کلُسِّیوں 1:15 - کِتاب مُقدّس سرائیکی ترجمہ

¹⁵ مسیح اَن ڈِٹھے خُدا دی ظاہری صورت ہے تے ساری مخلوقات اُتے پلوٹھا ہے۔

کلُسِّیوں 1:15 Referans Kwoze

عبرانیوں 1:3

پوتر خُدا دے جلال دی چمک تے اُوندی ذات دا عین نقش ہے، تے او آپنڑے قُدرت آلے کلام نال سبھ چیزاں کُوں سنبھلیندے۔ او گُناہاں تُوں پاک کرݨ تُوں بعد اسمان اُتے عظیم خُدا دے سجے پاسے وَنج بیٹھا۔

یُوحنّا 14:9

یسُوع اُونکُوں آکھیا، ”فِلپُس! مَیں اِتی عرصے تُوں تُہاڈے نال ہاں، کیا تُوں میکُوں نئیں جانڑدا؟ جئیں میکُوں ڈِٹھے، اُوں باپ کُوں ڈِٹھے۔ تُوں کیوں آدھیں جو ساکُوں باپ ڈِکھا؟

یُوحنّا 1:1

ابتدا ءچ کلام ہا تے کلام خُدا دے نال ہا تے کلام خُدا ہا۔

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

یُوحنّا 1:18

خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

فِلِپّیوں 2:6

بھانویں او خُدا دی صورت اُتے ہا، وَل وی اُوں خُدا دے برابر ہووݨ کُوں آپنڑے قبضہ ءچ رکھنڑ دی چیز نہ سمجھیا۔

2کُرِنتھِیوں 4:6

کیوں جو خُدا ای ہے جئیں فرمائے جو ”اندھارے ءچوں نُور چمکے“ تے اُوں ای ساڈے دِلاں ءچ آپنڑا نُور چمکایا تاں جو اساں خُدا دے جلال دے نُور کُوں پچھاݨ سگوں جیہڑا یسُوع مسیح دے چہرے تُوں ظاہر تھیندے۔

رومیوں 8:29

کیوں جو جِنہاں کُوں خُدا پہلے کنُوں جانڑیا، اُنہاں کُوں اُوں پہلے کنُوں مقرر وی کیتا جو او اُوندے پوتر آلی کار بنڑݨ تاں جو اُوندا پوتر بہُوں سارے بِھرانواں ءچوں پلیٹھی دا ہووے۔

1 تِیمُتھِیُس 1:17

ہُنڑ ازلی تے ابدی بادشاہ یعنی غیرفانی تے نظر نہ آوݨ آلے واحد خُدا دی عزت تے تعریف ہمیشاں تئیں تھیندی راہوے۔ آمین۔

مُکاشفہ 3:14

لَودِیکیہ دی کلیسیا دے فرشتہ کُوں لِکھ جو جیہڑا آمین ہے تے وفادار تے سچا گواہ تے جیندے وسیلے خُدا سبھ کُجھ بنڑائے، اُوہو ایہ فرمیندے جو

عبرانیوں 1:6

تے وَل جِیں ویلے خُدا آپنڑے پلوٹھے کُوں دُنیا ءچ گِھن آندے تاں اکھیندے جو ”خُدا دے سبھ فرشتے اُونکُوں سجدہ کرݨ۔“

1 تِیمُتھِیُس 6:16

صرف اُوہو غیر فانی ہے، تے او اُوں نُور ءچ راہندے جِتھاں کوئی پُج نئیں سگدا۔ اُونکُوں کہیں اِنسان نئیں ڈِٹھا تے نہ ڈیکھ سگدے۔ اُوندی عزت تے سلطنت ہمیشاں تئیں قائم راہوے، آمین۔

یُوحنّا 15:24

جے مَیں اُنہاں ءچ او کم نہ کریندا جیہڑے کہیں ڈُوجھے نئیں کیتے تاں او گُنہگار نہ ہوندے پر ہُنڑ اُنہاں ایہ سبھ ڈِٹھا تے وَل وی میڈے تے میڈے باپ ڈوہائیں نال نفرت کیتی ہے۔

یُوحنّا 3:16

کیوں جو خُدا دُنیا نال ایجھی محبت کیتی جو اُوں آپنڑا اِکلوتا پوتر بخش ڈِتا تاں جو جیہڑا کوئی اُوندے اُتے اِیمان گِھن آوے، ہلاک نہ تھیوے بلکہ ہمیشاں دی زندگی پاوے۔

کلُسِّیوں 1:13

خُدا ساکُوں اندھارے دے قبضے ءچوں چُھڑا تے آپنڑے عزیز پوتر دی بادشاہی ءچ داخل کیتے،

عبرانیوں 11:27

اِیمان دی وجہ کنُوں ای اُوں بادشاہ دی کاوڑ کنُوں خوف نہ کھادا تے مِصر چھوڑ ڈِتا۔ او اِینویں ثابت قدم ریہا جِینویں اَن ڈِٹھے خُدا کُوں ڈِٹھا ہووے۔