اعمال 9:6 - کِتاب مُقدّس سرائیکی ترجمہ

⁶ ہُنڑ اُٹھی تے شہر ءچ وَنج تے جیہڑا تیکُوں کرنڑا چاہیدے، او تیکُوں ڈسا ڈِتا ویسی۔“

اعمال 9:6 Referans Kwoze

اعمال 22:10

مَیں پُچھیا، ’اے خُداوند! مَیں کیا کراں؟‘ خُداوند میکُوں آکھیا، ’اُٹھی دمشق وَنج، اُتھاں تیکُوں او سارا کُجھ جیہڑا تیڈے کرݨ کیتے مقرر تھیّا ہے ڈسا ڈِتا ویسی۔‘

اعمال 26:16

پر اُٹھی آپنڑے پیراں اُتے کھڑا تھی وَنج، کیوں جو مَیں تَیں اُتے اِیں واسطے ظاہر تھیّا ہاں جو تیکُوں آپنڑا خادم تے گواہ مقرر کراں تاں جو تُوں اِنہاں گالھیں دی گواہی ڈیویں جیہڑیاں تَیں ہُنڑ ڈِٹھیاں ہِن تے اُنہاں دی وی جیہڑیاں مَیں تیڈے اُتے ظاہر کریساں۔

فِلِپّیوں 2:12

بس میڈے عزیزو، جِینویں تُساں ہمیشاں فرمانبرداری کیتی ہے، اُونویں ای ہُنڑ وی نہ صرف میڈی موجودگی ءچ بلکہ غیر موجودگی ءچ وی، ڈردے تے کمبدے ہوئے آپنڑی نجات دے کم کریندے راہو۔

رومیوں 10:20

وَل یسعیاہ بہُوں دلیری نال ایہ آدھے جو ”جیہڑے میکُوں نہ گولھیندے ہَن، اُنہاں میکُوں گولھ گِھدا تے جیہڑے میڈے طالب نہ ہَن، مَیں اُنہاں اُتے ظاہر تھی گِیا۔“

رومیوں 10:3

او اُوں راستبازی کنُوں واقف نہ ہَن جیہڑی خُدا دی طرفوں ہے بلکہ خود آپنڑی راستبازی کُوں قائم کرݨ دی کوشش کریندے ریہے، اِیں واسطے او خُدا دی راستبازی دے تابع نہ تھئے۔

رومیوں 7:9

ہِک وقت ہا جو مَیں شریعت دے بغیر زندگی گُزریندا ہم پر جِیں ویلے حُکم آیا تاں گُناہ زندہ تھی گِیا تے مَیں مر گِیا۔

رومیوں 5:20

بعد ءچ شریعت آ گئی تاں جو گُناہ زیادہ تھی ونجے پر جِتھاں گُناہ زیادہ تھیّا اُتھاں فضل اُوں کنُوں وی زیادہ تھیّا۔

اعمال 10:32

بس کہیں کُوں یافا بھیج تے شمعون کُوں جیہڑا پطرس اکھویندے آپنڑے کولھ سڈ۔ او سمندر دے کنارے شمعون چم رنگنڑ آلے دے گھر مہمان ہے۔‘

اعمال 10:22

اُنہاں آکھیا، ”کُرنیلیُس صوبیدار جیہڑا راستباز تے خُدا دا خوف مننڑ آلا بندہ ہے تے یہُودیاں دی ساری قوم ءچ نیک ناں ہے، اُوں خُدا دے پاک فرشتہ کنُوں ہدایت پاتی جو تیکُوں آپنڑے گھر سڈ تے تُہاڈے تُوں کلام سُنڑے۔“

اعمال 10:6

او شمعون چم رنگنڑ آلے دے گھر مہمان ہے جِیندا گھر سمندر دے کنارے ہے۔“

اعمال 2:37

جِیں ویلے اُنہاں ایہ سُنڑیا تاں اُنہاں دے دِلاں کُوں ڈُکھ لگیا تے پطرس تے باقی رسُولاں کُوں آکھیا جو ”بِھراؤ! اساں کیا کرُوں؟“

لُوقا 3:10

لوکاں اُوں کنُوں پُچھیا، ”وَل اساں کیا کرُوں؟“

متّی 19:30

پر بہُوں سارے جیہڑے اوّل ہِن آخر تھی ویسن تے آخر اوّل۔“

یعقُوب 4:6

پر او تاں ساکُوں زیادہ توفیق ڈیندے۔ اِیں واسطے کلام ءچ آکھیا گئے جو، ”خُدا مغرُوراں دا مُقابلہ کریندے پر عاجزی کرݨ آلیاں اُتے مہربانی کریندے۔“

اعمال 9:5

ساؤل پُچھیا ”اے خُداوند! تُساں کوݨ ہیوے؟“ اُوں آکھیا ”مَیں یسُوع ہاں جِینکُوں تُوں سَتیندیں؟