اعمال 9:17 - کِتاب مُقدّس سرائیکی ترجمہ

¹⁷ بس حننیاہ وَنج تے اُوں گھر ءچ داخل تھیّا تے آپنڑے ہتھ اُوندے اُتے رکھ تے آکھیا ”بِھرا ساؤل! خُداوند یسُوع جیہڑا رستے ءچ تیڈے اُتے ظاہر تھیّا جِیں ویلے تُوں آندا پِیا ہَویں، اُوں میکُوں بھیجیا ہے جو تُوں ولا کنُوں ڈیکھ سگیں تے رُوح القُدس نال بھریج ونجیں۔“

اعمال 9:17 Referans Kwoze

اعمال 8:17

وَل پطرس تے یُوحنّا اُنہاں اُتے ہتھ رکھے تے اُنہاں رُوح القُدس پایا۔

اعمال 6:6

تے اِنہاں کُوں رسُولاں دے اگُوں کھڑا کیتا، تے رسُولاں اُنہاں اُتے ہتھ رکھ تے دُعا کیتی۔

اعمال 2:4

تے او سارے رُوح القُدس نال بھریج گئے تے مختلف زباناں بولنڑ لگے جِینویں رُوح اُنہاں کُوں قابلیت بخشی ہئی۔

1 تِیمُتھِیُس 5:22

کہیں بندے اُتے ہتھ رکھ تے اُونکُوں خدمت کیتے مقرر کرݨ ءچ جلدی نہ کر، تے نہ ڈُوجھیاں دے گُناہاں ءچ شریک تھی۔ آپنڑے آپ کُوں پاک رکھ۔

اعمال 13:52

پر شاگرد خوشی تے رُوح القُدس نال معمُور تھیندے ریہے۔

عبرانیوں 6:2

بپتسمہ گِھننڑ، مخصوص کرݨ کیتے سر اُتے ہتھ رکھنڑ، مُردیاں دی قیامت تے ابدی عدالت دی تعلیم دی بنیاد ولا نہ رکھوں۔

فِلیمون 1:16

پر ہُنڑ ہِک غُلام وانگُوں نئیں بلکہ غُلام کنُوں ودھ تے یعنی ہِک بِھرا وانگُوں۔ او میکُوں عزیز ہے پر مَیں کنُوں ودھ تے تیکُوں عزیز ہے نہ صرف اِنسانی طور تے بلکہ خُداوند دے بندہ دی حیثیت نال وی۔

2 تِیمُتھِیُس 1:6

اِیہو وجہ ہے جو مَیں تیکُوں یاد ڈیویندا ہاں جو تُوں خُدا دی اُوں نعمت دی بھاہ کُوں نویں سرے تُوں بھڑکا ڈے جیہڑی میڈے ہتھ رکھنڑ نال تیکُوں مِلی ہے۔

1 تِیمُتھِیُس 4:14

اُوں نعمت تُوں غافل نہ رہ جیہڑی تیکُوں پیشن گوئی دے ذریعے مِلی جڈاں جماعت دے بزُرگاں تیڈے اُتے آپنڑے ہتھ رکھے۔

1کُرِنتھِیوں 15:47

پہلا بندہ زمین دی مِٹی کنُوں بنڑایا گِیا پر ڈُوجھا بندہ اسمان کنُوں آیا۔

1کُرِنتھِیوں 15:8

تے سبھ کنُوں آخر ءچ او میکُوں ڈِکھالی ڈِتا جیہڑا پُورے ڈینہاں دا جم نہ ہم۔

رومیوں 15:7

جِینویں مسیح تُہاکُوں قبول کر گِھدے، اِینویں ای تُساں وی ہِک ڈُوجھے کُوں قبول کرو تاں جو خُدا کُوں جلال مِلے۔

اعمال 26:15

مَیں پُچھیا، ’اے خُداوند! تُساں کوݨ ہیوے؟‘ خُداوند جواب ڈِتا، ’مَیں یسُوع ہاں جِینکُوں تُوں سَتیندیں۔

اعمال 21:20

ایہ سُنڑ تے اُنہاں خُدا دی حمد کیتی تے وَل اُونکُوں آکھیا، ”بِھرا! تُوں آپ ڈیدھیں جو ہزاراں یہُودی اِیمان گِھن آئے ہِن تے او سارے شریعت اُتے عمل کرݨ ءچ بہُوں جوشیلے ہِن۔

اعمال 19:6

جِیں ویلے پولُس اُنہاں اُتے ہتھ رکھے تاں رُوح القُدس اُنہاں اُتے نازل تھیّا تے او غیر زباناں بولنڑ تے نبُوّت کرݨ لگے۔

اعمال 13:3

وَل اُنہاں روزہ رکھیا تے دُعا کیتی تے اُنہاں اُتے ہتھ رکھ تے اُنہاں کُوں رُخصت کیتا۔

اعمال 10:36

اُوں بنی اِسرائیل دے کولھ آپنڑا کلام بھیجیا تے یسُوع مسیح دے وسیلے، جیہڑا ساریاں دا خُداوند ہے، صُلح دی خوشخبری سُنڑائی۔

اعمال 4:31

جِیں ویلے اُنہاں دُعا کر گِھدی تاں او جاہ جِتھاں او جمع ہَن کمب گئی تے او سارے رُوح القُدس نال بھریج گئے تے او خُدا دا کلام جُرأت نال سُنڑاوݨ لگے۔

لُوقا 15:32

پر خوشی مناوݨ تے شادمان تھیوݨ لازم ہا کیوں جو تیڈا ایہ بِھرا مر گِیا ہا، ہُنڑ زندہ تھئے، گُم تھی گِیا ہا، ہُنڑ مِل گئے‘۔“

لُوقا 15:30

پر جِیں ویلے تیڈا ایہ پوتر سارا مال طوائفاں ءچ اُڈا تے آیا تاں تُوں اُوندے کیتے موٹا تازہ گابا ذبح کروا یا۔‘

لُوقا 2:11

اَج داؤد دے شہر ءچ تُہاڈے کیتے ہِک نجات ڈیوݨ آلا پیدا تھئے یعنی المسیح جیہڑا خُداوند ہے۔

لُوقا 1:76

تے میڈے پوتر! تُوں خُدا تعالیٰ دا نبی اکھویسیں کیوں جو تُوں خُداوند دے اگُوں اگُوں ٹُر تے اُوندے رستے تیار کریسیں

مرقس 6:5

او کوئی معجزہ اُتھاں نہ ڈِکھا سگیا۔ صرف تھوڑے جِیہے بیماراں اُتے ہتھ رکھ تے اُنہاں کُوں شِفا ڈِتی۔

متّی 19:13

اُوں ویلے لوک بالاں کُوں یسُوع دے کولھ گِھن آئے تاں جو او اُنہاں اُتے ہتھ رکھے تے دُعا ڈیوے پر شاگرداں اُنہاں کُوں جِھڑکیا۔

مرقس 5:23

تے مِنت کریندے ہوئے آکھنڑ لگا جو ”میڈی نِکی دِھی مرݨ آلی ہے۔ مہربانی کر تے آؤ تے اُوندے اُتے آپنڑے ہتھ رکھو تاں جو او ٹھیک تھی ونجے تے زندہ راہوے۔“

لُوقا 1:41

جِینویں ای اِلیشِبَع مریم دا سلام سُنڑیا تاں بال اُوندے پیٹ ءچ اُچھل پِیا۔ اِلیشِبَع رُوح القُدس نال بھریج گئی

لُوقا 1:67

وَل اُوندا پِیُو زکریاہ رُوح القُدس نال بھریج گِیا تے نبُوّت کرݨ لگا،

اعمال 9:18

تے فوراً ساؤل دے اکھیں اُتوں چِھلکے آلی کار کوئی چیز ڈھٹھی تے او سُجاکھا تھی گِیا تے اُٹھی تے بپتسمہ گِھدا۔

1کُرِنتھِیوں 9:1

کیا مَیں ازاد نئیں؟ کیا مَیں رسُول نئیں؟ کیا مَیں یسُوع کُوں نئیں ڈِٹھا جیہڑا ساڈا خُداوند ہے؟ کیا تُساں خُداوند کیتے میڈی خدمت دا پھل نئیں؟

2 پطرس 3:15

ساڈے خُداوند دے صبر کُوں نجات حاصل کرݨ دا موقع سمجھو، جِینویں ساڈے عزیز بِھرا پولُس وی اُوں حِکمت دے مطابق جیہڑی خُدا اُونکُوں ڈِتی ہے، تُہاکُوں لِکھیا ہے۔