اعمال 9:22 - کِتاب مُقدّس سرائیکی ترجمہ

²² پر ساؤل رُوحانی زور ءچ ودھدا گِیا تے او اِیں گالھ کُوں ثابت کر تے جو المسیح یسُوع ای ہے، دمشق دے راہنڑ آلے یہُودیاں کُوں پریشان کریندا ریہا۔

اعمال 9:22 Referans Kwoze

اعمال 18:5

جِیں ویلے سِیلاس تے تِیمُتِھیُس مَکِدُنیہ تُوں آئے تاں پولُس آپنڑا سارا وقت کلام دی تبلیغ کرݨ ءچ گُزارݨ لگا۔ او یہُودیاں دے سامنڑے گواہی ڈیندا ہا جو یسُوع ای المسیح ہے۔

لُوقا 21:15

کیوں جو مَیں تُہاکُوں ایجھی زبان تے حِکمت عطا کریساں جو تُہاڈا کوئی وی مخالف نہ تاں تُہاڈا سامنڑا کر سگسی تے نہ تُہاڈے گالھیں کُوں غلط ثابت کر سگسی۔

1کُرِنتھِیوں 1:27

پر خُدا اُنہاں کُوں جیہڑے دُنیا دی نظر ءچ بیوقُوف ہَن چُنڑ گِھدا تاں جو حِکمت آلیاں کُوں شرمندہ کرے تے جیہڑے دُنیا دی نظر ءچ کمزور ہَن اُنہاں کُوں چُنڑ گِھدا تاں جو زور آلیاں کُوں شرمندہ کرے۔

اعمال 28:23

وَل اُنہاں پولُس دے گالھیں سُنڑݨ کیتے ہِک ڈینہہ مقرر کیتا۔ جِیں ویلے او ڈینہہ آیا تاں او پہلے کنُوں وی زیادہ تعداد ءچ اُوں گھر ءچ آئے جِتھاں او راہندا ہا۔ سویل تُوں گِھن تے شام تئیں پولُس اُنہاں کُوں سمجھا سمجھا تے خُدا دی بادشاہی دے بارے ءچ گواہی ڈِتی تے مُوسیٰ دی توریت تے نبیاں دے صحیفیاں ءچوں اُنہاں کُوں یسُوع دے بارے ءچ قائل کرݨ دی کوشش کیتی۔

فِلِپّیوں 4:13

مَیں یسُوع المسیح دے وسیلے جیہڑا میکُوں طاقت ڈیندے، سبھ کُجھ کر سگدا ہاں۔

اعمال 17:3

او اُوندا مطلب واضح کریندا تے ثابت کریندا ہا جو ”المسیح دا ڈُکھ چاوݨ تے مُردیاں ءچوں زندہ تھیوݨ لازمی ہا“ تے ایہ جو ”جِیں یسُوع دی تبلیغ مَیں کریندا ہاں اُوہو المسیح ہے۔“

اعمال 9:20

تے فوراً عبادت خانیاں ءچ یسُوع دی تبلیغ کرݨ لگا جو او خُدا دا پوتر ہے۔

اعمال 9:21

سبھ سُنڑݨ آلے حیران تھی تے آکھنڑ لگے ”کیا ایہ اُوہو بندہ نئیں جیہڑا یروشلیم ءچ اِیں ناں دے گِھننڑ آلیاں کُوں برباد کریندا ہا تے اِتھاں وی اِیں مقصد نال آیا ہا جو اُنہاں کُوں گرفتار کر تے سردار کاہِناں کولھ گِھن ونجے؟“

اعمال 9:23

جِیں ویلے بہُوں ڈینہہ لنگھ گئے تاں یہُودیاں اُونکُوں قتل کرݨ دا منصوبہ بنڑایا۔

اعمال 9:27

پر برنباس اُونکُوں آپنڑے نال رسُولاں کولھ گِھن آیا تے اُنہاں کُوں ڈسایا جو ساؤل سفر کریندے ویلے کِینویں خُداوند کُوں ڈِٹھا تے خُداوند اُوندے نال گالھیں کیتیاں تے اُوں کیجھی دلیری نال دمشق ءچ یسُوع دے ناں نال تبلیغ کیتی۔

گلتِیوں 1:18

ترے سال بعد میں پطرس نال مُلاقات کرݨ کیتے یروشلیم گِیا تے پندھراں ڈینہہ تئیں اُوندے کولھ ریہا۔

1 تِیمُتھِیُس 1:12

مَیں آپنڑے خُداوند یسُوع مسیح دا شُکر کریندا ہاں جئیں میکُوں طاقت ڈِتی تے دیانتدار جاݨ تے آپنڑی خدمت کیتے مقرر کیتا۔