اعمال 9:40 - کِتاب مُقدّس سرائیکی ترجمہ

⁴⁰ پطرس اُنہاں ساریاں کُوں باہر کڈھ ڈِتا تے گوڈے ٹیک تے دُعا کیتی۔ وَل لاش دو مُڑ تے آکھیا ”تبِیتا! اُٹھی۔“ بس اُوں اکھیں کھول ڈِتیاں تے پطرس کُوں ڈیکھ تے اُٹھی تے بہہ گئی۔

اعمال 9:40 Referans Kwoze

متّی 9:25

پر جِیں ویلے بِھیڑ کُوں اُتھوں کڈھ ڈِتا گِیا تاں یسُوع اندر وَنج تے چھوہیر دا ہتھ پکڑیا تے او اُٹھ پئی۔

اعمال 7:60

وَل اُوں گوڈے ٹیک تے وڈی اواز نال آکھیا جو ”اے خُداوند! ایہ گُناہ اِنہاں دے ذمہ نہ لا۔“ تے ایہ آکھ تے سَم گِیا۔

لُوقا 8:54

پر یسُوع اُوندا ہتھ پکڑیا تے اُچی اواز ءچ آکھیا، ”دِھی! اُٹھی۔“

اعمال 20:36

اِنہاں گالھیں دے بعد پولُس اُنہاں ساریاں نال گوڈے ٹیک تے دُعا کیتی۔

لُوقا 22:41

تے او اُنہاں کنُوں اِتنے فاصلے تے گِیا جِتنی دُور تئیں پتھر سٹیا وَنج سگدے تے گوڈے ٹیک تے اِینویں دُعا کرݨ لگا جو

مرقس 9:25

جِیں ویلے یسُوع ڈِٹھا جو لوک بھج بھج تے جمع تھیندے پئے ہِن تاں اُوں بدرُوح کُوں دَڑکا ڈے تے آکھیا، ”گُونگی ڈوری بدرُوح، مَیں تیکُوں حُکم ڈیندا ہاں، اِیں ءچوں نِکل آ تے ولا کڈھائیں اِیندے ءچ داخل نہ تھیویں۔“

اعمال 21:5

جِیں ویلے او ڈینہہ لنگھ گئے تاں اساں اُتھوں کنُوں اگُوں ونجنڑ کیتے روانہ تھئے تے ساریاں ذالاں تے بالاں سمیت ساکُوں شہر کنُوں باہر تئیں پُچایا۔ وَل سمندر دے کنارے اساں گوڈے ٹیک تے دُعا منگی۔

متّی 6:6

بلکہ جِیں ویلے تُوں دُعا کریں تاں آپنڑی کوٹھڑی ءچ وَنج، تے دروازہ بند کر تے آپنڑے اسمانی باپ کنُوں جیہڑا نظر کنُوں لُکیا ہے دُعا کر۔ وَل تیڈا باپ جیہڑا تیڈے لُکے ہوئے کم ڈیدھے تیکُوں اجر ڈیسی۔

اعمال 28:8

تے پُبلِیُس دا پِیُو بُخار تے دَست دے سببّوں بیمار ہا۔ پولُس اُوندی خبرگیری کرݨ گِیا تے دُعا دے بعد آپنڑے ہتھ اُوندے اُتے رکھے تے اُونکُوں شِفا ڈِتی۔