کلُسِّیوں 1:16 - کِتاب مُقدّس سرائیکی ترجمہ

¹⁶ اُوندے وسیلے سبھ چیزاں خلق تھئیاں، بھانویں او اسمان دیاں ہووݨ یا زمین دیاں، ڈِٹھیاں ہووݨ یا اَن ڈِٹھیاں، تخت ہووݨ یا طاقتاں، حکومتاں ہووݨ یا اِختیار۔ خُدا سبھ چیزاں کُوں مسیح دے وسیلے تے اُوندی خاطر پیدا کیتا۔

کلُسِّیوں 1:16 Referans Kwoze

رومیوں 11:36

کیوں جو ساریاں چیزاں اُوندی طرفوں، اُوندے وسیلے نال تے اُوندے کیتے ہِن۔ اُوندی تمجید ہمیشاں تئیں تھیندی راہوے۔ آمین۔

یُوحنّا 1:3

سبھ چیزاں اُوندے وسیلے خلق تھیّاں تے جیہڑا کُجھ خلق تھئے، اُنہاں ءچوں کوئی چیز اُوندے بغیر خلق نئیں تھئی۔

1کُرِنتھِیوں 8:6

پر ساڈے کیتے تاں ہِکو ای خُدا ہے یعنی اسمانی باپ جیہڑا ساریاں چیزاں دا خالق ہے تے اساں اُوندے کیتے زندہ ہیں۔ تے ہِک ای خُداوند ہے یعنی یسُوع مسیح جیندے وسیلے نال ساریاں چیزاں وجود ءچ آئیاں تے اساں وی اُوندے وسیلے نال زندہ ہیں۔

عبرانیوں 2:10

کیوں جو مناسب ہا جو خُدا جیندے کیتے تے جیندے وسیلے نال سبھ چیزاں موجود ہِن، جِیں ویلے او بہُوں سارے فرزنداں کُوں آپنڑے جلال ءچ شامل کرے تاں اُنہاں دی نجات دے بانی یسُوع کُوں ڈُکھاں دے ذریعے کامِل بنڑاوے۔

عبرانیوں 1:2

پر اِنہاں آخری ڈینہاں ءچ اُوں آپنڑے پوتر دے وسیلے ساڈے نال کلام کیتا، جِینکُوں اُوں سبھ چیزاں دا وارث بنڑایا تے جیندے وسیلے اُوں کائنات کُوں خلق کیتا۔

اِفِسیوں 1:10

تے خُدا دی مرضی ایہ ہے جو مناسب وقت اُتے او ساریاں چیزاں کُوں مسیح ءچ کٹھا کرے، بھانویں اسمان دیاں ہووݨ یا زمین دیاں۔

کلُسِّیوں 1:15

مسیح اَن ڈِٹھے خُدا دی ظاہری صورت ہے تے ساری مخلوقات اُتے پلوٹھا ہے۔

کلُسِّیوں 2:10

تے تُساں مسیح ءچ معمُور تھی گئے ہیوے جیہڑا ہر حکُومت تے اِختیار دا سر ہے۔

فِلِپّیوں 2:10

تاں جو یسُوع دے ناں اُتے ہر ہِک گوڈا جُھکے، بھانویں او اسمان اُتے ہووے یا زمین اُتے یا زمین دے تلے۔

کلُسِّیوں 1:20

اُوندی ایہ مرضی ہئی جو مسیح دے وسیلے سبھ چیزاں نال آپنڑی صُلح کر گِھنے بھانویں او اسمان دیاں ہووݨ یا زمین دیاں۔ اُوں مسیح دے خون دے وسیلے جیہڑا صلیب اُتے وہایا گِیا صُلح سلامتی قائم کیتی۔

1 پطرس 3:22

یسُوع اسمان اُتے وَنج تے خُدا دے سجے پاسے بہہ گِیا ہے تے فرشتے، اِختیار آلے، تے طاقتاں اُوندے تابع کیتے گئے ہِن۔

کلُسِّیوں 2:15

تے حُکمراناں تے اِختیار آلیاں دے ہتھیاراں کُوں گِھن تے صلیب دے وسیلے اُنہاں اُتے فتح پائی تے اُنہاں دا کُھلے عام تماشا بنڑایا۔

اِفِسیوں 6:12

کیوں جو ساکُوں خون تے گوشت دے خلاف نئیں بلکہ حُکمراناں، اِختیار آلیاں، اِیں اندھاری دُنیا دے حاکماں تے شریر رُوحانی طاقتاں دے خلاف جنگ کرنڑی ہے جیہڑیاں اسمانی جاہیں ءچ ہِن۔

رومیوں 8:38

کیوں جو میکُوں یقین ہے جو کوئی چیز وی ساکُوں خُدا دی اُوں محبت کنُوں اَنج نہ کر سگسی جیہڑی ساڈے خُداوند یسُوع المسیح دے ذریعے ساڈے اُتے ظاہر کیتی گئی ہے، نہ موت، نہ زندگی،

یُوحنّا 1:10

او دُنیا ءچ ہا تے دُنیا اُونکُوں نہ پچھانڑیا بھانویں جو دُنیا اُوندے وسیلے نال پیدا تھئی۔

رومیوں 9:5

قوم دے بزُرگ اُنہاں دے ای ہِن تے المسیح وی جِسمانی طور تے اُنہاں ءچوں ہے، جیہڑا ساریاں اُتے حکُومت کرݨ آلا خُدا ہے۔ اُوندی حمد ہمیشاں تئیں تھیندی راہوے۔ آمین۔