اعمال 8:37 - کِتاب مُقدّس سرائیکی ترجمہ

³⁷ [فِلپُس آکھیا جو ”جے تُساں دل تے جان نال اِیمان رکھیندے ہیوے تاں بپتسمہ گِھن سگدے ہیوے۔“ اُوں جواب ڈِتا، ”مَیں اِیمان رکھیندا ہاں جو یسُوع مسیح خُدا دا پوتر ہے۔“]

اعمال 8:37 Referans Kwoze

اعمال 8:36

او رستے ءچ ویندے ہوئے، ایجھی جاہ اُتے پُجے جِتھاں پانڑی ہا۔ خوجے آکھیا ”ڈیکھ اِتھاں پانڑی موجود ہے، ہُنڑ میکُوں بپتسمہ گِھننڑ تُوں کیہڑی چیز روکیندی ہے؟“

اعمال 8:38

بس اُوں بگھی کُوں روکنڑ دا حُکم ڈِتا تے فِلپُس تے خوجہ ڈوہائیں پانڑی ءچ لتھے تے فِلپُس اُونکُوں بپتسمہ ڈِتا۔

متّی 16:16

شمعون پطرس جواب ڈِتا، ”تُساں زندہ خُدا دے پوتر المسیح ہیوے۔“

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

مرقس 16:16

جیہڑا اِیمان گِھن آوے تے بپتسمہ گِھنے او نجات پیسی، پر جیہڑا اِیمان نہ گِھن آوے او مُجرم کھڑایا ویسی۔

یُوحنّا 6:68

شمعون پطرس اُونکُوں جواب ڈِتا، ”مالک! اساں کیندے کولھ ونجُوں؟ ہمیشاں دی زندگی دے گالھیں تاں تُہاڈے ای کولھ ہِن۔

یُوحنّا 9:35

جِیں ویلے یسُوع ایہ سُنڑیا جو اُنہاں اُونکُوں باہر کڈھ ڈِتے، تاں اُوں اُونکُوں گولھ تے آکھیا ”کیا تُوں اِبنِ آدم اُتے اِیمان گِھن آندیں؟“

یُوحنّا 11:27

اُوں اُونکُوں آکھیا، ”ہاں مالک! میڈا اِیمان ہے جو خُدا دا پوتر المسیح جیہڑا دُنیا ءچ آوݨ آلا ہا، تُساں ای ہیوے۔“

یُوحنّا 20:31

پر ایہ اِیں واسطے لِکھے گئے جو تُساں اِیمان گِھن آؤ جو یسُوع ای خُدا دا پوتر، المسیح ہے تے اِیمان گِھن آ تے اُوندے ناں ءچ زندگی پاؤ۔

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

اعمال 8:12

پر جِیں ویلے اُنہاں فِلپُس دا یقین کیتا جیہڑا خُدا دی بادشاہی تے یسُوع مسیح دے ناں دی خوشخبری ڈیندا ہا تاں سبھ لوک بھانویں مرد بھانویں عورت بپتسمہ گِھننڑ لگے۔

اعمال 8:21

اِیں کم ءچ تیڈا کوئی حصہ یا سانجھ نئیں کیوں جو تیڈا دل خُدا دے نزدیک ٹھیک نئیں۔

اعمال 9:20

تے فوراً عبادت خانیاں ءچ یسُوع دی تبلیغ کرݨ لگا جو او خُدا دا پوتر ہے۔

رومیوں 10:10

کیوں جو راستباز کھڑائے ونجنڑ کیتے دل نال اِیمان گِھن آونڑاں ہوندے تے نجات حاصل کرݨ کیتے اِقرار مُنہ کنُوں کیتا ویندے۔

1کُرِنتھِیوں 12:3

اِیں واسطے مَیں تُہاکُوں سمجھاوݨ چاہندا ہاں جو جیہڑا بندہ خُدا دے رُوح القُدس دی ہدایت نال گالھ کریندے، او کڈھائیں وی ”یسُوع اُتے لعنت“ نئیں کر سگدا، تے کوئی وی رُوح القُدس دی ہدایت دے بغیر نئیں آکھ سگدا جو ”یسُوع خُداوند ہے۔“

1 پطرس 3:21

اُوہو پانڑی بپتسمہ دو اِشارہ ہے جیہڑا یسُوع مسیح دے زندہ تھیوݨ دے وسیلے نال ہُنڑ تُہاکُوں بچیندے۔ ایہ نئیں جو تُہاڈے جِسم دی گندگی دھویج ویندی ہے بلکہ تُساں نیک نیّتی نال خُدا دے طالب تھی ویندے ہیوے۔

1 یُوحنّا 4:15

جیہڑا کوئی اِقرار کریندے جو یسُوع خُدا دا پوتر ہے، خُدا اُوندے ءچ راہندے تے او خُدا ءچ۔

1 یُوحنّا 5:1

جیہڑا کوئی ایہ اِیمان رکھیندے جو یسُوع ای المسیح ہے، او خُدا دا فرزند ہے تے جیہڑا باپ نال محبت رکھیندے او اُوندے فرزنداں نال وی محبت رکھیندے۔

1 یُوحنّا 5:5

دُنیا اُتے کوݨ غالب آندے؟ صرف اُوہو جِیندا اِیمان ہے جو یسُوع خُدا دا پوتر ہے۔

1 یُوحنّا 5:10

جیہڑا خُدا دے پوتر اُتے اِیمان رکھیندے، او آپنڑے آپ ءچ اِیہو گواہی رکھیندے۔ جئیں خُدا اُتے یقین نئیں رکھیا، اُوں خُدا کُوں کُوڑا آکھیا کیوں جو او اُوں گواہی اُتے اِیمان نئیں رکھیندا جیہڑی خُدا آپنڑے پوتر دے حق ءچ ڈِتی ہے۔