اعمال 9:42 - کِتاب مُقدّس سرائیکی ترجمہ

⁴² ایہ گالھ سارے یافا ءچ مشہور تھی گئی تے بہُوں سارے خُداوند اُتے اِیمان گِھن آئے۔

اعمال 9:42 Referans Kwoze

اعمال 9:35

وَل لُدہ تے شارُون شہر دے سارے راہنڑ آلے اُونکُوں ڈیکھ تے خُداوند اُتے اِیمان گِھن آئے۔

یُوحنّا 12:11

کیوں جو اُوندے سببّوں بہُوں سارے یہُودی اُنہاں کُوں چھوڑ تے یسُوع تے اِیمان گِھن آئے ہَن۔

یُوحنّا 11:45

بس بہُوں سارے یہُودی جیہڑے مریم دے کولھ آئے ہَن تے جِنہاں یسُوع دا ایہ کم ڈِٹھا، اُوندے اُتے اِیمان گِھن آئے۔

اعمال 11:21

خُداوند دا ہتھ اُنہاں اُتے ہا تے بہُوں سارے لوک اِیمان گِھن آ تے خُداوند دو رجُوع تھئے۔

یُوحنّا 12:44

یسُوع اُچی اواز ءچ آکھیا جو ”جیہڑا کوئی میڈے اُتے اِیمان گِھن آندے، او صرف میڈے اُتے نئیں بلکہ میڈے بھیجنڑ آلے اُتے اِیمان گِھن آندے۔

یُوحنّا 11:4

یسُوع ایہ سُنڑ تے آکھیا، ”اِیں بیماری دا انجام موت نئیں بلکہ ایہ خُدا دا جلال ظاہر کرݨ کیتے ہے تاں جو اِیندے ذریعے خُدا دے پوتر دا جلال ظاہر تھیوے۔“

اعمال 9:36

تے یافا ءچ ہِک شاگردہ ہئی جِیندا ناں تبِیتا ہئی جِیندا مطلب ہرنی ہے، او بہُوں ای نیک کم کریندی تے خیرات کریندی راہندی ہئی۔

اعمال 9:38

تے کیوں جو لُدہ یافا دے نیڑے ای ہا، شاگرداں ایہ سُنڑ تے جو پطرس لُدہ ءچ ہے، ڈُو بندے بھیجے تے اُونکُوں درخاست کیتی جو ”جلدی اِتھاں آ ونجو۔“

اعمال 9:43

تے پطرس بہُوں ڈینہہ یافا ءچ شمعون ناں دے ہِک چم رنگنڑ آلے دے گھر ریہا۔

اعمال 10:5

ہُنڑ کُجھ بندے یافا شہر بھیج تے شمعون کُوں جیہڑا پطرس اکھویندے، سڈوا گِھن۔

اعمال 10:8

تے اُنہاں کُوں سارے گالھیں ڈسا تے یافا بھیجیا۔

اعمال 11:5

”مَیں یافا شہر ءچ دُعا کریندا پِیا ہم تے بے خُودی دی حالت ءچ مَیں ہِک رویا ڈِٹھی جو کوئی چیز وڈی چادر وانگُوں چارے کونیاں کنُوں لٹکدی ہوئی اسمان کنُوں تلے لتھی تے مَیں تئیں آئی۔

اعمال 11:13

اُوں ساکُوں ڈسایا جو کِینویں ہِک فرشتہ اُونکُوں گھر ءچ نظر آیا تے آکھنڑ لگا جو ’یافا ءچ کہیں بندے کُوں بھیج تے شمعون کُوں جیہڑا پطرس اکھویندے سڈوا گِھن۔