اعمال 9:27 - کِتاب مُقدّس سرائیکی ترجمہ

²⁷ پر برنباس اُونکُوں آپنڑے نال رسُولاں کولھ گِھن آیا تے اُنہاں کُوں ڈسایا جو ساؤل سفر کریندے ویلے کِینویں خُداوند کُوں ڈِٹھا تے خُداوند اُوندے نال گالھیں کیتیاں تے اُوں کیجھی دلیری نال دمشق ءچ یسُوع دے ناں نال تبلیغ کیتی۔

اعمال 9:27 Referans Kwoze

اعمال 4:36

لاوی قبیلے دا یُوسف ناں دا ہِک بندہ ہا جیہڑا کُپرُس دا راہنڑ آلا ہا۔ رسُولاں اُوندا ناں برنباس رکھیا ہا جِیندا مطلب ہے حوصلہ ڈیوݨ آلا۔

اعمال 4:29

ہُنڑ اے خُداوند! اُنہاں دیاں دھمکیاں کُوں ڈیکھ تے آپنڑے بندیاں کُوں آپنڑا کلام بہُوں جُرأت نال سُنڑاوݨ دی توفیق ڈے۔

اعمال 4:13

جِیں ویلے اُنہاں پطرس تے یُوحنّا دی جُرأت ڈِٹھی تے معلوم تھیّا جو او اَن پڑھ تے عام بندے ہِن تاں بہُوں حیران تھئے۔ نال نال اُنہاں جاݨ گِھدا جو ایہ ڈوہائیں یسُوع دے نال رہ چُکے ہِن۔

گلتِیوں 2:13

وَل باقی مسیحی بِھرا جیہڑے پہلے یہُودی ہَن، منافقت ءچ پطرس نال رَل گئے، ایہ تئیں جو برنباس وی اُنہاں دی منافقت ءچ گُمراہ تھی گِیا۔

گلتِیوں 2:9

تے جِیں ویلے یعقُوب، پطرس تے یُوحنّا جیہڑے کلیسیا دے سربراہ سمجھے ویندے ہَن، ایہ ڈِٹھا جو خُدا میکُوں وی خاص توفیق ڈِتی ہے تاں اُنہاں میکُوں تے برنباس کُوں سجا ہتھ ڈے تے آپنڑی شراکت ءچ قبول کر گِھدا۔ تے اِیں گالھ اُتے اِتفاق کیتا جو اساں غیر قوماں ءچ خدمت کرُوں تے او یہُودیاں ءچ۔

1کُرِنتھِیوں 15:8

تے سبھ کنُوں آخر ءچ او میکُوں ڈِکھالی ڈِتا جیہڑا پُورے ڈینہاں دا جم نہ ہم۔

1کُرِنتھِیوں 9:6

کیا صرف میڈے تے برنباس کیتے ضروری ہے جو خدمت کرݨ دے نال نال محنت کر تے آپنڑا گُزارا کرُوں ؟

اعمال 15:2

جِیں ویلے پولُس تے برنباس دی اُنہاں دے نال سخت تکرار تے بحث تھئی تاں کلیسیا ایہ مقرر کیتا جو پولُس تے برنباس تے اُنہاں ءچوں کُجھ بئے بندے اِیں مسئلہ کیتے رسُولاں تے بزُرگاں کولھ یروشلیم ونجنڑ۔

اعمال 13:2

جِیں ویلے او خُداوند دی عبادت کریندے تے روزے رکھیندے پئے ہَن تاں رُوح القُدس آکھیا، ”میڈے کیتے برنباس تے ساؤل کُوں اُوں کم کیتے مخصوص کر ڈیؤ جیندے کیتے مَیں اُنہاں کُوں سڈیا ہے۔“

اعمال 12:25

تے برنباس تے ساؤل آپنڑی خدمت پُوری کر تے یُوحنّا کُوں جیہڑا مرقس اکھویندے، نال گِھن تے یروشلیم تُوں واپس آئے۔

اعمال 11:25

وَل برنباس ساؤل دی گولھ ءچ تَرسُس کُوں روانہ تھی گِیا۔

اعمال 11:22

اُنہاں لوکاں دی خبر یروشلیم دی کلیسیا دے کَناں تئیں پُجی تے اُنہاں برنباس کُوں انطاکِیہ تئیں بھیجیا۔

اعمال 9:17

بس حننیاہ وَنج تے اُوں گھر ءچ داخل تھیّا تے آپنڑے ہتھ اُوندے اُتے رکھ تے آکھیا ”بِھرا ساؤل! خُداوند یسُوع جیہڑا رستے ءچ تیڈے اُتے ظاہر تھیّا جِیں ویلے تُوں آندا پِیا ہَویں، اُوں میکُوں بھیجیا ہے جو تُوں ولا کنُوں ڈیکھ سگیں تے رُوح القُدس نال بھریج ونجیں۔“

اعمال 9:29

تے یُونانی بولنڑ آلے یہُودیاں نال گالھیں تے بحث وی کریندا ہا۔ پر او اُونکُوں قتل کرݨ دی کوشش کرݨ لگے۔