال کامل تھیندی ہے جیہڑا ہر ہِک چیز کُوں کامل کریندے۔

رومیوں 8:17

تے جے فرزند ہیں تاں وارث وی ہیں یعنی خُدا دے وارث تے مسیح دے ہم میراث، شرط ایہ ہے جو اساں اُوندے نال ڈُکھ چاؤں تاں جو اُوندے نال جلال وی پاؤں۔

1کُرِنتھِیوں 12:27

بس تُساں رَل تے مسیح دا بدن ہیوے تے کلھے کلھے اُوندے اَنگ ہیوے۔

2کُرِنتھِیوں 6:10

ڈُکھی ہیں پر ہمیشاں خوش راہندے ہیں، غریب ہیں پر بہُوں ساریاں کُوں دولت مند بنڑا ڈیندے ہیں، مسکین ہیں پر ساڈے کولھ سبھ کُجھ ہے۔

2کُرِنتھِیوں 12:15

اِیں واسطے مَیں تُہاڈی خاطر بہُوں خوشی نال آپنڑا سبھ کُجھ خرچ کر ڈیساں بلکہ آپ وی خرچ تھی ویساں۔ جے مَیں تُہاڈے نال بہُوں محبت رکھاں تاں کیا تُساں میڈے نال گھٹ محبت رکھیسو؟

مرقس 10:39

اُنہاں جواب ڈِتا، ”اساں کر سگدے ہاں۔“ یسُوع اُنہاں کُوں آکھیا، ”جیہڑا پیالہ مَیں پِیوݨ آلا ہاں تُساں پِیسو، تے جیہڑا بپتسمہ مَیں گِھننڑ آلا ہاں، تُساں گِھنسو۔