اعمال 9:18 - کِتاب مُقدّس سرائیکی ترجمہ

¹⁸ تے فوراً ساؤل دے اکھیں اُتوں چِھلکے آلی کار کوئی چیز ڈھٹھی تے او سُجاکھا تھی گِیا تے اُٹھی تے بپتسمہ گِھدا۔

اعمال 9:18 Referans Kwoze

2کُرِنتھِیوں 3:14

اُنہاں دے ذہن سخت تھی گئے تے اَج تئیں پُرانڑے عہد دیاں کتاباں پڑھدے ویلے اُنہاں دے دل اُتے پڑدہ پِیا راہندے۔ ایہ پڑدہ صرف مسیح دے وسیلے نال چاتا ویندے۔

اعمال 22:16

ہُنڑ کیجھی دیر؟ اُٹھی بپتسمہ گِھن، تے اُوندا ناں گِھن تے آپنڑے گُناہ دھو گِھن۔‘

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

2کُرِنتھِیوں 4:6

کیوں جو خُدا ای ہے جئیں فرمائے جو ”اندھارے ءچوں نُور چمکے“ تے اُوں ای ساڈے دِلاں ءچ آپنڑا نُور چمکایا تاں جو اساں خُدا دے جلال دے نُور کُوں پچھاݨ سگوں جیہڑا یسُوع مسیح دے چہرے تُوں ظاہر تھیندے۔

اعمال 2:41

بس جِنہاں لوکاں اُوندا کلام قبول کیتا اُنہاں بپتسمہ گِھدا تے اُوں ڈینہہ تقریباً ترے ہزار لوک جماعت ءچ شامل تھی گئے۔

اعمال 9:8

ساؤل زمین تُوں اُٹھی کھڑا تھیّا پر جِیں ویلے اکھیں کھولیاں تاں اُونکُوں کُجھ ڈِکھالی نہ ڈِتا۔ اِیں واسطے لوک اُوندا ہتھ پکڑ تے دمشق ءچ گِھن گئے۔

اعمال 9:17

بس حننیاہ وَنج تے اُوں گھر ءچ داخل تھیّا تے آپنڑے ہتھ اُوندے اُتے رکھ تے آکھیا ”بِھرا ساؤل! خُداوند یسُوع جیہڑا رستے ءچ تیڈے اُتے ظاہر تھیّا جِیں ویلے تُوں آندا پِیا ہَویں، اُوں میکُوں بھیجیا ہے جو تُوں ولا کنُوں ڈیکھ سگیں تے رُوح القُدس نال بھریج ونجیں۔“

اعمال 9:19

وَل کُجھ کھا تے طاقت پائی۔ ساؤل کئی ڈینہہ اُنہاں شاگرداں نال ریہا جیہڑے دمشق ءچ ہَن۔

اعمال 22:13

میڈے کولھ آ تے آکھنڑ لگا، ’بِھرا ساؤل! وَل سُجاکھا تھی وَنج۔‘ مَیں اُونہی ویلے سُجاکھا تھی گِیا تے اُونکُوں ڈیکھنڑ لگا۔